2. 1905017 - Umsögn - grænbók um stefnu ríkisins í málefnum sveitarfélaga
Hvatning frá stjórn sambandsins til allra sveitarfélaga að taka grænbókina til umræðu og senda inn umsögn um málið. Frestur til að skila inn umsögn hefur verið framlengdur til 11. júní nk.
3. 1905280 - Framkvæmdaleyfisumsókn vegna endurgerðar Smáratúns
Erindi frá 20. fundi skipulags- og byggingarnefndar frá 22. maí sl., liður 7.13. Lagt er til við bæjarráð að framkvæmdaleyfið verði veitt. Umsækjandi er Sveitarfélagið Árborg, kt. 650598-2029.
Bæjarráð samþykkir að veita framkvæmdaleyfi vegna endurgerðar Smáratúns.
4. 1904172 - Lóðarumsókn - Eyrarbraut 51
Tillaga frá 20. fundi skipulags- og byggingarnefndar frá 22. maí sl., liður 7.7. Beiðni um vilyrði fyrir lóðunum að Eyrarbraut 51, 53 og 55, Stokkseyri. Lagt er til við bæjarráð að beiðni um vilyrði verði hafnað. Umsækjandi Unnar Már Hjaltason.
Bæjarráð hafnar beiðni um vilyrði fyrir lóðunum að Eyrarbraut 51, 53 og 55, Stokkseyri, að tillögu skipulags- og byggingarnefndar.
5. 1906034 - Ósk um samstarf vegna þátttöku handknattleiksdeildar Umf. Selfoss í Meistaradeild Evrópu 2019-2020
Erindi frá deildastjóra menningar- og frístundadeildar, dags. 2. júní, um mögulegt samstarf sveitarfélagsins vegna þátttöku handknattleiksdeildar Umf. Selfoss í Meistaradeild Evrópu 2019-2020.
Bæjarráð fagnar frábærum árangri handknattleiksdeildar Umf. Selfoss og styður heilshugar þá fyrirætlan þeirra að takast á við sterkustu lið Evrópu í handknattleik. Bæjarráð óskar liðinu góðs gengis. Bæjarráð samþykkir því ósk handknattleiksdeildar Umf. Selfoss um stuðning við þátttöku í Meistaradeild Evrópu 2019-2020. Í því felst að standa straum af kostnaði vegna keppnisaðstöðu samkvæmt meðfylgjandi minnisblaði deildarstjóra frístunda- og menningarmála dags. 2. júní, allt að 7 milljónum króna. Bæjarstjóra falið að ganga frá viðauka og leggja fyrir bæjarstjórn.
Erindi frá stjórnendum Tónlistarskóla Árnesinga, dags. 4. júní, þar sem farið er þess á leit við sveitarfélagið að kannað verði með húsnæðismál fyrir skólann á Selfossi.
Bæjarráð bendir á að fyrirætlanir eru um að Tónlistarskóli Árnesinga fái aðtöðu í nýjum Björkurskóla. Bæjarstjóra falið að hafa samband við leigusala núverandi húsnæðis um úrbætur.
7. 1902274 - Rekstrarleyfisumsögn - Hotel South Coast
Beiðni Sýslumannsins á Suðurlandi, dags. 26. febrúar, þar sem óskað er eftir umsögn um rekstrarleyfi til sölu á gistingu í flokki IV hótel á Eyravegi 11-13. Umsækjandi Bárukór ehf, kt. 540119-1710.
Bæjarráð gerir ekki athugasemdir við að rekstrarleyfi verði veitt Hotel South Coast til sölu gistingar í flokki IV á Eyrarvegi 11-13.
