Fundargerðir

Bæjarráð - 4

Haldinn í Setri Egils, Ráðhúsi Árborgar, Austurvegi 2, Selfossi,
09.07.2026 og hófst hann kl. 08:10

Fundinn sátu: Sveinn Ægir Birgisson formaður, D-lista,
Brynhildur Jónsdóttir varaformaður, D-lista,
Sigurjón Vídalín Guðmundsson bæjarfulltrúi, S-lista,
Matthías Bjarnason áheyrnarfulltrúi, B-lista,
Heiðrún Kristmundsdóttir áheyrnarfulltrúi, C-lista,
Bragi Bjarnason bæjarstjóri.

Fundargerð ritaði: Bragi Bjarnason, bæjarstjóri

Dagskrá:

Almenn erindi

1. 2603146 - Milliuppgjör og fjárhagstölur 2026

Bæjarstjóri kynnir milliuppgjör út maí 2026.

Bæjarstjóri kynnir milliuppgjör út maí 2026 og fer yfir skýringar.

2. 2606021 - Húsnæði undir frístundastarf og starfsemi mannvirkja- og umhverfissviðs

Afgreiðslu frestað á 3. fundi bæjaráðs.

Lagt er fram minnisblað Braga Bjarnasonar, dags. 29. júní 2026, vegna tilboða sem bárust í húsnæði undir starfsemi á vegum sveitarfélagsins, í samræmi við bókun frá 1. fundi bæjarráðs sem haldinn var 4. júní sl. og auglýsingu sem birt var á heimasíðu sveitarfélagsins 5. júní sl.

Kynnt er minnisblað bæjarstjóra, dags. 7. júlí 2026, um húsnæði undir frístundastarfsemi og mögulega hluta starfsemi mannvirkja- og umhverfissviðs.

Í auglýsingu sveitarfélagsins eftir húsnæði undir starfsemi á vegum sveitarfélagsins óskað sveitarfélagið eftir upplýsingum um hentungt húsnæði til leigu eða kaups fyrir frístundastarfsemi og eftir atvikum hluta af starfsemi mannvirkja- og umhverfissviðs. Í auglýsingunni kom fram að sveitarfélagið myndi meta allar innsendar upplýsingar á grundvelli kostnaðar við kaup eða leigu, afhendingartíma, staðsetningar, nálægð við íbúabyggð og áætlaðan framkvæmdakostnað vegna aðlögunar húsnæðisins.

Bæjarráð hefur yfirfarið tilboðin og tekur vel í að ganga frá leigusamningi vegna húsnæðis fyrir frístundastarfsemi á vegum sveitarfélagsins og ganga að hagstæðara tilboðinu að Eyravegi 42 á Selfossi. Bæjarráð felur bæjarstjóra að vinna í samráði við leigusala drög að leigusamningi sem lagður verði fyrir bæjarráð.

Bæjarráð felur bæjarstjóra að undirbúa viðauka við fjárhagsáætlun Árborgar fyrir árið 2026 vegna leigu húsnæðisins.

Samþykkt

3. 2606314 - Rýni á stjórnsýslu Sveitarfélagsins Árborgar

Kynnt minnisblað bæjarstjóra dags. 6.júlí 2026 um tillögu að rýni á stjórnsýslu Sveitarfélagsins Árborgar.

Bæjarráðs samþykkir að heimila bæjarstjóra að leita verðtilboða í rýni á stjórnsýslu Sveitarfélagsins Árborgar. Tilboð verði lögð til umræðu og afgreiðslu í bæjarráði, ásamt viðauka fyrir rýni á stjórnsýslu Sveitarfélagsins Árborgar.

Samþykkt

4. 2210290 - Gjaldskrár mannvirkja- og umhverfissviðs

Tillaga frá 2. fundi eigna- og veitunefndar frá 30. júní liður 1. Gjaldskrár mannvirkja- og umhverfissviðs.

Farið yfir gjaldskrár vatns- og hitaveitu.
Nefndin samþykkir hækkunina á gjaldskrám vatns- og hitaveitu í samræmi við ákvæði þeirra um vísitölubreytingar í júní ár hvert.

