| Bæjarstjórn - 49 |
Haldinn í Grænumörk 5, Selfossi,
04.12.2024 og hófst hann kl. 16:00 |
|
Fundinn sátu: Kjartan Björnsson forseti bæjarstjórnar,
Bragi Bjarnason bæjarfulltrúi, D-lista,
Fjóla Steindóra Kristinsdóttir bæjarfulltrúi, D-lista,
Sveinn Ægir Birgisson bæjarfulltrúi, D-lista,
Brynhildur Jónsdóttir bæjarfulltrúi, D-lista,
Helga Lind Pálsdóttir bæjarfulltrúi, D-lista,
Arna Ír Gunnarsdóttir bæjarfulltrúi, S-lista,
Sigurjón Vídalín Guðmundsson bæjarfulltrúi, S-lista,
Arnar Freyr Ólafsson bæjarfulltrúi, B-lista,
Ellý Tómasdóttir bæjarfulltrúi, B-lista,
Álfheiður Eymarsdóttir bæjarfulltrúi, Á-lista,
Þórdís Sif Sigurðardóttir bæjarritari. |
|
Fundargerð ritaði: Þórdís Sif Sigurðardóttir, bæjarritari |
|
Í upphafi fundar kallar forseti eftir athugasemdum við útsent fundarboð. Engar athugasemdir eru gerðar. |
|
|
|
Dagskrá: |
|
|
| Almenn erindi |
| 1. 2206047 - Breytingar á samþykktum um stjórn og fundarsköp Sveitarfélagsins Árborgar kjörtímabilið 2022-2026 |
Til máls tók Bragi Bjarnason, D-lista.
Lagt er til við bæjarstjórn að vísa samþykktunum til síðari umræðu.
Er tillagan borin undir atkvæði og samþykkt samhljóða með 11 atkvæðum. |
|
|
|
| 2. 2411247 - Reglur - styrkur til náms í leikskólakennarafræðum í Árborg |
Til máls tók Brynhildur Jónsdóttir, D-lista.
Reglurnar eru bornar undir atkvæði og samþykktar samhljóða með 11 atkvæðum. |
| Reglur um styrki til náms í leikskólakennarafræðum í sveitarfélaginu Árborg Nýjasta (1).pdf |
|
|
|
| 3. 2312151 - Aðalskipulag Árborgar 2020-2036 - Breytingar I. á ASK 2024 |
Til máls tóku Bragi Bjarnason, D-lista, Fjóla St. Kristinsdóttir, D-lista, Arna Ír Gunnarsdóttir, S-lista, Sigurjón Vídalín Guðmundsson, S-lista og Álfheiður Eymarsdóttir, Á-lista.
Sigurjón Vídalín Guðmundsson, S-lista, leggur til að málinu verði frestað og aðalskipulagsbreytingin verði kynnt á fundi með bæjarfulltrúum.
Tillaga Sigurjóns VÍdalíns Guðmundssonar borin undir atkvæði, tillagan felld með 6 atkvæðum, með 1 atkvæði Á-lista og 5 atkvæðum D-lista á móti 2 atkvæðum S-lista, 2 atkvæðum B-lista og 1 atkvæði Fjólu St. Kristinsdóttur, D-lista.
Viðbrögð bæjarstjórnar Árborgar við athugun skipulagsstofnunar dags. 19.9.2024:
Um athugasemdir greinargerðar:
Í gildandi aðalskipulagi er ekki fjallað um hámarksfjölda íbúða heldur aðeins mögulegan fjölda nýrra íbúða. Það verði einnig gert í aðalskipulagsbreytingunni. Áætlaður fjöldi nýrra íbúða á ÍB7 verður leiðréttur. Ákvæði fyrir verslunar- og þjónustusvæðið VÞ11 verða felld út og verður þar vísað í nýja Landskipulagsstefnu.
