Fundargerðir

Bæjarstjórn - 61

Haldinn í Grænumörk 5, Selfossi,
03.09.2025 og hófst hann kl. 16:00

Fundinn sátu: Kjartan Björnsson forseti bæjarstjórnar,
Bragi Bjarnason bæjarfulltrúi, D-lista,
Þórhildur Dröfn Ingvadóttir varamaður, D-lista,
Sveinn Ægir Birgisson bæjarfulltrúi, D-lista,
Brynhildur Jónsdóttir bæjarfulltrúi, D-lista,
Helga Lind Pálsdóttir bæjarfulltrúi, D-lista,
Arna Ír Gunnarsdóttir bæjarfulltrúi, S-lista,
Sigurjón Vídalín Guðmundsson bæjarfulltrúi, S-lista,
Arnar Freyr Ólafsson bæjarfulltrúi, B-lista,
Ellý Tómasdóttir bæjarfulltrúi, B-lista,
Axel Sigurðsson varamaður, Á-lista,
Rósa Sif Jónsdóttir ritari.

Fundargerð ritaði: Rósa Sif Jónsdóttir, ritari

Í upphafi fundar kallar forseti eftir athugasemdum við útsent fundarboð. Engar athugasemdir eru gerðar.

Dagskrá:

Almenn erindi

1. 2506394 - Kaupsamningur - Fossnes 5B

Eftirfarandi var lagt fram og bókað í bæjarráði á 137. fundi bæjarráðs. 24. júlí sl.:

Lögð eru fram drög að kaupsamningi þar sem GTS ehf. kaupir lóðina Fossnes 5, L188988, af Sveitarfélaginu Árborg. Lagt er til við bæjarráð að samþykkja sölu lóðarinnar í samræmi við framlagðan kaupsamning.

Bæjarráð samþykkir að vísa málinu til umfjöllunar og afgreiðslu í bæjarstjórn.

Lagt er til við bæjarstjórn að samþykkja kaupsamninginn.

Til máls taka Bragi Bjarnason, D-lista, Arnar Freyr Ólafsson, B-lista og Sigurjón Vídalín Guðmundsson, S-lista.

Tillagan er borin undir atkvæði og samþykkt með 7 atkvæðum bæjarfulltrúa D- og Á- lista. Bæjarfulltrúar B- og S- lista sitja hjá.

2. 2501350 - Fossnes svæði 80 - Sláturfélag Suðurlands - Skipulagslýsing v. ASK.br og nýtt DSK

Tillaga frá 49. fundi skipulagsnefndar frá 20. ágúst sl. liður 1. Fossnes svæði 80- Sláturfélag Suðurlands - Skipulagslýsing v. ASK.br og nýtt DSK.

Landform ehf f.h. Sláturfélags Suðurlands leggur fram skipulagslýsingu sem tekur til breytingar á Aðalskipulagi Árborgar 2020-2036 ásamt nýju deiliskipulagi fyrir iðnaðarlóð í landi Fossness. Skipulagssvæðið nær til um 10,6 ha. svæðis sem nær yfir tvær lóðir Sláturfélagsins. Annars vegar er um að ræða lóð sláturhússins, sem er 9,6 ha. að stærð og hins vegar lóð Bjargs, sem er um 1 ha. að stærð. Innan skipulagssvæðis er að finna verslunar- og þjónustureit (VÞ5), iðnaðarsvæði (I2) og opið svæði (OP1) sem er útivistarsvæði meðfram Ölfusá en nær inn á báðar lóðir Sláturfélagsins. Í fyrirhugaðri aðalskipulagsbreytingu er gert ráð fyrir breytingu á landnotkun. Fyrirhugað er að byggja nýja afurðarstöð vestan og norðan við núverandi sláturhús. Gert er ráð fyrir að stækkunin geti orðið allt að 6.000 m2, þar sem 2000-2500 m2 verða byggðir í fyrsta áfanga. Á lóð Bjargs eru núverandi starfsmannahús og er gert ráð fyrir fjölgun þeirra. Núverandi aðkoma að báðum lóðum er frá Suðurlandsvegi en í tengslum við nýja afurðastöð er lagt til að aðkoma að lóð sláturhússins verði frá Nesmýri og núverandi aðkoma frá Suðurlandsvegi verði lögð af. Í deiliskipulagi verður auk byggingaráforma gerð grein fyrir hreinsun og hreinsibúnaði frá afurðastöð og nýju hreinsivirki.