Nefndin samþykkir að vísa gjaldskrá vatnsveitu til samþykktar í bæjarstjórn og að vísa gjaldskrá hitaveitu til samþykktar hjá Umhverfis, - orku- og loftslagsráðuneytinu.

Bæjarráð, sem fer með sömu heimildir og bæjarstjórn í sumarleyfi bæjarstjórnar, samþykkir samhljóða breytingar á gjaldskrá vatnsveitu sem fela í sér hækkun í samræmi við ákvæði um vísitölubreytingu í júní ár hvert.

Samþykkt

5. 2607017 - Graffiti listaverk - Pakkhús Austurvegur 2B

Minnisblað frá verkefnastjóra menningar- og miðlunar, dags. 30. júní vaðandi Pakkhússvegg og graffiti listaverk.

Bæjarráð samþykkir að listamaðurinn Laurids Wielandt Larsen og Hrafnhildur "Raven" Sigurjónsdóttir, fyrir hönd Pakkhússins að Austurvegi 2b, vinni í samstarfi að vegglistaverki á húsnæði Pakkhússins í tilefni Norrænnar menningarhátíðar heyrnarlausra. Verkefnið felur ekki í sér kostnað fyrir sveitarfélagið.

Samþykkt

6. 2607018 - Ný heimasíða Sveitarfélagsins Árborgar

Kynnt er minnisblað sviðsstjóra stjórnsýslu- og fjármálasviðs og verkefnastjóra, dags. 6. júlí sl., um tillögu að gerð nýrrar heimasíðu fyrir Sveitarfélagið Árborg.

Bæjarráð samþykkir að farið verði í markaðskönnun vegna nýrrar heimasíðu fyrir Sveitarfélagið Árborg á árinu 2026. Þegar tilboð hafa borist frá þátttakendum verði málið lagt að nýju fyrir bæjarráð, áður en tilboðum er tekið, með tillögu að viðauka til að mæta áætluðum kostnaði á árinu 2026.

Samþykkt

7. 2607074 - Þjónustusamningur Umf. Stokkseyrar og Árborgar 2026-2030

Kynnt er minnisblað deildarstjóra frístundaþjónustu, dags. 2. júlí ásamt drögum að þjónustusamningi við Ungmennafélag Stokkseyrar.

Bæjarráð samþykkir samninginn. Jafnframt er bæjarstjóra veitt umboð til að undirrita samninginn fyrir hönd sveitarfélagsins, ekki er þörf á viðauka þar sem gert er ráð fyrir fjármagninu í fjárhagsáætlun 2026.

Samþykkt

8. 2402372 - Rekstrarsamningur - leikskólinn Árbær - Hjallastefnan ehf.

Kynnt er minnisblað sviðstjóra fjölskyldusviðs og sérfræðings á fjármálasviði, dags. 6. júlí um endurskoðun á 11. gr. í samningi við Hjallastefnuna ehf. vegna rekstur leikskólans Árbæjar.

Í samningi Hjallastefnunnar ehf. og Sveitarfélagsins Árborgar, dags. 12. júlí 2024, kemur fram að endurskoða skuli einingaverð á tveggja ára fresti. Með bréfi Hjallastefnunnar til Árborgar, dags. 6. júlí 2026 gerir Hjallastefnan grein fyrir því hvers vegna þau leggja til að einingaverð hækki um 4,5%.

Bæjarráð samþykkir hækkun á einingaverðs um 4,5% í samræmi við fyrirliggjandi gögn. Bæjaráð felur bæjarstjóra að undirbúa viðauka við fjárhagsáætlun vegna hækkunar á einingaverði á árinu 2026, að fjárhæð kr. 8.000.000,- til samþykktar.

Samþykkt

9. 2607052 - Vallaskóli - Beiðni um viðauka v. húsbúnaðar

Kynnt er minnisblað sviðsstjóra fjölskyldusviðs og skólastjóra Vallaskóla, dags. 2. júlí um húsgagnakaup fyrir Vallaskóla.

Bæjarráð tekur vel í kaup á húsgögnum í Vallaskóla, þar sem verið er að fjölga bekkjardeildum 1. bekkjar í skólanum úr tveimur í þrjár.

