82. fundur félagsmálanefndar
82. fundur félagsmálanefndar Árborgar haldinn í Ráðhúsi Árborgar,
mánudaginn 10. apríl 2006, kl. 17:15
Mætt: Guðjón Æ. Sigurjónsson, formaður, Guðmundur B. Gylfason, Þorgrímur Óli Sigurðsson, Björg E. Ægisdóttir og Anný Ingimarsdóttir, félagsráðgjafi.
1. Húsnæðismál.
a) Færð í trúnaðarbók.
b) Guðjón, formaður sagði frá að hann og Guðlaug Jóna Hilmarsdóttir, verkefnastjóri
félagslegra úrræða fóru á fund hjá meirihluta bæjarstjórnar til að fara yfir stöðu mála í húsnæðismálum.
2. Einstaklingsmál
Færð í trúnaðarbók.
3. Önnur mál.
a) Ívilnun vegna fráfalls maka.
Afgreiðslu frestað, aflað verður frekari gagna.
b) Úttekt á launum karla og kvenna sem starfa hjá sveitarfélaginu.
Greinargerðir frá Ragnheiði Thorlacius, framkvæmdastjóra Fjölskyldumiðstöðvar og Guðlaugu Sigurðardóttur, framkvæmdastjóra Fjármála- og stjórnsýslusviðs lagðar fram til kynningar.
Nefndin óskar eftir að greinargerð framkvæmdastjóra Framkvæmda- og veitusviðs verði lögð fram á næsta fundi. Anný falið að fá þessar upplýsingar.
Í tilefni af úttektinni leggur félagsmálanefnd til eftirfarandi:
“ Á fundi félagsmálanefndar þann. 9. febrúar sl. var það lagt fyrir framkvæmdastjóra sviða, þ.e. framkvæmdastjóra fjármála- og stjórnsýslusviðs, framkvæmdastjóra Fjölskyldu-miðstöðvar og framkvæmdastjóra framkvæmda- og veitusviðs, að gera úttekt á launum karla og kvenna hver á sínu sviði og meta hvort konum og körlum sem vinna jafnverðmæt og sambærileg störf sé mismunað í launum og öðrum kjörum á grundvelli kynferðis.
Í framhaldi af úttekt framkvæmdastjóranna beinir félagsmálanefnd því til bæjarráðs að það feli starfsmannastjóra sveitarfélagsins að bera saman kjör kvenna og karla sem vinna á sviðunum þremur í þeim tilgangi að kanna hvort um sé að ræða mismun í launum og örðum kjörum á grundvelli kynferðis.
Lagt er til að starfsmannastjóri skili félagsmálanefnd skýrslu um málið eigi síðar en 8. maí nk.”
c) Ársskýrsla Samtaka um kvennaathvarf fyrir árið 2005 - lögð fram til kynningar.
Fundargerð lesin og fundi slitið kl.18:50
Björg E. Ægisdóttir
Anný Ingimarsdóttir
Þorgrímur Óli Sigurðsson
Guðmundur B. Gylfason
Guðjón Ægir Sigurjónsson