Skipulagsnefnd mælist til þess við sveitarstjórn Árborgar að samþykkja framlagða skipulagslýsingu til kynningar og umsagna í samræmi við 30. og 40. gr. skipulagslaga nr. 123/2010.

Til máls taka Bragi Bjarnason, D-lista, Axel Sigurðsson, Á-lista, Arnar Freyr Ólafsson, B-lista og Arna Ír Gunnarsdóttir, S-lista.

Bæjarstjórn samþykkir samhljóða með 11 atkvæðum framlagða skipulagslýsingu til kynningar og umsagna í samræmi við 30. og 40. gr. skipulagslaga nr. 123/2010.

Slaturfelag_sudurlands-fossnes_skipulagslysing-03-utgafa-utgefin.pdf

3. 2507123 - Ástjörn 13 - Deiliskipulagsbreyting 2025

Tillaga frá 49. fundi skipulagsnefndar frá 20. ágúst sl. liður 2.
Ástjörn 13 - Deiliskipulagsbreyting 2025.

Lögð er fram tillaga óverulegrar breytingar á deiliskipulagi fyrir Ástjörn 13 á Selfossi, sem samþykkt var í bæjarráði 9.3.2005 með síðari breytingum.
Breytingin felur í sér að skilgreindur verði byggingarreitur fyrir bílgeymslu með fjórum bílskúrum við norðaustur horn lóðar. Stærð byggingarreits verður 18 x 7 m með hámarkshæð 4 m.

Skipulagsnefnd mælist til þess við bæjarstjórn Árborgar að samþykkja viðkomandi breytingu á deiliskipulagi svæðisins. Málið fái málsmeðferð á grundvelli 2. mgr. 43. gr. skipulagslaga nr. 123/2010 er varðar óverulega breytingu á deiliskipulagi, þar sem um óveruleg frávik er að ræða frá gildandi deiliskipulagi telur skipulagsnefnd að hagsmunir nágranna skerðist í engu hvað varðar landnotkun, útsýni, skuggavarp eða innsýn og er því ekki talin þörf á að grenndarkynna breytinguna sérstaklega.

Til máls tekur Bragi Bjarnason, D-lista.

Bæjarstjórn samþykkir samhljóða með 11 atkvæðum viðkomandi breytingu á deiliskipulagi svæðisins og að málið fái málsmeðferð á grundvelli 2. mgr. 43. gr. skipulagslaga nr. 123/2010 er varðar óverulega breytingu á deiliskipulagi.

DS-Ástjörn 13 Árb bilgeymsla 250709.pdf

4. 2508099 - Suðurbraut 45 og 48 - Heimreið frá klasagötu - rökfærsla

Tillaga frá 49. fundi skipulagsnefndar frá 20. ágúst sl. liður 7. Suðurbraut 45 og 48 - Heimreið frá klasagötu - rökfærsla.

Tómas Helgi Tómasson, f.h. Lovísu Tómasdóttur og Örlygs Sævarssonar, lóðareigenda í Tjarnarbyggð, leggur fram rökfærslu vegna umsóknar um lagningu heimreiðar frá klasagötu við Suðurbraut 45 og 48.
Framlögð beiðni er ekki í samræmi við gildandi stefnumörkun deiliskipulags svæðisins. Skilgreindir staðvísar og stöðföng innan deiliskipulagsins eru í samræmi við - reglugerð um skráningu staðfanga þar sem m.a. kemur fram að staðgreinum við götur í skipulagðri byggð sé úthlutað í hækkandi númeraröð eftir götu og raðast oddatölur vinstra megin en sléttar tölur hægra megin. Breyting á aðkomu myndi því að mati skipulagsnefndar verða til þess að endurskilgreining staðfanga við Suðurbraut þyrfti að eiga sér stað þar sem aðkoma að lóðinni er vinstra megin þegar keyrt er inn Suðurbraut. Rétt skilgreining staðfanga á grundvelli reglugerðar um skráningu staðfanga er að mati nefndarinnar mikilvæg, sérstaklega gangvart öryggisþáttum þar sem sjúkrabílar og slökkvilið geti gengið út frá samræmingu í númeringu lóða innan svæðisins. Auk þess samræmist beiðnin ekki stefnumörkun gildandi deiliskipulags svæðisins.