Bæjaráð felur bæjarstjóra að undirbúa viðauka við fjárhagsáætlun vegna kaupa á húsgögnum í Vallaskóla á árinu 2026, að fjárhæð kr. 2.500.000,- til samþykktar og leggja að nýju fram beiðni um kaup á húsgögnunum samhliða viðaukanum.

Samþykkt

10. 2607072 - Nýtt gólf í íþróttahúsið á Stokkseyri

Kynnt er minnisblað deildarstjóra frístundaþjónustu, dags. 2. júlí um gólf í íþróttahúsinu á Stokkseyri.

Þörf er talin á að skipta um gólfefni á íþróttahúsinu á Stokkseyri, vegna slæmrar hljóðvistar í húsinu er ekki hægt að nýta húsið að fullu til íþróttakennslu. Lagt er til að ráðist verði í lagfæringar á gólfinu til að bæta nýtingu húsnæðisins til kennslu.

Leitað hefur verið tilboða í skipti á gólfefnum íþróttahússins á Stokkseyri.

Bæjarráð samþykkir hagkvæmasta tilboðið frá Sport-Tækni ehf., í gólfefni sem uppfyllir skilyrði verðkönnunarinnar ásamt vinnu við skipti á gólfefni. Bæjarráð felur bæjarstjóra að undirbúa viðauka við fjárhagsáætlun vegna framkvæmdarinnar á árinu 2026, að fjárhæð kr. 9.420.000,- til samþykktar.

Samþykkt

11. 2105457 - Fyrirhuguð byggingaráform á lóð MS Selfossi - Austurvegur 65

Samkomulag við MS vegna byggingaráforma þeirra á lóðinni Austurvegur 65, lnr. 161889, þar sem m.a. væri kveðið á um færslu á lögnum og breytinga á kvöðum vegna lagna innan lóðarinnar í samræmi við minnisblað ráðgjafa.

Bæjarstjóra var falið að klára samkomulagið á 169. fundi bæjarráðs og leggja fyrir bæjarráð.

Bæjarráð samþykkir samkomulag um áætlaða uppbyggingu Mjólkursamsölunnar (MS) og færslu á kvöðum vegna lagna innan lóðar MS á Selfossi. Bæjarstjóra er jafnframt veitt heimild til að undirrita samkomulagið, kvaðir og önnur nauðsynleg skjöl vegna samkomulagsins.

Samþykkt

12. 2607071 - Orlof á yfirvinnu vegna dóms Landsréttar

Lagt fyrir minnisblað vegna orlofs á yfirvinnu í kjölfar dóms Landsréttar.

Í kjölfar dóms Landsréttar um að orlof skuli greitt á fasta yfirvinnu, sé ekki kveðið skýrt á um það í ráðningarsamningi að orlofsfé sé innifalið í greiðslu fastrar yfirvinnu sé hún greidd alla mánuði ársins, var ákveðið að fara yfir alla virka ráðningarsamninga sveitarfélagsins.

Bæjarráð samþykkir að ráðist verði í leiðréttingu á greiðslu orlofs á yfirvinnu til þeirra starfsmanna sveitarfélagsins sem falla undir þær forsendur sem fram koma í dómi Landsréttar í máli nr. 361/2024.

Bæjaráð felur bæjarstjóra að undirbúa viðauka við fjárhagsáætlun vegna kostnaðar við leiðréttinguna á árinu 2026, að fjárhæð kr. 53.500.000,- til samþykktar.

Jafnframt felur bæjarráð stjórnsýslu- og fjármálasviði að finna leið til að tryggja skýran samningsgrundvöll og samræmda framkvæmd til framtíðar varðandi greiðslu fastrar yfirvinnu og/eða önnur laun.

