169. fundur bæjarráðs

Fundargerðir til staðfestingar

1.

1401092 - Fundargerð félagsmálanefndar

32. fundur haldinn 30. janúar

Fundargerðin staðfest.

Bæjarráð þakkar félagsþjónustusviði fyrir greinargott yfirlit yfir stöðu mála á sviðinu.

Almenn afgreiðslumál

2.

1401489 - Beiðni um leyfi fyrir dúfnakofa að Víkurheiði

Bæjarráð tekur jákvætt í erindið og vísar því til skipulags- og byggingarfulltrúa og framkvæmdastjóra framkvæmda- og veitusviðs til afgreiðslu.

3.

1401492 - Rekstrarleyfisumsögn - heimagisting að Laxabakka 16, Selfossi

Bæjarráð vísar erindinu til skipulags- og byggingarnefndar.

4.

1401397 - Rekstrarleyfisumsögn - Garun apartments Skólavöllum 7

Bæjarráð vísar erindinu til skipulags- og byggingarnefndar.

5.

1306045 - Staða mála varðandi deiliskipulag - gatnamót Suðurlandsvegar og Biskupstungnabrautar

Vegagerðin vinnur að endurskoðun veglínu Suðurlandsvegar og meðan sú endurskoðun stendur yfir er ekki hægt að vinna deiliskipulag við gatnamót Suðurlandsvegar og Biskupstungnabrautar. Í dag liggur ekkert vilyrði fyrir af hálfu Sveitarfélagsins Árborgar um lóð við Biskupstungnabraut og verður ekki ráðist í deiliskipulag þess svæðis á þessu kjörtímabili. Enginn samningur er á milli Gatnamóta ehf. og sveitarfélagsins og verður ekki farið í úthlutun lóða við Biskupstungnabraut enda liggur ekki endanleg veglína fyrir. Áhersla sveitarfélagsins í skipulagsmálum er á uppbyggingu miðbæjar Selfoss og annarra byggðakjarna, grænum svæðum og verslunargötum með göngu- og hjólastígum.

6.

1310167 - Atvinnumálafundur Árborgar 28.11.2013, samantekt

Lögð var fram samantekt atvinnuráðgjafa af fundinum.

7.

1402005 - Styrkveitingar Vegagerðarinnar til göngu- og hjólastíga meðfram stofnbrautum

Í viðræðum við fulltrúa Vegagerðarinnar á síðasta fundi bæjarráðs kom fram að mögulegt væri að sækja um styrki á grundvelli 27. gr. vegalaga í sjóði Vegagerðarinnar til að leggja göngu- og hjólastíga meðfram þjóðvegum. Bæjarráð samþykkir að sækja um styrki til yfirborðsfrágangs svonefnds Fjörustígs milli Eyrarbakka og Stokkseyrar og stígs milli Selfoss og Eyrarbakka.

Helgi S. Haraldsson, B-lista, lagði fram svohljóðandi bókun:
„Ég minni á að stígurinn meðfram Eyrarbakkavegi er reiðvegur og samkomulag í gangi við hestamenn um að hann verði ekki aflagður og breytt í göngu- og hjólastíg, fyrr en önnur reiðleið er komin frá Selfossi á Eyrarbakka og Stokkseyri.  Í því sambandi tel ég eðlilegt að skoðað verði að nýr vegur meðfram jarðstreng Landsnets frá Selfossi í Þorlákshöfn verði gerður að reiðvegi í staðinn og núverandi reiðveg meðfram Eyrarbakkavegi breytt í hjóla- og göngustíg.  Enda er möguleiki á fjármagni frá Vegagerðinni í gerð hans en ekki í veg Landsnets.“

8.

1311086 - Kaup á landi vegna hreinsistöðvar fráveitu

Bæjarráð samþykkir kaup á landspildu úr landi Litlu-Sandvíkur vegna hreinsistöðvar fráveitu. 

Helgi S. Haraldsson, B-lista, lagði fram eftirfarandi bókun:

„Þessi samningur um kaup á landi fyrir nýja fráveitulögn fyrir sveitarfélagið og hreinsistöð, er gerður þar sem sveitarfélaginu hefur verið stillt upp við vegg og það getur ekki annað en samþykkt, þrátt fyrir að verðið fyrir landið sé langt í frá að vera eðlilegt.“

9.

1010142 - Samkomulag vegna Hagalands

Bæjarráð samþykkir kaupsamning dags. 5. febrúar sl., við HÍ1 ehf vegna lands og lóða úr Hagalandi, auk samkomulags um uppbyggingu hverfisins. 

Helgi S. Haraldsson, B-lista, lagði fram eftirfarandi bókun:
„Þessi samningur við eitt af félögum Landsbankans er nauðasamningur fyrir sveitarfélagið og framkoma félagsins og þar með Landsbankans, viðskiptabanka sveitarfélagsins, er ömurleg.“

10.

1206166 - Fjárhagsleg viðmið sveitarstjórnarlaga, erindi EFS

Fjármálastjóra er falið að senda Eftirlitsnefnd með fjármálum sveitarfélaga svar við erindi nefndarinnar.