Mælist skipulagsnefndin til þess við bæjarstjórn að framlagðri beiðni verði synjað.

Til máls tekur Bragi Bjarnason, D-lista.

Bæjarstjórn samþykkir samhljóða með 11 atkvæðum tillögu skipulagsnefndar um að hafna framlagðri beiðni.

5. 2307062 - Eyravegur 40 - Deiliskipulag

Tillaga frá 49. fundi skipulagsnefndar frá 20. ágúst sl. liður 8. Eyravegur 40 - Deiliskipulag.

Tillaga að deiliskipulagi lögð fram að lokinni auglýsingu:
Larsen Hönnun, f.h. lóðarhafa leggur fram tillögu að deiliskipulagi fyrir íbúðir á lóðinni Eyravegur 40 á Selfossi. Lóðin sem er 2605m2 að stærð, er skilgreind í Aðalskipulagi Árborgar 2020-2036 sem Miðsvæði, M6. Gert er ráð fyrir 3, 4 og 5 hæða stölluðu fjölbýlishúsi á lóð með íbúðum á öllum hæðum ofanjarðar. Heimild er fyrir kjallara t.d. fyrir bílastæði, geymslur eða önnur stoðrými. Húsagerðir eru frjálsar að öðru leyti en því sem lóðablöð, skilmálar þessir, byggingarreglugerð og aðrar reglugerðir segja til um. Útlit byggingar skal brjóta upp í formi, efnis og litavali. Einstaka byggingarhlutar, eins og þakkantur, svalir, skyggni mega standa utan byggingarreits ásamt sorpskýlum, djúpgámum, hjóla og vagnageymslu.
Samtals er gert ráð fyrir allt að 34 íbúðum á lóðinni.
Tillagan var auglýst í dagskránni, og Lögbirtingarblaði frá 3.4.2025 með athugasemdafresti til 20.5.2025. Tillagan var einnig aðgengileg á heimasíðu sveitarfélagsins Árborgar, og á skipulagsgátt Skipulagsstofnunar. Umsagnir bárust frá Heilbrigðiseftirliti Suðurlands, Vegagerðinni og Brunavörnum Árnessýslu. Þá barst athugasemd frá Þorkeli Jóhanni Sigurðssyni, eiganda Löngumýrar 54, þar sem lýst er yfir áhyggjum af áhrifum skuggavarps af 5 hæða húsi, inn á lóð hans.
Vegagerðin bendir á að fjöldi tenginga inn á lóðir við Eyraveg séu ekki heppilegar, og leggur til að, aðkoma verði frá Fossvegi.
Embætti skipulagsfulltrúa hefur fundað með fulltrúum Vegagerðarinnar um lausnir er varðar fjölda vegtenginga við Eyraveg og hugsanlegra aðgerða vegna mögulegra umferðartafa og aukinnar slysahættu eins og tiltekið er um í umsögn Vegagerðarinnar. Niðurstaðan úr þeim samtölum er sú að farið verði í heildarendurskoðun á aðkomum inn á lóðir við Eyravegi með tilliti til umferðaröryggis og flæðis. Verði það gert í formi umferðarskipulags á milli Múla- og Hagatorgs. Að mati nefndarinn er nánari skoðun á umferðarmálum svæðisins einnig nauðsynlegt í tengslum við hugsanlega uppbyggingu á þróunarsvæði M7 sunnan Eyravegar.
Mælist nefndin til að samráð verði haft til framtíðar við Vegagerðina um nánari útfærslu á umferðarmálum við Austurveg og Eyraveg í tengslum við áætlanir sem sveitarfélagið hefur unnið að undanfarin ár. Innan tillögunnar er lögð fram skuggavarpsgreining sem tekur til áhrifa uppbyggingarinnar á aðliggjandi lóðir m.v. sólarstöðu 21. júní, 23. september og 1. apríl kl.11. Samkvæmt stefnumörkun aðalskipulags Árborgar er gert ráð fyrir að byggingar næst Eyravegi geti verið allt að 6 hæðir, að mati nefndarinnar er því stefnumörkun framlagðs deiliskipulags í takt við heimildir aðalskipulags er varðar fjölda hæða þar sem gert er ráð fyrir uppbroti í fjölda hæða innan lóðarinnar þar sem gert er ráð fyrir 3 hæðum næst Eyravegi og allt að 5 hæðum næst Fossvegi.