Um athugasemdir stafrænna gagna:
Ekki verður tekið fram heildarbyggingarmagn. Ekki sé þörf á breytingu á samræmingu upplýsinga um stærð landnotkunarreita, en stærð þeirra er sú sama og í stafrænum gögnum og í greinargerð, einnig fyrir I1 og AF6. Ekki er talin þörf á breytingu vegna stærð landnotkunarreita í hekturum með einum aukastaf, þar sem það er nú þegar sett fram á þann hátt. Í eigindatöflu dettur út aukastafur ef hann er 0.
Bæjarstjórn Árborgar samþykkir þær breytingar sem fram hafa komið á tillögunni og einnig viðbrögð við athugun Skipulagsstofnunar á breyttu Aðalskipulagi Árborgar 2020-2036 til auglýsingar, í samræmi við 31. gr. skipulagslaga nr. 123/2010.
Tillagan samþykkt með 6 atkvæðum, 1 atkvæði Á-lista og 5 atkvæðum D-lista á móti 1 atkvæði Sigurjóns Vídalín Guðmundssonar, S-lista. Bæjarfulltrúar B-lista, Arna Ír Gunnarsdóttir, S-lista og Fjóla St. Kristinsdóttir, D-lista sátu hjá við afgreiðslu. |
| Athugun Skipulagsstofnunar v.auglýsingar 19.9.2024, ASKbreyting I.pdf |
| 109018 ASKBR Breytt skipulag Selfossi.pdf |
| 109018-ASKBR-Gildandi skipulag Selfossi.pdf |
| 109018-ASKBR-Gildandi og breytt skipulag dreifbýli.pdf |
| 109018-01-GRG-V03-Selfoss og dreifbýli ask breytingar.pdf |
|
|
|
| 4. 2411188 - Miðbær Selfoss. Tryggvatorg og árbakkasvæði - Dælustöð - DSK.Br. |
Til máls tók Sveinn Ægir Birgisson, D-lista.
Bæjarstjórn Árborgar samþykkir breytingartillögu í samræmi við 43. gr. skipulagslaga nr. 123/2010 og að tillagan verði auglýst skv. 41 gr. sömu laga.
Tillagan borin undir atkvæði og samþykkt samhljóða með 11 atkvæðum. |
| 24125-001-DSK miðbæjar - BR SE45 (ID 437081).pdf |
|
|
|
| 5. 2302244 - Eyravegur 42 - 44. - Deiliskipulag verslunar- og þjónustu auk íbúðabyggðar |
Til máls tók Bragi Bjarnason, D-lista.
Komið hefur verið til móts við ábendingar Skipulagsstofnunar með uppfærðum uppdrætti, hljóðvistargreiningu og umhverfisskýrslu og eru báðar skýrslur lagðar fram í bæjarstjórn Árborgar skv. meðfylgjandi gögnum.
Bæjarstjórn Árborgar samþykkir framkomið minnisblað um hljóðvistargreiningu og umhverfisskýrslu auk uppfærslu á uppdrætti og greinargerð skipulagsins. Bæjarstjórn Árborgar samþykkir tillögu að deiliskipulagi í samræmi við 41. gr. Skipulagslaga nr. 123/2010, og felur skipulagsfulltrúa að senda Skipulagsstofnun tillöguna og auglýsa í B-deild Stjórnartíðinda.
Tillagan er borin undir atkvæði og samþykkt með 9 atkvæðum, bæjarfulltrúar S-lista sátu hjá.
|
| Afgreiðsla Skipulagsstofnunar 26.9.2024, Eyravegur 42-44 DSK.pdf |
| 22-014-2.90.01 Deiliskipulagsuppdráttur Eyrarvegur 42-44 20241115.pdf |
|
|
|
| 6. 2410079 - Austurvegur 61-63. - Deiliskipulagsbreyting |
Til máls tóku Bragi Bjarnason, D-lista, Sigurjón Vídalín Guðmundsson, S-lista, Fjóla St. Kristinsdóttir, D-lista, Sveinn Ægir Birgisson, D-lista.
