9. fundur framkvæmda- og veitustjórnar
9. fundur framkvæmda- og veitustjórnar Árborgar, kjörtímabilið 2010-2014, haldinn fimmtudaginn 18. nóvember 2010 að Austurvegi 67, Selfossi, kl. 19:00
Mætt:
Elfa Dögg Þórðardóttir, formaður, D-lista,
Ingvi Rafn Sigurðsson, nefndarmaður, D-lista,
Tómas Ellert Tómasson, nefndarmaður, D-lista,
Eggert Valur Guðmundsson, nefndarmaður, S-lista,
Bjarni Harðarson, nefndarmaður, V-lista,
Guðmundur Elíasson, Framkvæmdastjóri.
Dagskrá:
1. 1006066 - Selfossvirkjun
Eiríkur Bragason ráðgjafi kemur á fundinn
Eiríkur Bragason kom á fundinn og málefni fyrirhugaðrar Selfossvirkjunar rædd. Nefndin felur Eiríki að gera minnisblað með fleiri möguleikum á útfærslum rennslisvirkjunar. Ræddar voru fjármögnunarleiðir við hugsanlegar virkjunarframkvæmdir.
2. 1011135 - Drög að fjárfestingaáætlun fyrir 2011
Farið var yfir fyrstu drög.
3. 0806063 - Björgunarmiðstöð. Kostnaður við gerð útboðsgagna
Farið yfir tilboð frá verkfræðistofum
Tómas Ellert vék af fundi meðan á afgreiðslu stóð.
Sex verkfræðistofur gáfu verð í stöðuúttekt, gerð útboðsgagna og byggingastjórn á lokafrágangi húsnæðis Björgunarmiðstöðvarinnar. Stjórn Framkvæmda- og veitusviðs felur framkvæmdastjóra að ganga til samninga við lægstbjóðanda sem er verkfræðistofan Verkís.
4. 1009054 - Uppsetning á byggðamerkjum
Kostnaður við uppsetningu á byggðamerkjum kynntur
Áætlaður kostnaður við uppsetningu byggðamerkja er 610.000 kr. Framkvæmda- og veitustjórn felur framkvæmdastjóra að sjá um uppsetningu.
5. 1009055 - Uppsetning á veðurathugunarstöð á Selfossi
Svar frá Veðurstofu Íslands
Framkvæmda- og veitustjórn felur framkvæmdastjóra að ganga til samninga við Veðurstofu Íslands sem útvegar búnað og sér um uppsetningu og rekstur.
Fundargerð lesin upp og fundi slitið kl: 22:15
Elfa Dögg Þórðardóttir
Ingvi Rafn Sigurðsson
Tómas Ellert Tómasson
Eggert Valur Guðmundsson
Bjarni Harðarson
Guðmundur Elíasson
