91. fundur bæjarráðs

1.

1201020 - Fundargerð framkvæmda- og veitustjórnar

32. fundur haldinn 4. apríl

-liður 4, mál nr. 1202372, flutningur á trjám úr Hellisskógi, bæjarráð vísar erindinu til fjárhagsáætlunar næsta árs.

Fundargerðin staðfest.

2.

1201021 - Fundargerð fræðslunefndar

20. fundur haldinn 12. apríl

Fundargerðin staðfest.

3.

1201024 - Fundargerð skipulags- og bygginganefndar

23. fundur haldinn 17. apríl

-liður 7, 1204044 fyrirspurn um að sameina lóðir að Austurvegi 60 og 60a, bæjarráð samþykkir að götureiturinn milli Rauðholts og Langholts, sunnan Austurvegar, verði deiliskipulagður svo fljótt sem verða má í samráði við lóðareigendur.

-liður 14, 1204048, deiliskipulag Strandgötu að vestan, Hásteinsvegi að austan, bæjarráð samþykkir að svæðið verði deiliskipulagt.

Fundargerðin staðfest.

4.

1201023 - Fundargerð menningarnefndar

16. fundur haldinn 20. apríl

-liður 2, styrkbeiðni, endurvakning Óháðrar listahátíðar á Selfossi sumarið 2012, lagt var til að bæjarráð samþykki styrk til verkfnisins að fjárhæð kr. 600.000. Fjárveitingin verði tekin af liðnum 21-490. Tillagan var borin undir atkvæði og samþykkt með tveimur atkvæðum bæjarfulltrúa D-lista, Eggert Valur Guðmundson, S-lista, sat hjá.

-liður 5, 1204163, styrkbeiðni vegna "Söguferða um þorpin", bæjarráð frestar afgreiðslu málsins.

Fundargerðin staðfest.

5.

1202236 - Fundargerð stjórnar SASS

455. fundur haldinn 13. apríl

Lagt fram.

6.

1203112 - Fundargerð stjórnar Sandvíkurseturs ehf

4. fundur haldinn 18. apríl

Fundargerðin lögð fram.

7.

1203094 - Umsókn um styrk - greiðsla fasteignaskatts á húsnæði Árnesingadeildar Rauða kross Íslands

Bæjarráð sér sér því miður ekki fært að verða við erindinu vegna áranna 2011 og 2012. Bæjarráð vísar endurskoðun á afsláttarreglum til fjárhagsáætlunargerðar fyrir árið 2013.

8.

1204125 - Bílastæðamál við leikskólann Jötunheima, erindi frá foreldrafélagi Jötunheima

Bæjarráð vísar erindinu til skipulags- og byggingarfulltrúa til skoðunar. Minnisblað verði lagt fyrir bæjarráð.

9.

1203163 - Unglingavinna og atvinna ungs fólks

Bæjarráð samþykkir að ráðast í atvinnuátaksverkefni fyrir 17-20 ára ungmenni, heimilað verði að ráða 10 ungmenni og einn verkstjóra. Kostnaðaráætlun er kr. 6.600.000 með efniskostnaði.

10.

1204093 - Atvinnuskapandi verkefni í Árborg, erindi Héraðsskjalasafns Árnesinga

Bæjarráð samþykkir erindið, kostnaður kr. 2.641.540,- færist á lið 21-490.

11.

1204136 - Atvinnuátak skógræktarfélaga og sveitarfélaga 2012

Bæjarráð frestar málinu til næsta fundar.

12.

1203220 - Átaksverkefni Vinnumálastofnunar sumarið 2012

Bæjarráð heimilar að ráðnir verði 10 starfsmenn í samræmi við afgreiðslu Vinnumálastofnunar á umsókn sveitarfélagsins um sumarstörf námsmanna og atvinnuleitenda. Áætlaður kostnaður er 3 mkr.

13.

1204053 - Endurbætur á húsnæði Heilbrigðisstofnunar Suðurlands

Magnús Skúlason, framkvæmdastjóri Heilbrigðisstofnunar Suðurlands, kom inn á fundinn undir þessum lið.

Bæjarráð fagnar framkomnum áformum um nauðsynlegar endurbætur á húsnæði Heilbrigðisstofnunar Suðurlands, sem eru í samræmi við þær kröfur sem gerðar eru varðandi húsnæði af þessu tagi fyrir landið í heild, en gert er ráð fyrir að framkvæmdir við 1. áfanga hefjist haustið 2012. Sveitarfélagið mun styðja við bakið á þessum framkvæmdum varðandi skipulags- og byggingarmál eins og kostur er. Bæjarráð hvetur þingmenn til að tryggja að þessi áform gangi fram snuðrulaust.

14.

1012096 - Útboð á sorphirðu 2011 - 2012

Bæjarráð samþykkir að tekið verði tilboði Íslenska gámafélagsins í sorphirðu og þjónustu við gámasvæði.

Bæjarráð fagnar niðurstöðu útboðs, en áætlaður sparnaður af óbreyttri þjónustu er um 16 mkr. á ári.

15.

1203043 - Beiðni um endurskoðun á verksamningi um byggingu dælustöðvar

Bæjarráð felur framkvæmdastjóra að funda með forsvarmanni Vörðufells.

16.

1110035 - Útboð á lokafrágangi stúku

Niðurstaða tilboða var lögð fram til kynningar.

17.

1111029 - Umsögn - áfanga- og verkáætlun fyrir vatnaáætlun 2011-2015

Bæjarráð vísar erindinu til tækni- og veitustjóra.

18.

1204139 - Hjólað í vinnuna 2012

Bæjarráð hvetur starfsmenn og íbúa til að taka þátt í verkefninu hjólað í vinnuna.

19.

1204003 - Umsögn SASS um frumvarp til laga um veiðigjöld, heildarlög

Lagt fram.