Bragi Bjarnason leggur til að málinu verði frestað og vísað aftur til frekari úrvinnslu byggingar- og skipulagsnefndar.
Tillaga Braga Bjarnason er borin undir atkvæði og samþykkt samhljóða með 11 atkvæðum. |
| Austurvegur 61-63 DSK.br. - Tillaga dags. 23.11.2024.pdf |
|
|
|
| 7. 2411340 - Breytingar á reglum um akstursþjónustu við fatlað fólk |
Til máls tók Helga Lind Pálsdóttir, D-lista.
Reglurnar eru bornar undir atkvæði og samþykktar samhljóða með 11 atkvæðum. |
| Uppfærðar reglur um akstursþjónustu fatlaðra 26.11.2024.pdf |
|
|
|
| 8. 2401306 - Viðauki við fjárhagsáætlun 2024 |
Til máls tók Bragi Bjarnason, D-lista.
Tillagan er borin undir atkvæði og samþykkt samhljóða með 11 atkvæðum. |
| Viðauki 8 fjárhagsáætlun 2024.pdf |
|
|
|
|
|
| 10. 2410311 - Fjárhagsáætlun 2025-2028 |
Til máls tóku Bragi Bjarnason, D-lista, Fjóla St. Kristinsdóttir, D-lista, Álfheiður Eymarsdóttir, Á-lista, Sigurjón Vídalín Guðmundsson, S-lista, Sveinn Ægir Birgisson, D-lista, Arnar Freyr Ólafsson, B-lista og Ellý Tómasdóttir, B-lista.
Fundarhlé er tekið kl. 18:14.
Fundi fram haldið kl. 18:19.
Fundarhlé er tekið kl. 18:43.
Fundi fram haldið kl. 18:52.
Fjárhagsáætlun 2024 og 3ja ára áætlun eru bornar undir atkvæði og samþykktar með 7 atkvæðum, 6 atkvæðum D-lista og 1 atkvæði Á-lista. Bæjarfulltrúar B-lista og S-lista sitja hjá.
Fjóla St. Kristinsdóttir, D-lista, gerir grein fyrir atkvæði sínu og leggur fram eftirfarandi bókun:
Eftir krefjandi rekstrarár, erfiðar aðgerðir og endurskipulagningu í rekstri sveitarfélagsins er sá viðsnúningur sem átt hefur sér stað á fjárhag Sveitarfélagsins Árborgar síðustu tvö ár ekkert minna en kraftaverk!
Það er mikilvægt að rifja upp þann tímapunkt vorið 2023 þegar bæjarfulltrúar voru boðaðir á fund með ráðgjöfum og eftirlitsnefnd með fjármálum sveitarfélaga en á þessum tíma var staða sveitarfélagsins grafalvarleg, ekkert handbært fé og lítill sem enginn aðgangur að lánsfé enda sveitarfélagið þá nýbúið að skila ársreikningi fyrir árið 2022 og komið yfir 150% viðmiðið. Í framhaldinu skrifuðu allir bæjarfulltrúar undir skjal þar sem þeir staðfestu að álag yrði lagt á íbúa sveitarfélagsins Árborgar til eins árs, enda ekki hægt að sækja um slíka heimild nema eitt ár í senn!
Það var öllum ljóst að mikilvægt væri að staðfesta það að álag yrði lagt á! fyrst og fremst til að sýna fjárfestum og lánastofnunum fram á að þannig myndum við auka framlegð og bæta reksturinn samhliða fjölgun íbúa. Við vitum það jú öll að það er erfitt að sækja um lán ef þú ert yfir veðsettur.
Þetta sumar náðum við að hækka yfirdrátt til að eiga fyrir launum, við náðum að veðsetja eignir í söluferli til að eiga fyrir launum, við sóttum 500 milljónir. kr. á markaði auk þess sem Lánasjóðurinn kom inn með viðbótarlán um haustið. Á þessum tímapunkti vorum við bundin í risa framkvæmd við Stekkjaskóla, áfanga tvö svo útgjöld voru vel rúmlega það sem kallast hefðbundin rekstrargjöld.