Samþykkt

13. 2601204 - Jórvík 1 - Deiliskipulagsbreyting

Verður tekið fyrir á 2. fundi skipulagsnefndar 8. júlí nk.
Inngangur á fundi skipulagsnefndar hljóðar svo:
Lögð er fram uppfærð tillaga deiliskipulagsbreytingar unnin af Larsen hönnun og ráðgjöf dags. 29.6.26 fyrir Jórvíkurhverfi. Tillaga lögð fram til afgreiðslu að lokinni auglýsingu skv. 41.gr. skipulagslaga nr. 123/2010. Markmið með deiliskipulagsbreytingu er að bæta nýtingu fjölbýlishúsalóða með fjölgun íbúða, stækkun á byggingareit, fækkun bílastæða auk breytingar á skilmálum er varðar hámarks vegghæð. Málinu var frestað á 1. fundi skipulagsnefndar þann 19.6.2026 á grundvelli athugasemda sem bárust við tillöguna. Innan uppfærðrar tillögu hefur verið fallið frá aukinni hæð hús úr 8 í 10 metra. Teknar hafa verið út kröfur skipulagstillögunnar er varðar hámarks vegghæð. Dregið hefur verið úr fjölgun íbúða og eru þær orðnar 58 í uppfærðum gögnum í stað 62. Auk þess er fallið frá kröfum um að engin gestastæði verði við fjölbýlishús. Gerð er sú breyting á skilmálum er varðar bílastæði að í stað 1 gestastæðis pr. hverjar fjórar íbúðir er þeim fækkað í 1 gestastæði pr. hverjar 5 íbúðir. Innan Nýju Jórvíkur 13 fjölgar íbúðum úr 12 í 19, að Fossvík 3 fjölgar íbúðum úr 8 í 15. Innan Fossvíkur 1 og 5 fjölgar íbúðum úr 8 í 12. Fjölgun samtals úr 36 íbúðum í 58 sem er fækkun íbúðar frá auglýstri tillögu þar sem gert var ráð fyrir 62 íbúðum. Tillagan var auglýst frá 9. apríl 2026, með athugasemdafresti til 22. maí 2026. Einnig var tillagan kynnt fyrir fasteignaeigendum á áhrifasvæði tillögunnar. Jákvæðar umsagnir bárust frá Brunavörnum Árnessýslu og Vegagerðinni. Athugasemdir bárust frá ríflega 20 fasteignaeigendum. Athugasemdir snéru að mikilli hæð húsa, fækkun bílastæða, skuggavarpi, skerðingu á útsýni, aukinnar umferðar auk þéttingar/fjölgunar íbúða. Uppfærð tillaga er lögð fram við afgreiðslu málsins ásamt samantekt athugasemda og viðbragða.

Bókun frá 2. fundi skipulagsnefndar:

Að mati skipulagsnefndar hefur verið brugðist við athugasemdum og umsögnum sem bárust vegna tillögunnar með fullnægjandi hætti innan framlagðrar breytingartillögu og samantektar vegna umsagna og athugasemda. Fallið hefur verið frá hækkun hámarkshæða bygginga, ekki er gengið á opin græn svæði auk þess sem fallið hefur verið frá niðurfellingu gestastæða við fjölbýlishús þótt svo að viðmið um gestastæði hafi verið minnkuð úr 1 stæði á hverjar 4 íbúðir í 1 stæði á hverjar 5 íbúðir. Þrátt fyrir fjölgun íbúða innan viðkomandi lóða helst heildarbyggingarmagn óbreytt. Breytingin felur fyrst og fremst í sér fleiri og smærri íbúðir en ekki sambærilega aukningu íbúafjölda. Skipulagsnefnd bendir á að meirihluti hverfisins er óbyggður enn sem komið er. Aukning umferðar um hverfið er því óhjákvæmileg til framtíðar þrátt fyrir minnkun og fjölgun íbúða á viðkomandi lóðum. í fyrri afgreiðslum nefndarinnar hafa auk þess komið fram athugasemdir við að í hönnun húsa á reitunum verði sett fram skilyrði um mismunandi stærðir íbúða til að koma í veg fyrir einhæft búsetumynstur. Mælist skipulagsnefnd til þess við bæjarstjórn Árborgar að tillagan verð samþykkt eftir auglýsingu og taki gildi með birtingu auglýsingar í B-deild Stjórnartíðinda að lokinni yfirferð Skipulagsstofnunar í samræmi við 42. gr. skipulagslaga nr. 123/2010. Þeim sem athugasemdir gerðu við tillöguna verði kynnt niðurstaða sveitarfélagsins, auk þess sem niðurstaða bæjarstjórnar/bæjarráðs verði auglýst skv. 3.mg. 41. gr. skipulagslaga nr. 123/2010. Samþykkt.

