Menningarmánuðurinn október 2026 - dagskrá

Athugið

Bæjarstjórnarfundur í beinni útsendingu

Fundargerðir

Til baka Prenta
Skipulagsnefnd - 5

Haldinn að Austurvegi 67, Selfossi,
30.09.2026 og hófst hann kl. 08:15
Fundinn sátu: Linda Björk Hilmarsdóttir formaður, D-lista,
Ari B. Thorarensen varaformaður, D-lista,
Esther Ýr Óskarsdóttir nefndarmaður, D-lista,
Guðrún Rakel Svandísardóttir nefndarmaður, B-lista,
Árni Magnússon nefndarmaður, S-lista,
Guðný Björk Pálmadóttir áheyrnarfulltrúi, C-lista,
Sölvi Leví Gunnarsson byggingafulltrúi, Vigfús Þór Hróbjartsson skipulagsfulltrúi.
Fundargerð ritaði: Linda Björk Hilmarsdóttir, formaður skipulagsnefndar


Dagskrá: 
Almenn afgreiðslumál
1. 2609095 - Hásteinsvegur 34 - umsókn um byggingaráform og byggingarleyfi
Mál áframsent af 179. afgreiðslufundi byggingarfulltrúa. Lögð er fram beiðni frá Guðbjörgu Önnu Guðmundsdóttir um breytingu á notkun mhl. 02 0101 á lóðinni Hásteinsvegur 34. Í breytingunni felst að núverandi skráð notkun húss sem bílskúr verði breytt í gestahús.
Skipulagsnefnd gerir ekki athugasemd við framlagða beiðni og mælist til þess að hún fái afgreiðslu á grundvelli 44.gr. skipulagslaga er varðar grenndarkynningu. Fyrirhuguð breytt notkun hússins verði grenndarkynnt aðliggjandi lóðarhafa Hásteinsvegi 32.
Samþykkt
2. 2609205 - Hjalladæl 15-19 - Fyrirspurn vegna deiliskipulags
Lögð er fram fyrirspurn frá LARSEN hönnun og ráðgjöf ehf. er varðar heimild til fjölgunar um eina íbúð innan lóðar Hjalladæl 15-19 á Eyrarbakka. Samkvæmt gildandi skipulagi er gert ráð fyrir 3 íbúða raðhúsi á lóðinni og hámarks byggingarmagni upp á 660 fm.
Skipulagsnefnd Árborgar gerir ekki athugasemd við breytingu á deiliskipulagi þar sem íbúðum á raðhúsalóð Hjalladæl 15-19 verði fjölgað um eina og verði 4 í stað 3. Nefndin samþykkir fjölgun lóða á þeim forsendum að ekki er um breytta gerð viðkomandi húsnæðis að ræða auk þess sem heimilað byggingarmagn lóðarinnar upp á 660 fm býður eftir sem áður upp á möguleika á nokkuð rúmgóðum íbúðum í raðhúsi. Að auki er frágangi gatna og lagna er ekki lokið innan hverfisins. Breytingin er háð því að lóðarhafi standi straum af öllum kostnaði vegna breytinga á lögnum og tengingum út í götu vegna fjölgunar íbúða. Mælist nefndin til þess að málið verði unnið í samráði við Selfossveitur og framkvæmda- og tæknideild Árborgar.
Breyting á deiliskipulagi svæðisins fái málsmeðferð á grundvelli 2.mgr. 43. gr. skipulagslaga er varðar óverulega breytingu á deiliskipulagi fallist lóðarhafi á þann kostnað sem af verður við breytinguna. Skipulagsfulltrúa falið að ljúka málinu.
Samþykkt
3. 2609138 - Umsagnarbeiðni - Efnistaka í Eyrarbakkafjöru - náma E2 nr. 1057-2026
Lögð er fram til umsagnar greinargerð vegna matsskyldu á efnistöku úr námu E2 í Eyrarbakkafjöru.
Að mati skipulagsnefndar er með fullnægjandi hætti gert grein fyrir framkvæmdinni og áhrifaþátta hennar innan matstilkynningarskýrslu. Nefndin tekur undir niðurstöðu skýrslunnar þar sem segir að með tilliti til umfangs, fyrra rasks og tilgreindra mótvægisaðgerða sé framkvæmdin ekki talin líkleg til að hafa í för með sér umtalsverð umhverfisáhrif og er efnistakan því ekki talin háða mati á umhverfisáhrifum.
Samþykkt
4. 2608030 - Árbakkaland; breyting á deiliskipulagi