Það er hins vegar alveg ljóst að heimild til að setja álag á íbúa fékkst aðeins til eins árs og var umræða okkar bæjarfulltrúa að álagið fær af um leið og aðstæður leyfðu. Það voru mér því mikil vonbrigði eftir að sex mánaða uppgjör ársins 2024 lá fyrir, að ekki væri farið í það af fullum þunga að aflétta álagi.
Það má alveg spyrja sig hvort það sé löglegt að halda álagi á íbúa árið 2024 til streitu þegar sveitarfélagið er sannarlega komið undir 150% skuldviðmið A og B hluta skv. jafnvægis- og skuldareglu sveitarstjórnarlaga.
Kjörnir fulltrúar bera ábyrgð á fjárhag sveitarfélags og samkvæmt 63.gr sveitarstjórnalaga er óheimilt að víkja frá fjárhagsáætlun en það á þó ekki að koma í veg fyrir sveigjanleika í fjármálastjórnun sveitarfélaga eða því að bæjarstjórn geti brugðist við nýjum forsendum.
Það er allra hagur að rekstrarafkoma sveitarfélagsins sé jákvæð og traust en þannig veitum við íbúum sem allra besta þjónustu en á sama tíma viljum við að álögum á íbúa sé haldið í lágmarki eins og hægt er hverju sinni!
Ég samþykki fjárhagsáætlun ársins 2025, en lýsi um leið yfir miklum vonbrigðum með það að álagi hafi ekki verið aflétt strax í lok sumars þegar ljóst var að rekstrarafkoma Sveitarfélagsins er langt umfram áætlanir.
Að lokum vill ég þakka öllu starfsfólki og nefndarfólki sveitarfélagsins fyrir frábæra vinnu við gerð fjárhagsáætlunar en sú vinna sem á sér stað við gerð slíkrar áætlunar er yfirgripsmikil nákvæmnisvinna sem er ekki sjálfgefin.
Fjóla St. Kristinsdóttir, bæjarfulltrúi D-lista
Sigurjón Vídalín Guðmundsson, S-lista, leggur fram eftirfarandi bókun:
Í ljósi þessa að jöfnuður er að nást í fjárhag Sveitarfélagsins þá er ljóst að innheimta á viðbótarútsvari frá Íbúum Árborgar vegna tekjuársins 2025 er ekki lengur heimil eins og fram kom í bréfi frá eftirlitsnefnd með fjármálum sveitarfélaga til bæjarstjórnar á haustmánuðum 2024.
Á árinu 2023 var skuldaviðmið sveitarfélagsins komið undir 150% lögboðið hámark, langt á undan áætlun, og því ljóst að fjárhagsáætlun Sveitarfélagsins Árborgar 2024 - 2027 sem tók mið af ráðgjöf KPMG og fulltrúum eftirlitsnefndar með fjármálum sveitarfélaga voru rangar sem leiddu til mjög íþyngjandi aðgerða sem m.a. fólst í álagningu á útsvar íbúa sveitarfélagsins vegna tekjuársins 2024 og kemur til greiðslu 1. júní 2025.
Það er umhugsunarefni að íbúar í Sveitarfélaginu Árborg skyldu vera einu íbúarnir sem eftirlitsnefnd með fjármálum sveitarfélaga gekk jafn hart gegn, og raun varð á, með kröfu á álagningu viðbótarútsvars, þrátt fyrir að þriðjungur sveitarfélaga í landinu væru yfir 150% skuldaviðmiðinu.