Bæjarráð, sem fer með sömu heimildir og bæjarstjórn í sumarleyfi bæjarstjórnar, samþykkir samhljóða að uppfærð deiliskipulagstillaga fyrir Jórvíkurhverfið með vísan í 3.mg. 41. gr. skipulagslaga nr. 123/2010 verði samþykkt og taki gildi með birtingu auglýsingar í B-deild Stjórnartíðinda. Að mati bæjarráðs hefur verið brugðist við athugasemdum og umsögnum sem bárust.

Samþykkt

Samantekt vegna umsagna og athugasemda eftir kynning og tillögur að viðbrögðum; Jórvík.pdf

Athugasemd Ægir Björn Ólafsson 21.5.2026, Jórvík 1 dskbr..pdf

Athugasemd Björgvins Njáls Ingólfssonar 20.5.2026, Jórvík 1 dskbr..pdf

Athugasemd Margrétar Steinu Hilmarsdóttur 19.05.2026, Jórvík 1 dskbr..pdf

Athugasemd Arons Arnar Reynissonar 18.05.2026, Jórvík dskbr..pdf

Athugasemd Kolbrúnar Höllu G 17.5.2026, Jórvík 1 dskbr..pdf

Athugasemd Ingibjargar Hilmarsdóttur 11.5.2026, Jórvík 1 dskbr. .pdf

Athugasemdir Arons Ágústssonar 11.5.2026, Jórvík 1 dskbr..pdf

1000008893.pdf

1000008892.pdf

Athugasemdir Daníels Þórs 8.5.2026, Jóvrík1 dskbr. .pdf

Athguasemdir Oddnýjar v. Jórvík 1 dskbr. 8.5.2026.pdf

Athugasemdir Heiðrúnar v. Jórvíkur dsk. 6.5.2026.pdf

Athugasemdir íbúa Aðalvíkur 1, 3 og 5 v. Jórvík 1 dskbr, 26.4.2026 - undirritanir.pdf

Jórvík1 - breyting á deiliskipulagi 1 áfangi_5.pdf

14. 2607022 - Selfosslína 1 - Breyting á legu jarðstrengs - Aðalskipulagsbreyting

Verður tekið fyrir á 2. fundi skipulagsnefndar 8. júlí nk.
Inngangur á fundi skipulagsnefndar hljóðar svo:
Lögð er fram tillaga óverulegrar breytingar á aðalskipulagi frá Landnet hf. unnin ef EFLU verkfræðistofu dags. 24.6.2026 er varðar breytta legu Selfosslínu 1 í Hellisskógi. Jarðstrengur fyrir Selfosslínu 1 í Hellisskógi er færður til vesturs auk smávægilegrar tilfærslu við sv. félagamörk Flóahrepps. Breytingin er norðan þéttbýlismarka Árborgar. Í gildandi skipulagi er lega hans skilgreind nærri bakka Ölfusár. Í breyttu skipulagi er skilgreind strengleið færð ofar í landið, í vesturmörk skilgreinds skógræktarsvæðis, Hellislands (L162991)og skógrækt þar er skemmra á veg komin. Strengur verður tengdur við mastur 99, loftlínu sem liggur til norðurs að Íra- og Ljósafossvirkjunum.

Bókun frá 2. fundi skipulagsnefndar:

Lögð er fram tillaga óverulegrar breytingar á aðalskipulagi frá Landnet hf. unnin ef EFLU verkfræðistofu dags. 24.6.2026 er varðar breytta legu Selfosslínu 1 í Hellisskógi. Jarðstrengur fyrir Selfosslínu 1 í Hellisskógi er færður til vesturs auk smávægilegrar tilfærslu við sv.félagamörk Flóahrepps. Breytingin er norðan þéttbýlismarka Árborgar. Í gildandi skipulagi er lega hans skilgreind nærri bakka Ölfusár. Í breyttu skipulagi er skilgreind strengleið færð ofar í landið, í vesturmörk skilgreinds skógræktarsvæðis, Hellislands (L162991)og skógrækt þar er skemmra á veg komin. Strengur verður tengdur við mastur 99, loftlínu sem liggur til norðurs að Íra- og Ljósafossvirkjunum.

