|
| Almenn erindi |
| 1. 1904175 - Umsögn - frumvarp til laga um Þjóðgarðastofnun og þjóðgarða |
Fyrir hönd Sveitarfélagsins Árborgar gerir bæjarráð eftirfarandi athugasemdir við frumvarp til laga um Þjóðgarðastofnun og þjóðgarða.
Bæjarráð telur brýnt að gera breytingu á frumvarpinu í þá veru að þeir aðilar sem nefndir eru í 3. tölulið 2. mgr. 12. greinar um umdæmisráð gegni stöðu áheyrnarfulltrúa. Eins og Samband íslenskra sveitarfélaga hefur bent á mun slík breyting á frumvarpinu undirstrika að meginhlutverk þess er að vera samráðsvettvangur Þjóðgarðastofnunar og sveitarfélaga.
Bæjarráð Árborgar hvetur til þess að breytingar verði gerðar á frumvarpinu þannig að drög að atvinnustefnu fyrir friðlýst svæði verði samþætt verndar- og stjórnaráætlun. Heiti slíkra áætlana gæti þá orðið stjórnunar-, verndar- og nýtingaráætlanir.
Bæjarráð tekur undir með Sambandi íslenskra sveitarfélaga að mikilvægt sé að huga að því að það fyrirkomulag stjórnsýslu sem lagt er til í frumvarpinu verði ekki þyngra í vöfum en tilefni er til.
Bæjarráð Árborgar telur að breyta þurfi frumvarpinu þannig að áréttað verði að miðlæg stoðþjónusta geti átt sér stað utan aðalskrifstofu. Jafnframt óskar Svf. Árborg eftir því að aðalskrifstofa Þjóðgarðastofnunar hafi aðsetur í höfuðstað Suðurlands, á Selfossi.
|
| FW: Til umsagnar 778. mál frá nefndasviði Alþingis.pdf |
|
|
|
| 2. 1905014 - Umsögn - frumvarp til laga um skráningu einstaklinga |
| Lagt fram til kynningar. |
| FW: Til umsagnar 772. mál frá nefndasviði Alþingis.pdf |
|
|
|
| 3. 1904267 - Minnisblað um leikskólamál |
| Vinna er í gangi við að útvega færanlegar kennslustofur til að mæta þeim vanda sem óskað er lausnar á. Bæjarráð leggur áherslu á að farsæl lausn liggi fyrir á næstu vikum. |
|
|
|
| 4. 1904255 - Fyrirspurn - gatnagerðargjöld á Gagnheiði 20 |
| Bæjarráð hafnar erindinu. |
|
|
|
| 5. 1810162 - Rekstrarleyfisumsögn - Guesthouse Heba |
| Bæjarráð veitir jákvæða umsögn. |
|
|
|
| 6. 1811175 - Rekstrarleyfisumsögn - gistiheimilið South Central Selfoss apartment |
| Bæjarráð veitir jákvæða umsögn. |
|
|
|
| 7. 1901344 - Rekstrarleyfisumsögn - Skolo apartment |
| Bæjarráð veitir jákvæða umsögn. |
|
|
|
| 8. 1810177 - Rekstrarleyfisumsögn - gististaðurinn Thoristun Villa |
| Bæjarráð leggst gegn veitingu leyfis þar sem starfsemin samræmist ekki gildandi aðalskipulagi. |
|
|
|
| 9. 1904204 - Gildistaka laga um opinber innkaup og námskeið |
| Lagt fram til kynningar. |
| 03.05.2019Bréf-Upplýsingapósturtilsveitar_undirritað.pdf |
|
|
|
| 10. 1904257 - Umsögn - jarðgerð Íslenska gámafélagsins á Selfossi |
| Bæjarráð tekur undir afgreiðslu skipulags- og byggingarnefndar til málsins og telur ekki nauðsynlegt að fram fari umhverfismat vegna framkvæmdarinnar með vísan til 2.viðauka í lögum nr. 106/2000 um mat á umhverfisáhrifum. |
|
|
|
| 11. 1905017 - Umsögn - grænbók um stefnu ríkisins í málefnum sveitarfélaga |
| Lagt fram til kynningar. |
| FW: Grænbók um stefnu í málefnum sveitarfélaga birt í samráðsgátt.pdf |
|
|
|
| 12. 1905080 - Beiðni um afnot af skúr fyrir dvalarheimilið Sólvöllum |
| Bæjarráð tekur jákvætt í erindið og felur bæjarritara að ganga frá samningi um afnot. |
| umsókn um skúr vegna sólvalla.pdf |
|
|
|
| 13. 1905082 - Umsögn Sambandsins á tillögu til þingsályktunar um fjármálaáætlun 2020-2024 |
Bæjarráð Sveitarfélagsins Árborgar tekur undir umsögn Sambands íslenskra sveitarfélaga um fjármálaáætlun 2020-2024.
