Fundargerðir

Bæjarráð - 169

Haldinn í Setri Egils, Ráðhúsi Árborgar, Austurvegi 2, Selfossi,
30.04.2026 og hófst hann kl. 08:10

Fundinn sátu: Sveinn Ægir Birgisson formaður, D-lista,
Axel Sigurðsson varamaður, Á-lista,
Arnar Freyr Ólafsson bæjarfulltrúi, B-lista,
Arna Ír Gunnarsdóttir áheyrnarfulltrúi, S-lista,
Bragi Bjarnason bæjarstjóri.

Fundargerð ritaði: Bragi Bjarnason, bæjarstjóri

Formaður leitar afbrigða til að taka á dagskrá tvö mál. Mál nr.2604254, Yfirlýsing vegna ársreiknings 2025 - Sandvíkursetur ehf. og nr.2604288, Aðalfundur Háskólafélags Suðurlands. Málin koma inn á dagskrá sem mál nr. 9 og 10. Samþykkt samhljóða.

Dagskrá:

Almenn erindi

1. 2601408 - Upplýsingar frá mannauðsdeild 2026

Upplýsingar frá mannauðsdeild út mars 2026.

Lagt fram til kynningar.

2. 2602101 - Stjórnsýslukæra - breyting á deiliskipulagi fyrir hesthúsasvæði

Niðurstaða úrskurðarnefndar umhverfis- og auðlindamála, dags. 21. apríl, vegna kæru á ákvörðun bæjarstjórnar Sveitarfélagsins Árborgar um að samþykkja nýtt deiliskipulag fyrir hesthúsasvæði Hestamannafélagsins Sleipnis.

Lagt fram til kynningar. Fram kom að deiliskipulagshönnuðir væru að uppfæra gögnin í samræmi við niðurstöðu úrskurðanefndar sem síðan verði lögð fyrir skipulagsnefnd til afgreiðslu.

Samþykkt

UUA2602017 Deiliskipulag hesthúsahverfi.pdf

3. 2105457 - Fyrirhuguð byggingaráform á lóð MS Selfossi - Austurvegur 65

Tillaga frá 54. fundi eigna- og veitunefndar frá 21. apríl, liður 5. Fyrirhuguð byggingaráforma á lóð MS Selfossi - Austurvegur 65.
Farið yfir minnisblað ráðgjafa.

Eigna- og veitunefnd leggur til við bæjarráð að gert sé samkomulag við MS vegna byggingaráforma þeirra á lóðinni Austurvegur 65, lnr. 161889, þar sem m.a. væri kveðið á um færslu á lögnum og breytinga á kvöðum vegna lagna innan lóðarinnar í samræmi við minnisblað ráðgjafa.

Bæjarráð tekur jákvætt í erindið og felur bæjarstjóra að klára samkomulag milli Sveitarfélagsins Árborgar og MS og leggja fyrir fund bæjarráðs.

Samþykkt

4. 2510092 - Öruggara Suðurland - úti og bæjarhátíðir

Erindi frá vinnuhópi um Öruggara Suðurland, dags. 24. apríl, þar sem óskað er eftir umsögn um drög að skýrslu um úti- og bæjarhátíðir á Suðurlandi. Umsagnafrestur er til 7. maí nk.

Lagt fram til kynningar. Bæjarráð fagnar því að komin sé út skýrsla um skipulag og framkvæmd með tillögum að forvörnum. Bæjarráð vísar skýrslunni til umræðu í fræðslu- og frístundanefnd, velferðarnefnd, ungmennaráði og til úrvinnslu á fagsviðum sveitarfélagsins.

Samþykkt

5. 2604220 - Ósk um aukinn fjölda klst. til tónlistarkennslu

Erindi frá Tónlistarskóla Árnesinga, dags. 24. apríl, þar sem óskað er eftir 30 klst. í viðbót frá 1. ágúst 2026 (þ.e. 25 klst. til viðbótar við þær 5 klst. sem samþykktar voru við gerð fjárhagsáætlunar 2026).