Skipulagsnefnd Árborgar mælist til þess við bæjarstjórn að samþykkja viðkomandi breytingu á aðalskipulagi sveitarfélagsins. Málið fái málsmeðferð á grundvelli 2. mgr. 36. gr. skipulagslaga nr. 123/2010 er varðar óverulega breytingu á aðalskipulagi. Niðurstaða sveitarfélagsins verði auglýst og málið sent Skipulagsstofnun til samþykktar. Samþykkt

Bæjarráð, sem fer með sömu heimildir og bæjarstjórn í sumarleyfi bæjarstjórnar, samþykkir samhljóða breytingu á aðalskipulagi sveitarfélagsins Vegna Selfosslínu 1 í Hellisskógi með vísan í 2. mgr. 36. gr. skipulagslaga nr. 123/2010. Niðurstaða sveitarfélagsins verði auglýst og málið sent Skipulagsstofnun til samþykktar.

Samþykkt

115166-01-ASKBR-001-V02-Selfosslína 1 Hellisskógi.pdf

15. 2607062 - Áskorun um mislæg gatnamót við Biskupstungnabraut

Áskorun frá Sveitarfélaginu Árborg um uppbyggingu mislægra gatnamóta við Suðurlandsvegar gengt Biskupstungnabraut.

Bæjarráð Árborgar skorar á ríkisstjórnina og Vegagerðina að nýta núverandi framkvæmdatíma og klára allar framkvæmdir tengda færslu Suðurlandsvegar um nýja brú yfir Ölfusá. Hluti af því er að klára einnig mislæg gatnamót við Biskupstungnabraut núna meðan svæðið er lokað undir framkvæmdir. Þar sem fjármögnun framkvæmdarinnar verður gegnum nýtt innviðafélag og áætlanir eru um að innheimta veggjald yfir nýja brú til að standa straum af kostnaði telur bæjarráð eðlilegt að allar framkvæmdir tengdar færslu hringvegarins og byggingu nýrrar brúar verði kláraðar í einum áfanga. Slíkt ætti alltaf að vera hagkvæmara heldur en að þurfa að raska umferð síðar um hringveginn meðfram Selfoss.

Samþykkt

16. 2607021 - Fýsileikakönnun um samþættan sérakstur og almenningssamgöngur í Árnessýslu.

Skýrsla unnin af SASS í samstarfi við Háskólafélag Suðurlands "Fýsileikakönnun um samþættan sérakstur og almenningssamgöngur í Árnessýslu"

Lagt fram til kynningar.

Skýrsla A10-Almenningssamgöngur.pdf

17. 2607034 - Heilbrigðiseftirlit - fyrirhugaðar breytingar á eftirlitinu

Kynnt er minnisblað framkvæmdastjóra Heilbrigðiseftirlits Suðurlands, dags. 18. júní um stöð mála og áherslur í rekstri embættisins til ársloka 2026.

Lagt fram til kynningar.

Bráðabirgðasamantekt - verkefni sveitarfelaga_A3_prentun.pdf

18. 2606293 - Endurskoðun á byggðakvótakerfi

Erindi frá innviðaráðuneytinu, dags. 8. maí þar sem óskað er eftir umsögn um endurskoðun byggðakvótakerfisins.

Lagt fram til kynningar.

Bréf til sveitarfélaga_byggðarlaga v endurskoðun á byggðakvótakerfi_Sveitarfélagið Árborg.pdf

Atriði til umsagnar.pdf

Fundargerðir

19. 2606023F - Eigna- og veitunefnd - 2

2. fundur haldinn 30. júní.

Fundargerðir til kynningar

20. 2604229 - Fundargerðir Listasafns Árnesinga bs 2026