Farið er í umsögninni yfir þá hnökra sem orðið hafa á samskiptum ríkis og sveitarfélaga í tengslum við þá einhliða ákvörðun ríkisstjórnarinnar að frysta framlög til Jöfnunarsjóðs sveitarfélaga á árunum 2020 og 2021. Skerðingin nemur samtals 3-3,5 ma.kr. og bitnar harðast á fámennum sveitarfélögum. Gerð er skýlaus krafa um að Alþingi dragi til baka þessi áform ríkisstjórnarinnar.
Í umsögninni er einnig farið nokkuð ítarlega yfir einstök málefnasvið í fjármálaáætluninni enda snúa fjölmargar aðgerðir að samskiptum ríkis og sveitarfélaga. Á meðal atriða sem sambandið leggur mesta áherslu á má nefna:
Að innheimtuþóknun sem sveitarfélögin greiða ríkinu fyrir innheimtu útsvars í staðgreiðslu verði lækkuð verulega.
Að tryggt verði fjármagn til sóknaráætlana landshluta og til almenningssamgangna.
Að tekjur af gistináttaskatti færist til sveitarfélaga og að gripið verði til aðgerða til að bæta stöðu ferðaþjónustufyrirtækja á landsbyggðinni.
Að hraðað verði vinnu við mótun tillagna um skattlagningu orkumannvirkja.
Að framkvæmdum við ofanflóðavarnir verði hraðað.
Að unnið verði áfram að umbótum í menntamálum, með áherslu á nýliðun í kennarastétt.
Að rekstrarforsendur hjúkrunar- og dagdvalarrýma á öldrunarstofnunum verði treystar, þannig að daggjöld taki mið af kröfulýsingum fyrir þessar stofnanir.
Að teknar verði upp viðræður milli ríkis og sveitarfélaga um hvernig hægt verði að brúa bilið milli fæðingarorlofs og leikskóladvalar.
|
| Umsögn um tillögu til þingsályktunar um fjármálaáætlun 2020-2024 750. mál.pdf |
|
|
|
|
| Fundargerðir |
| 14. 1904009F - Eigna- og veitunefnd - 1 |
|
|
|
| 15. 1904006F - Skipulags og byggingarnefnd - 18 |
15.3. 1902099 - Ósk Rarik og Vörðulands ehf. um breytingu á deiliskipulagi Austurbyggðar.
Lagt er til við bæjarstjórn að deiliskipulagsbreytingin verði auglýst.
Niðurstaða þessa fundar
|
15.4. 1904046 - Umsókn um framkvæmdaleyfi vegna lagningu heimtaugar að Austurvegi 69 Selfossi. Umsækjandi: Vatnsveita Árborgar
Lagt er til við bæjarráð að framkvæmdaleyfið verði veitt.
Niðurstaða þessa fundar
Bæjarráð samþykkir að veita framkvæmdaleyfi vegna lagningu heimtaugar að Austurvegi 69, Selfossi.
|
15.10. 1901247 - Afgreiðsla á grenndarkynningu vegna byggingarleyfis að Grenigrund 31 Selfossi. Engar athugasemdir bárust.
Lagt er til við bæjarráð að skipulagsbreytingin verði samþykkt.
Niðurstaða þessa fundar
Bæjarráð vísar tillögu skipulagsnefndar í liðum 14.10 og 14.14 verði vísað til bæjarstjórnar.
|
15.14. 1903047 - Afgreiðsla á grenndarkynningu vegna byggingaáforma að Lækjarbakka 7 Selfossi. Engar athugasemdir bárust.
Lagt er til við bæjarráð að skipulagsbreytingin verði samþykkt.
Niðurstaða þessa fundar
Bæjarráð vísar tillögu skipulagsnefndar í liðum 14.10 og 14.14 verði vísað til bæjarstjórnar.
|
|
|
|
| 16. 1905001F - Skipulags og byggingarnefnd - 19 |
16.1. 1901275 - Tillaga að skipulagslýsingu við Tjarnarstíg Stokkseyri.
Lagt er til við bæjarstjórn að deiliskipulagslýsingin verði kynnt og auglýst, einnig að lýsingin verði kynnt fyrir hverfaráði Stokkseyrar.
Niðurstaða þessa fundar
Bæjarráð samþykkir að deiliskipulagslýsingin verði kynnt og auglýst og einnig að óskað verði eftir umsögn hverfisráð Stokkseyrar um deiliskipulagslýsinguna.
|
16.4. 1904257 - Beiðni um umsögn vegna jarðgerðar Íslenska gámafélagsins á Selfossi
Samþykkt að veita jákvæða umsögn.