Í því ljósi leggja undirritaðir bæjarfulltrúar til að horfið verði alfarið frá innheimtu á viðbótarútsvari frá íbúum fyrir árið 2024 og fundin leið, í samstarfi við eftirlitsnefnd með fjármálum sveitarfélaga, til að endurgreiða Jöfnunarsjóði sveitarfélaga viðbótarframlagið á næstu 5 ? 10 árum sem greitt var til Sveitarfélagsins Árborgar 2024, þannig að ekki þurfi að koma til innheimtu þess þann 1. júní 2025.
Undirritaðir bæjarfulltrúar hvetja meirihluta bæjarstjórnar að leita skynsamlegra leiða til aukinnar hagræðingar og skilvirkni í rekstrinum. Það eru því enn á ný mikil vonbrigði að laun formanns bæjarráðs hafi ekki verið lækkuð til samræmis við það sem þau voru áður og eins og til stóð í fjárhagsáætlunarvinnu ársins 2024. Það orkar því tvímælis og sætir furðu að finnast í lagi að hafa haft dagdvölina Árblik lokaða í sumarfríi 2024 í sparnaðarskyni en finnast áfram sanngjarnt að greiða formanni bæjarráðs 42% af þingfarakaupi í stað 21% eins og var þegar meirihluti D-lista komst til valda.
Undirritaðir bæjarfulltrúar sitja hjá við afgreiðslu fjárhagsáætlunar. Undirrituð vilja koma á framfæri þakklæti til starfsfólks sveitarfélagsins fyrir þeirra mikilsverða framlag við fjárhagsáætlunargerðina og margar góðar tillögur til þess að bæta rekstur Svf. Árborgar.
Arnar Freyr Ólafsson bæjarfulltrúi B-lista
Ellý Tómasdóttir bæjarfulltrúi B-lista
Arna Ír Gunnarsdóttir bæjarfulltrúi S-lista
Sigurjón Vídalín Guðmundsson bæjarfulltrúi S-lista
Bragi Bjarnason, D-lista leggur fram eftirfarandi bókun:
Hér liggur fyrir samþykkt fjárhagsáætlun Sveitarfélagsins Árborgar fyrir árin 2025-2028. Það er bæjarfulltrúum D- og Á-lista gleðilegt að geta tekið af viðbótarálag á útsvar íbúa ári fyrr en áætlað hafði verið. Í fjárhagsáætluninni er lögð áhersla á að tryggja grunnþjónustu við íbúa á öllum aldri og leitast við að forgangsraða velferð.
Þrátt fyrir góðan árangur á árinu verðum við áfram að gæta aðhalds í rekstrinum, forgangsraða og selja eignir til að viðhalda traustum rekstri til framtíðar. Árangurinn sýnir um leið að stefna bæjarstjórnar er að virka. Við viljum standa við loforðið að snúa rekstri sveitarfélagsins til betri vegar en um leið lækka álögur á íbúa í samræmi við það svigrúm sem rekstur sveitarfélagsins leyfir.
Bæjarfulltrúar D- og Á-lista sem skipa meirihluta bæjarstjórnar vilja þakka öllum þeim sem hafa komið að vinnunni og lagt ómetanlegt framlag til verksins. Gleðjumst yfir áfanganum en höldum fókus á stefnuna að ná meiri árangri fyrir Árborg okkar allra.
Bragi Bjarnason, D-lista
Kjartan Björnsson, D-lista
Sveinn Ægir Birgisson, D-lista
Brynhildur Jónsdóttir, D-lista
Helga Lind Pálsdóttir, D-lista
Álfheiður Eymarsdóttir, Á-lista
|
| Fjárhagsáætlun 2025 - 2025_ til birtingar.pdf |
| Fjárhagsáætlun 2025-2028 - kynning uppfært 4.des´24.pdf |
|
|
|
|
| Fundargerðir |
| 11. 2411013F - Bæjarráð - 108 |
| Til máls tók Brynhildur Jónsdóttir, D-lista. |
|
|
|
| 12. 2411020F - Bæjarráð - 109 |
|
|
|
|
|
Fleira ekki gert. Fundi slitið kl. 19:06
|
|