Bæjarráð leggur til að kennslukvóti verði aukinn um fimm kennslustundir frá og með haustinu 2026. Bæjarstjóra er falið að undirbúa viðauka vegna málsins og leggja fyrir bæjarráð.

Samþykkt

Svfél. Árborg v. viðbót. frá 1.8.2026.pdf

6. 2604225 - Samstarfssamningur - Sumar á Selfossi

Lagt er til við bæjarráð að samþykkja samstarfssamning við Knattspyrnufélag Árborgar um Sumar á Selfossi 2026.

Bæjarráð samþykkir samninginn um Sumar á Selfossi 2026. Jafnframt er bæjarstjóra veitt umboð til að undirrita samninginn fyrir hönd sveitarfélagsins, ekki er þörf á viðauka þar sem gert er ráð fyrir styrknum í fjárhagsáætlun 2026.

Samþykkt

7. 2602068 - Leigusamningur - Sandvíkursetur

Lagt er til við bæjarráð að samþykkja viðauka III við leigusamning Háskólafélag Suðurlands og Sandvíkurseturs.

Bæjarráð samþykkir viðauka nr. 3 við húsaleigusamning um atvinnuhúsnæði milli Háskólafélags Suðurlands og Sandvíkursetur ehf, dags. 12. september 2012. Jafnframt er bæjarstjóra veitt umboð til að undirrita samninginn fyrir hönd sveitarfélagsins.

Samþykkt

8. 2604214 - Umsögn - frumvarp til loftslagslaga 595 mál

Erindi frá umhverfis- og samgöngunefnd Alþingis, dags. 24. apríl, þar sem óskað er eftir umsögn um frumvarp um loftslagslög 595. mál. Umsagnafrestur er til og með 8. maí nk.

Lagt fram til kynningar.

Tölvupóstur- Til umsagnar 595. mál frá nefnda- og greiningarsviði Alþingis.pdf

Frumvarp til loftslagslaga.pdf

9. 2604254 - Yfirlýsing vegna ársreiknings 2025 - Sandvíkurssetur ehf.

Óskað eftir að verði tekið inn með afbrigðum.

Endurskoðandi Sandvíkurseturs ehf. óskar eftir yfirlýsingu frá Sveitarfélaginu Árborg um að skammtímaskuldir Sandvíkurseturs ehf. að upphæð 694,8 m.kr. verði ekki innheimtar á næstu 2 árum og að langtímalán nr. Y8402012 að upphæð 139,3 m.kr. verði í óbreyttu niðurgreiðsluferli.

Samkvæmt ársreikningi Sandvíkurssetur ehf. eru skammtímaskuldir félagsins við Sveitarfélagið Árborg, 694,8 m.kr. og að langtímalán 139,3 m.kr. Bæjarráð lýsir því hér með yfir að skammtímaskuldirnar verði ekki innheimtar á næstu 2 árum, og langtímaskuldin verði í óbreyttu niðurgreiðsluferli.

Samþykkt

10. 2604288 - Aðalfundur Háskólafélags Suðurlands ehf 2026

Fundarboð á aðalfund Háskólafélags Suðurlands ehf 2026.Fundurinn verður haldinn mánudaginn 4.maí kl. 13:00

Lagt fram til kynningar. Bæjarráð felur Svein Ægi Birgissyni, D-lista að vera fulltrúi sveitarfélagsins á aðalfundinum og Álfheiður Eymarsdóttir, Á-lista verði til vara.

Samþykkt

Fundargerðir

11. 2604014F - Eigna- og veitunefnd - 54

54. fundur haldinn 21. apríl.

12. 2604019F - Starfshópur um frekari uppbyggingu leik- og grunnskóla í Sveitarfélaginu Árborg - 6

6. fundur haldinn 20. apríl.

Fundargerðir til kynningar

13. 2604210 - Fundargerðir Héraðsnefndar Árnesinga 2026

Vorfundur haldinn 14. apríl.
Ársreikningur 2025.

Lagt fram til kynningar.

36. fundur - vorfundur - Héraðsnefndar Árnesinga bs 14.04.2026.pdf

14. 2604221 - Fundargerð aðalfundar Brunavarna Árnessýsli bs 2026