Niðurstaða þessa fundar
|
|
|
|
| 17. 1904013F - Umhverfisnefnd - 1 |
17.1. 1904351 - Hreinsunarátak 2019
Hreinsunarátak 2019 verður dagana 13.-25.maí með sama sniði og undanfarin ár. Á tímabilinu verður þjónusta á gámasvæði sveitarfélagsins gjaldfrjáls fyrir íbúa sveitarfélagsins.
Gámar verða staðsettir á Eyrarbakka, austan tjaldsvæðis við Búðarstíg og á Stokkseyri við áhaldahús 13.-17.maí.
Nefndin hvetur íbúa til að taka þátt í hreinsunarátakinu og virða almennar umgengnisreglur um gámana.
Kristján Jóhannesson verkstjóri þjónustumiðstöðvar kom á fundinn og tók þátt í umræðu um hreinsunarátakið.
Niðurstaða þessa fundar
|
17.2. 1904352 - Sumaropnunartími gámasvæðis 2019
Rætt var um opnunartíma á gámasvæði. Samþykkt var að opnunartími gámasvæðis sumarið 2019 verði frá 10-17 mánudaga-laugardaga auk þess sem opnunartími verður lengdur til kl 18:30 einn virkan dag í hverri viku. Verkstjóra þjónustumiðstöðvar falið að útfæra breytingar á opnunartíma.
Kristján Jóhannesson verkstjóri þjónustumiðstöðvar kom á fundinn og tók þátt í umræðu um opnunartíma á gámasvæði.
Niðurstaða þessa fundar
|
17.3. 1904353 - Erindisbréf Umhverfisnefndar
Farið var yfir drög að erindisbréfi nefndarinnar og bæjarritara falið að vinna drögin áfram.
Niðurstaða þessa fundar
|
17.4. 1904354 - Sorpflokkun í Svf. Árborg
Fyrirkomulag sorpflokkunar í stofnunum sveitarfélagsins rædd og hvetur nefndin alla starfsmenn til þess að taka þátt í aukinni flokkun með jákvæðu hugarfari.
Niðurstaða þessa fundar
|
17.5. 1904356 - Kynning á verkefnum umhverfisdeildar
Dagskrárlið frestað til næsta fundar.
Niðurstaða þessa fundar
|
|
|
|
| 18. 1905003F - Eigna- og veitunefnd - 2 |
18.1. 1905067 - Ljósleiðaravæðing í dreifbýli Árborgar
Kristinn Hauksson frá Eflu fór yfir aðdraganda á útboði vegna ljósleiðaravæðingu í dreifbýli Svf. Árborgar og kynnti niðurstöður.
Tvö tilboð bárust:
Gagnaveita Reykjavíkur 45.346.163 kr
Míla 53.936.000 kr
Kostnaðaráætlun hljóðaði uppá 83.527.676 kr
Eigna- og veitunefnd leggur til að gengið verði að tilboði lægstbjóðanda svo framarlega sem hann standist kröfur sem tilteknar eru í útboðsgögnum.
Niðurstaða þessa fundar
Bæjarráð samþykkir að gengið verði að tilboði lægstbjóðanda, Gagnaveitu Reykjavíkur, svo framarlega sem hann standist kröfur sem tilteknar eru í útboðsgögnum.
|
18.2. 1811216 - Fjölnota íþróttahús á Selfossvelli
Fulltrúar Verkís hf og Alark ehf skiluðu af sér og kynntu forhönnun fyrsta áfanga fjölnota Íþróttahúss á íþróttasvæðinu við Engjaveg á Selfossi. Einnig lögðu fulltrúar Verkís fram og kynntu framkvæmda- og greiðsluáætlun með lykildagsetningum fyrir lokahönnun, útboð og framkvæmd á byggingu hússins. Gestir frá UMFS sátu kynninguna.
Framkvæmdaáætlun Verkís gerir ráð fyrir að útboðshönnun fyrir jarðvinnuverksamning og byggingarverksamning ljúki í sumar. Verksamningarnir verði síðan boðnir út á sama tíma með það að augnamiði að gefa verktökum tækifæri til þess að gera tilboð í hvorn verksamning fyrir sig, með möguleika á að gera frávikstilboð í báða samningana á sama tíma.
Framkvæmdaáætlunin gerir ráð fyrir því að jarðvinnuframkvæmdir geti hafist í byrjun október 2019, sem gefur jarðvinnuverktaka möguleika á að nýta haustið og veturinn til undirbúnings og uppgraftrar með það fyrir augum að ljúka allri vinnu við steyptar undirstöður og veggi, ásamt fyllingum í jörðu fyrir unglingalandsmót UMFÍ í ágúst 2020. Gert er ráð fyrir hléi frá 15.júli til 10. ágúst vegna unglingalandsmótsins.
