Fundargerðir

Bæjarráð - 165

Haldinn í Setri Egils, Ráðhúsi Árborgar, Austurvegi 2, Selfossi,
26.03.2026 og hófst hann kl. 08:10

Fundinn sátu: Sveinn Ægir Birgisson formaður, D-lista,
Álfheiður Eymarsdóttir varaformaður, Á-lista,
Arnar Freyr Ólafsson bæjarfulltrúi, B-lista,
Arna Ír Gunnarsdóttir áheyrnarfulltrúi, S-lista,
Bragi Bjarnason bæjarstjóri.

Fundargerð ritaði: Bragi Bjarnason, bæjarstjóri

Formaður óskar eftir að taka inn mál nr.2406376, staða orkuöflunar, á afbrigðum. Það er samþykkt samhljóða og kemur inn á dagskrá sem mál nr.6.

Dagskrá:

Almenn erindi

Margrét Blöndal kemur inn á fundinn kl.8:10

1. 2303295 - Menningarstefna Sveitarfélagsins Árborgar

Margrét Blöndal, deildarstjóri menningar- og upplýsingadeildar kemur inn á fundinn og kynnir drög að nýrri menningarstefnu Sveitarfélagsins Árborgar.

Margrét Blöndal, deildastjóri menningar- og upplýsingadeildar kemur inn á fundinn og kynnir drög að menningarstefnu Sveitarfélagsins Árborgar. Bæjarráð þakkar Margréti fyrir kynninguna og felur henni að vinna áfram að stefnunni í samræmi við umræðu á fundinum og leggja aftur fyrir bæjarráð.

Samþykkt

Margrét Blöndal fer af fundinum kl.9:05

Unnur Edda Jónsdóttir, fjármálastjóri kemur inn á fundinn kl.9:10

2. 2510456 - Ársreikningur Árborgar 2025

Unnur Edda Jónsdóttir, fjármálastjóri kemur inn á fundinn.

Unnur Edda Jónsdóttir, fjármálastjóri fer yfir vinnu vegna ársreiknings 2025.

Unnur Edda Jónsdóttir, fjármálastjóri fer af fundinum kl.9:26

3. 2603256 - Styrkbeiðni - Árshátíð VISS 2026

Erindi frá starfsmönnum VISS, dags. 19. mars, þar sem óskað er eftir styrk vegna sameiginlegrar árshátíðar starfsmanna VISS á Selfossi, Flúðum, Hvolsvelli og Þorlákshöfn. Óskað er efir niðurgreiða á miðaverðinu fyrir 28 fatlaða starfsmenn sem eru með lögheimili í Árborg.

Bæjarráð Árborgar samþykkir að niðurgreiða miðaverð um 6.000 kr. fyrir starfsfólk sem vinnur hjá VISS á Selfossi og hefur lögheimili í Árborg. Styrkveitingin er vegna sameiginlegrar árshátíðar VISS á Selfossi, Flúðum, Hvolsvelli og Þorlákshöfn. Gert er ráð fyrir styrknum innan fjárhagsáætlunar fyrir árið 2026.

Samþykkt

Styrkbeiðni - Árshátíð VISS 2026.pdf

4. 2510393 - Fyrirkomulag - Hverfisráð Árborgar

Á 69. fundi bæjarstjórnar, sem haldinn var 4. febrúar sl., voru samþykktar breytingar á samþykktum um hverfisráð Sveitarfélagsins Árborgar.
Bæjarstjórn skal skipa tvo bæjarfulltrúa til setu á fundum hvers hverfisráðs sem áheyrnarfulltrúar, þar sem þau hafi málfrelsi en ekki tillögu- eða atkvæðisrétt.
Gert er ráð fyrir að með hverju hverfisráði starfi einn úr meirihlutanum og annar úr minnihlutanum. Óskað er eftir tillögum frá bæjarfulltrúum að skipun þessara aðila.

Bæjarráð fór yfir tillögu að fulltrúum úr bæjarstjórn sem myndu skipa hverfisráðin á Eyrabakka, Stokkseyri og Sandvíkurhreppi. Tillagan verður lögð fyrir næsta fund bæjarstjórnar.

Samþykkt

5. 2206157 - Fundartími bæjarráðs kjörtímabilið 2022-2026

Lagt er til að fundur bæjarráðs í dymbilviku falli niður og að næsti fundur verði 9. apríl.
Fundargögn verða send út þriðjudaginn 7. apríl.

Tillagan er samþykkt samhljóða.

Samþykkt

6. 2406376 - Staða orkuöflunar

Bókun frá 53. fundi framkvæmda- og veitustjórnar frá 24. mars. sl. liður 6. Staða orkuöflunar.

Farið yfir stöðu við borun á vinnsluholu SE 47 hjá Selfossveitum.
Veitustjóri fór yfir borsögu á SE 47 og felur nefndin veitustjóra að vinna að áframhaldandi borun á svæðinu og kalla eftir nauðsynlegum upplýsingum og leggja fyrir sem fyrst.

Bæjarráð samþykkir tillögu veitustjóra Selfossveitna að haldið verði áfram orkuöflun á svæðinu fyrir aftan SS á Selfossi. Boruð verði ný hola í stað þeirrar sem skemmdist því vísbendingar eru um að talsvert magn af heitu vatni sé til staðar.

Bæjarráð felur eigna- og veitunefnd að taka tillit til aukins kostnaðar við orkuöflun í næstu endurskoðun á fjárfestingaráætlun 2026 og leggja fram tillögur fyrir bæjarráð um hvernig fjármögnun verði háttað.

Samþykkt

Fundargerðir

7. 2603003F - Velferðarnefnd - 24

24. fundur haldinn 17. mars.

8. 2603017F - Öldungaráð - 13

13. fundur haldinn 19. mars.

Fundargerðir til kynningar

9. 2209043 - Fundargerðir stjórnar Byggðasafns Árnesinga 2022 - 2026

21. fundur haldinn 16. mars.
Ársreikningur 2025.
Ársskýrsla Byggðasafns Árnesinga.

Lagt fram til kynningar.

260316 stjórnarfundur hjá Byggðasafni Árnesinga nr 21.pdf

Ársskýrsla Byggðasafns Árnesinga 2025.pdf