Lögð er fram umsókn frá Landsbyggð ehf er varðar breyting á deiliskipulagi Árbakkalands í landi Laugardæla. Breytingin tekur til Ásavaðs þar sem lóðum er fækkað en íbúðum fjölgað. Í kafla 4.7 er lóðum fækkað í 5 en húsum fjölgað í 7. Verða nú Ásavað 20-32. Heildarstærð lóða stækkar úr 11.746m² í 13.130m². Miðað við hámarksnýtingarhlutfall 1,3 ofanjarðar gæti heildarbyggingarmagn ofanjarðar aukist úr 15.270m² í 17.089m². Íbúðum er fjölgað um 25 úr 115 í 140 á lóðunum. Hús eru núna stölluð og byggingarreitur bílakjallara er stækkaður lítillega. Á uppdrætti jafnframt gert grein fyrir lagnakvöð meðfram Laugardælavegi.
Skipulagsnefnd Árborgar gerir ekki athugasemdir við framlagðar breytingar á deiliskipulagi Árbakkaland í landi Laugardæla. Þar sem breytingin tekur til þegar óbyggðs svæðis er ljóst að grenndaráhrif og hagsmunir eru ekki til staðar vegna breytingarinnar auk þess sem tillagan tekur ekki til breytinga á hæðum. Mælist nefndin því til þess að tillagan fái málsmeðferð á grundvelli 2. mgr. 43. gr. skipulagslaga er varðar óverulega breytingu á deiliskipulagi. Leitað verði umsagnar til Selfossveitna vegna fyrirhugaðra fjölgunar íbúða og skilgreiningar á lagnakvöð um svæðið.
Samþykkt
5. 2609063 - Athafnasvæði AT9 á Eyrarbakka - Deiliskipulag
Lögð er fram vinnslutillaga nýs deiliskipulags sem tekur til athafnasvæði AT9 á Eyrarbakka.
Lagt fram til umræðu. Skipulagsfulltrúa falið að vinna málið áfram í samráði við skipulagsráðgjafa. Samhliða mælist nefndin til þess að tillagan verði kynnt núverandi lóðarhöfum innan svæðisins og hverfisráði Eyrarbakka á grundvelli 40.gr.skipulagslaga nr. 123/2010 áður en hún verður tekin til afgreiðslu á grundvelli 41.gr.skipulagslaga er varðar auglýsingu og samþykkt skipulagstillögu.
Til kynningar
6. 2609153 - Umsagnarbeiðni - Selfosslína 1, breyting á legu vestan Ölfusár - nr. 1065-2026
Lögð er fram matsskyldufyrirspurn frá Landsnet er varðar Selfosslínu 1 og breytta legu hennar vestar Ölfusár.
Að mati skipulagsnefndar er með fullnægjandi hætti gert grein fyrir framkvæmdinni og áhrifaþátta hennar innan framlagðrar matstilkynningarskýrslu. Nefndin tekur undir niðurstöðu skýrslunnar þar sem segir að teknu tilliti til umhverfisáhrifa vegna umfangs, eðlis og staðsetningar fyrirhugaðrar framkvæmdar við lagningu jarðstrengs og niðurrif loftlínu á móti, sé ekki talið að um matsskylda framkvæmd sé að ræða.
Samþykkt
7. 2609231 - Fossnes og Mýrarland - Breyting á Deiliskipulagi; Fossnes 11-13 og spennistöð
Lögð er fram tillaga óverulegrar breytingar á deiliskipulagi atvinnusvæðis Fossnes og Mýrarhverfis. Í tillögunni felst breyting á lóðarmörkum Fossnes 11-13 og skilgreining lóðar fyrir spennistöð HS-Veitna á svæðinu.
Skipulagsnefnd Árborgar samþykkir framlagða breytingu á deiliskipulagi svæðisins. Mælist nefndin til þess að málið fái málsmeðferð á grundvelli 2. mgr. 43. gr. skipulagslaga nr. 123/2010 er varðar óverulega breytingu á deiliskipulagi. Breytingin verði grenndarkynnt lóðarhöfum aðliggjandi lóða.
Samþykkt
Fundargerðir
8. 2609016F - Afgreiðslufundur byggingarfulltrúa - 179
Lögð er fram til kynningar fundargerð afgreiðslufundar byggingarfulltrúa nr.179.
Lagt fram til kynningar.

Fleira ekki gert. Fundi slitið kl. 09:40 

Til baka Prenta

Eldri fundargerðir

Einnig er hægt að nálgast eldri fundargerðir.

Sjá eldri fundargerðir
Þetta vefsvæði byggir á Eplica