15.12.2016

94. fundur bæjarráðs

94.  fundur bæjarráðs Árborgar, kjörtímabilið 2014-2018, haldinn fimmtudaginn 15. desember 2016 í Setri Egils, Ráðhúsi Árborgar, Austurvegi 2, Selfossi, kl. 08:10.  Mætt: Gunnar Egilsson, formaður, D-lista, Ari B. Thorarensen, bæjarfulltrúi, D-lista, Eyrún Björg Magnúsdóttir, bæjarfulltrúi, Æ-lista, Helgi Sigurður Haraldsson, áheyrnarfulltrúi, B-lista, Eggert Valur Guðmundsson, áheyrnarfulltrúi, S-lista, Ásta Stefánsdóttir, framkvæmdastjóri. Formaður leitaði afbrigða að taka á dagskrá beiðni frá nefndarsviði Alþingis um umsögn um frumvarp til laga um Lífeyrissjóð starfsmanna ríkisins (breyting á A-deild sjóðsins). Var það samþykkt samhljóða. Dagskrá: 

Fundargerðir til staðfestingar
1.	1601004 - Fundargerð félagsmálanefndar Jafnréttisáætlun
	25. fundur haldinn 5. desember
	-liður 1, 1612027, Jafnréttisáætlun Sveitarfélagsins Árborgar. Bæjarráð staðfestir áætlunina. Fundargerðin staðfest.
2.	1601008 - Fundargerð íþrótta- og menningarnefndar
	25. fundur haldinn 7. desember
	Fundargerðin staðfest.
3.	1601003 - Fundargerðir fræðslunefndar
	27. fundur haldinn 8. desember
	-liður 22, 1612055, PISA 2015. Bæjarráð tekur undir bókun fræðslunefndar þar sem nefndin fagnar niðurstöðum PISA könnunar fyrir Árborg og sendir bestu hamingjuóskir til starfsfólks skóla og skólaþjónustu og til nemenda og foreldra. Niðurstöður sýna að unnið er í rétta átt, en hjá Árborg eykst lesskilningur marktækt, sem og læsi á náttúruvísindi. Læsi á stærðfræði eykst einnig þrátt fyrir að þar sé ekki um marktæka breytingu að ræða. Fundargerðin staðfest.
Fundargerðir til kynningar
4.	1611091 - Starfshópur um undirbúning að útboði vegna sorphirðu 4- 1611091
	2. fundur haldinn 24. nóvember 3. fundur haldinn 8. desember
	Lagt fram til kynningar.
5.	1602004 - Fundargerðir heilbrigðisnefndar Suðurlands 5- 1602004
	176. fundur haldinn 2. desember
	Lagt fram.
6.	1603040 - Fundargerð starfshóps um undirbúning að byggingu hjúkrunarheimilis í Árborg 6- 1603040
	2. fundur haldinn 2. desember
	Lagt fram.
Almenn afgreiðslumál
7.	1612058 - Áskorun til Alþingis um að tryggð verði fjárveiting til löggæslu vegna öryggis ferðamanna og íbúa
	Bæjarráð Árborgar lýsir yfir áhyggjum af skertum fjárveitingum til lögreglunnar á Suðurlandi, en skv. frumvarpi til fjárlaga er ekki gert ráð fyrir að framhald verði á fjárveitingu sem kom í gegnum Stjórnstöð ferðamála fyrir þetta ár til að efla eftirlit yfir sumarið, eftirlit í uppsveitum Árnessýslu, í Öræfum og á hálendinu. Brýn nauðsyn er á að halda uppi auknu umferðareftirliti í umdæmi lögreglunnar á Suðurlandi. Að óbreyttu verða einungis tveir útkallsbílar eða fjórir lögreglumenn á vakt í Árnessýslu, sem er óviðunandi en þar búa um 15.000 manns. Langflest sumarhús landsins eru á því svæði, auk þess sem þar eru fjölsóttir ferðamannastaðir. Bæjarráð hvetur Alþingi til að tryggja að fjárveiting verði sett inn á fjárlög þessa árs.
8.	1612059 - Tillaga Eyrúnar B. Magnúsdóttur, Æ-lista, um að Sveitarfélagið Árborg verði skilgreint sem barnvænt sveitarfélag 8- 1612059
	Eyrún lagði fram eftirfarandi bókun: Björt framtíð í Árborg hvetur Sveitarfélagið Árborg til að hefja formlegt ferli, í samvinnu við Unicef á Íslandi og umboðsmann barna, við innleiðingu Barnasáttmála Sameinuðu þjóðanna og stefna í kjölfarið að því að verða barnvænt sveitarfélag. Bæjarráð samþykkir að hefja formlegt ferli við verkefnið og felur fræðslunefnd, félagsmálanefnd og íþrótta- og menningarnefnd að vinna áfram að málinu.
9.	1603176 - Fjárhagsyfirlit og rekstrartölur
	Lagt var fram yfirlit yfir rekstur janúar til október ásamt yfirliti yfir staðgreiðslu og framlög úr Jöfnunarsjóði.
10.	1612116 - Beiðni nefndasviðs Alþingis, dags. 14. desember, um umsögn um frumvarp til laga um Lífeyrissjóð starfsmanna ríkisins, breyting á A-deild sjóðsins 10- 1612116
	Bæjarráð Árborgart telur áhrif frumvarspsins skipta verulegu máli og mælir með því að það verði samþykkt.
Erindi til kynningar
11.	1607086 - Framkvæmd nýrra laga um almennar íbúðir, erindi Sambands íslenskra sveitarfélaga, dags. 1. desember 2016, um gerð húsnæðisáætlana 11- 1607086
	Bæjarráð vísar erindinu til félagsmálanefndar.

Fundargerð lesin upp og fundi slitið kl: 09:10. Gunnar Egilsson                                            Ari B. Thorarensen Eyrún B: Magnúsdóttir                                  Eggert Valur Guðmundsson  Helgi S. Helgason                                          Ásta Stefánsdóttir