9. fundur íþrótta- og tómstundanefndar
9. fundur íþrótta- og tómstundanefndar Árborgar, kjörtímabilið 2010-2014, haldinn föstudaginn 2. mars 2012 í Setri Egils, Ráðhúsi Árborgar, Austurvegi 2, Selfossi, kl. 12:00.
Mætt:
Grímur Arnarson, formaður, D-lista,
Þorsteinn Magnússon, nefndarmaður D-lista,
Erling Rúnar Huldarsson, nefndarmaður S-lista,
Bragi Bjarnason, menningar- og frístundafulltrúi.
Bragi Bjarnason ritaði fundargerð.
Dagskrá:
1. 1202319 - Umsókn um fjárveitingu til reksturs og uppbyggingar mótorkrossbrautar
Lögð fram gögn frá mótorcrossdeild Umf. Selfoss. Deildin óskar eftir samstarfi við sveitarfélagið um uppbyggingu og rekstur mótorcrossbrautarinnar í Hrísmýri. ÍTÁ lýsir yfir stuðningi við óskir deildarinnar og leggur til við bæjarráð að gengið verði til samninga sem fyrst. Samþykkt samhljóða.
2. 1110074 - Uppbygging íþróttamannvirkja í Árborg
Menningar- og frístundafulltrúi upplýsir um stöðu mála varðandi uppbyggingu íþróttamannvirkja í Árborg. Fram kom að vinna við búningsklefa á Selfossvelli sé í gangi og vonandi verði hægt að bjóða verkið út sem fyrst. Á árinu 2012 verður einnig skipt um þak á íþróttahúsinu á Stokkseyri sem og mögulega gólfefni í íþróttahúsi Vallaskóla en verið er að vinna í því máli með íþróttahreyfingunni.
3. 1202385 - 10 ára rekstraráætlun Golfklúbb Selfoss
Lagt fram til kynningar. Forsvarsmenn Golfklúbbs Selfoss eru í viðræðum við sveitarfélagið um framtíðarmarkmið klúbbsins og vonar ÍTÁ að þær skili sér í að rekstur golfklúbbsins verði tryggur því að góður golfvöllur er mikil bæjarprýði.
4. 1202401 - Stofnun Torfæruklúbbs Suðurlands
Lagt fram til kynningar. ÍTÁ óskar Torfæruklúbbi Suðurlands til hamingju og óskar félaginu velfarnaðar í sínu starfi.
5. 1202276 - Íslandsmót skákfélaga 2012
Fram kom að Íslandsmótið í skák verður haldið í húsnæði Fjölbrautaskóla Suðurlands 2. og 3. mars. Um 360 keppendur eru skráðir til leiks og er þetta því eitt af stærstu Íslandsmótunum í skák sem hafa verið haldin.
6. 1202386 - Þjóðarsáttmáli gegn einelti
Lagt fram til kynningar. ÍTÁ tekur undir mikilvægi þess að vel sé staðið að eineltismálum enda er aldrei í lagi að leggja einhvern í einelti. ÍTÁ leggur ríka áherslu á að foreldrar og forráðamenn upplýsi börnin sín um mikilvægi þess að koma í veg fyrir einelti.
Fundargerð lesin upp og fundi slitið kl: 13:00
Grímur Arnarson
Þorsteinn Magnússon
Erling Rúnar Huldarson
Bragi Bjarnason
