8.fundur íþrótta- og menningarnefnd

Almenn afgreiðslumál

1.

1306033 - Menningarmánuðurinn 2013

Formaður leggur fram hugmyndir að viðburðum í menningarmánuðinum október. Þær eru Kaupfélagssmiðjudagur, tónleikar með lögum Páls Ísólfssonar á 120 ára afmæli hans, tónleikar ungra hljómsveita í menningarsalnum og Selfossdagur í Reykjavík. Góðar umræður um hugmyndirnar og líst nefndinni vel á. Fram kom að bæta þyrfti einum viðburði við á Eyrarbakka en þá væru komnir fimm viðburðir á dagskrá mánaðarins. Samþykkt samhljóða.

2.

1306066 - Nafnasamkeppni um miðbæjargarðinn á Selfossi

Farið yfir þær tillögur sem bárust eftir að auglýst var í júlí sl. eftir tillögum að nöfnum á miðbæjargarðinn á Selfossi. Fram kom að fjöldi innsendra tillagna sé um 85 talsins en í þeim eru lögð til rétt um 60 nöfn. Rætt um tillögurnar og verður niðurstaða nefndarinnar kynnt nk. laugardag á Sumri á Selfossi. Samþykkt samhljóða. 

3.

1306106 - Beiðni um staðsetningu fyrir skatepark í Árborg

Farið yfir undirskriftalista þar sem sveitarfélagið er hvatt til að bæta aðstöðu fyrir hjólabretta- og hlaupahjólaiðkun í sveitarfélaginu. Lagt til að skoðað verði hvort hægt sé að koma svona aðstöðu fyrir á Selfossvelli. Starfsmanni nefndarinnar falið að vinna málið áfram. Samþykkt samhljóða.

4.

1202261 - Söfnun upplýsinga um sögu húsa í Sveitarfélaginu Árborg

Guðmunda Óladóttir, verkefnisstjóri kom inn á fundinn og fór yfir stöðu verkefnisins. Fram kom að núna væru upplýsingar um u.þ.b. 50 hús klár en eftir er að opna fyrir hluta þeirra á á vefsíðunni. Rætt um að farið yrði í aukna kynningu hjá íbúum til að auka áhuga og vekja athygli á verkefninu sem vonandi skilar sér í því að meiri upplýsingar koma inn frá íbúum. Samþykkt samhljóða.