Þá gerir áætlunin ráð fyrir að boðinn sé út verksamningur um íþróttabúnað og innréttingar fyrir lok árs 2020 svo vinna við frágang innanhúss geti hafist á fyrstu mánuðum ársins 2021.
Gert er ráð fyrir að öllum framkvæmdum ljúki með lögbundinni öryggisúttekt 1. júlí 2021 og að mannvirkið og lóðin séu afhent tilbúin til notkunar 1. ágúst 2021. Lögbundin lokaúttekt fer svo fram ári síðar, þann 1. ágúst 2022, þegar ábyrgðartími verksamninga rennur út.
Með því að gefa verktökum rúman byggingartíma og stýra greiðsluflæði framkvæmdarinnar þannig, að jafnar greiðslur falli til allan framkvæmdatímann, mun kostnaður vegna byggingarinnar dreifast á fjögur ár, sem gerir sveitarfélaginu auðveldar fyrir að fjármagna verkefnið.
Meirihluti Eigna- og veitunefndar leggur til við bæjarráð að samþykkja ofangreinda framkvæmdaáætlun og jafnframt óskar meirihluti nefndarinnar eftir því við bæjarráð að sviðstjóra Mannvirkja- og umhverfissviðs verði falið að undirrita samninga um útboðshönnun verkefnisins við Verkís og AlArk.
Fulltrúar D-lista greiddu atkvæði á móti og lögðu fram eftirfarandi bókun:
Ljóst er að fjölnota íþróttahús mun rísa á Selfossi og hafa nefndarmenn D-lista ekkert á móti slíkri framkvæmd, en telja að sveitarfélagið hafi ekki fjárhagslega burði til að ráðast í slíkt verkefni á þessum tímum.
Niðurstaða þessa fundar
Bæjarráð samþykkir tillögu meirihluta eigna- og veitunefndar og felur sviðstjóra Mannvirkja- og umhverfissviðs að undirrita samninga um útboðshönnun verkefnisins við Verkís og AlArk.
Fulltrúi D-lista tekur undir afstöðu og bókun fulltrúa D-lista í eigna- og veitunefnd.
|
18.3. 1711264 - Viðbygging við Leikskólann Álfheima
Útboðsgögn og kostnaðaráætlun vegna viðbyggingar við leikskólann Álfheima og endurgerð á eldra húsi lögð fram. Nefndin leggur áherslu á að viðbygging sem inniheldur starfsmannaaðstöðu verði kláruð á þessu ári.
Eigna- og veitunefnd leggur til við bæjarráð að fela starfandi sviðstjóra Mannvirkja- og umhverfissvið að bjóða verkið út eins fljótt og kostur er.
Niðurstaða þessa fundar
Bæjarráð samþykkir tillöguna og felur starfandi sviðstjóra Mannvirkja- og umhverfissviðs að bjóða verkið út eins fljótt og kostur er.
|
18.4. 1903228 - Endurgerð götu - Smáratún
Niðurstaða útboðs á verkinu "Endurgerð götu - Smáratún" kynnt.
Alls bárust þrjú tilboð í verkið:
Gröfutækni ehf 79.245.375 kr
Borgarverk ehf 93.490.000 kr
Aðalleið ehf 98.599.370 kr
Kostnaðaráætlun var 101.647.425kr
Lagt er til við bæjarráð að tilboði lægstbjóðanda verði tekið svo framarlega sem hann uppfylli skilyrði sem tiltekin eru í útboðsgögnum og starfandi sviðstjóra Mannvirkja- og umhverfissviðs falið að ganga til samninga.
Niðurstaða þessa fundar
Bæjarráð samþykkir að ganga til samninga við lægstbjóðanda svo framarlega sem hann uppfyllir skilyrði sem tiltekin eru í útboðsgögnum.
|
18.5. 1905068 - Útboð á göngu og hjólastígum 2019
Lögð fram áætlun um útboð á göngu- og hjólastígum í sveitarfélaginu 2019.
Eigna- og veitunefnd leggur til við bæjarráð að hafa samráð við skipulags- og byggingarfulltrúa vegna umferðaöryggis stígana, samþykkja áætlunina og fela starfandi sviðstjóra Mannvirkja- og umhverfissviðs að bjóða verkið út.
Niðurstaða þessa fundar
Bæjarráð samþykkir áætlunina og felur starfandi sviðstjóra Mannvirkja- og umhverfissviðs að bjóða verkið út.
|
|
|
|
| 19. 1905002F - Fræðslunefnd - 11 |
|
|
|
|
| Fundargerðir til kynningar |
| 20. 1905081 - Fundargerðir kjaranefndar 2019 |
|
|
|
| 21. 1902257 - Fundargerðir Veiðifélags Árnesinga 2019 |
|
|
|