Mælist nefndin til þess við bæjarstjórn að tillagan verði samþykkt eftir auglýsingu.
Þeim sem athugasemdir gerðu við tillöguna verði kynnt niðurstaða sveitarfélagsins.

Til máls taka Bragi Bjarnason, D-lista og Arna Ír Gunnarsdóttir, S-lista.

Bæjarstjórn Árborgar hefur farið yfir umsagnir og athugasemdir, og er sammála viðbrögðum skipulagsnefndar. Farið verði í heildarendurskoðun á aðkomum inn á lóðir við Eyravegi með tilliti til umferðaröryggis og flæðis. Verði það gert í formi umferðarskipulags á milli Múla- og Hagatorgs. Bæjarstjórn tekur undir með skipulagsnefnd að farið verði í nánari skoðun á umferðarmálum svæðisins í tengslum við hugsanlega uppbyggingu á þróunarsvæði M7 sunnan Eyravegar.

Innan tillögunnar er lögð fram skuggavarpsgreining sem tekur til áhrifa uppbyggingarinnar á aðliggjandi lóðir m.v. sólarstöðu 21. júní, 23. september og 1. apríl kl.11. Samkvæmt stefnumörkun aðalskipulags Árborgar er gert ráð fyrir að byggingar næst Eyravegi geti verið allt að 6 hæðir, að mati bæjarstjórnar er því stefnumörkun framlagðs deiliskipulags í takt við heimildir aðalskipulags er varðar fjölda hæða þar sem uppbrot er í fjölda hæða innan lóðarinnar en gert er ráð fyrir 3 hæðum næst Eyravegi og allt að 5 hæðum næst Fossvegi.

Bæjarstjórn samþykkir samhljóða með 11 atkvæðum tillögu að deiliskipulagi fyrir íbúðir á lóðinni Eyravegur 40 á Selfossi. Jafnframt felur bæjarstjórn skipulagsfulltrúa að kynna þeim sem gerðu athugasemdir við tillöguna niðurstöðu sveitarfélagsins.

Umsögn HSL 19.5.2025, Eyravegur 40 dsk.pdf

Umsögn Vegagerðarinnar 7.5.2025, Eyravegur 40 dsk.pdf

Athugasemd Þorkels 21.4.2025, Eyravegur 40 dsk.pdf

Umsögn Brunavarna Árnessýslu 4.4.2025, Eyravegur 40 dsk.pdf

Eyravegur 40 - DSK skýringaruppdráttur 4.3.2025.pdf

Eyravegur 40 - DSK uppdráttur 4.3.2025.pdf

Eyravegur 40 - Hávaðagreining 14.2.2025.pdf

Eyravegur 40 - Umhverfisskýrsla 4.3.2025.pdf

6. 2508262 - Umboð til skipulagsfulltrúa

Umboð fyrir skipulagsfulltrúa til áritunar á lóðaleigusamningum. Lagt er til að bæjarstjórn veiti skipulagsfulltrúa umboð til undirritunar lóðaleigusamninga fyrir lóðir í eigu sveitarfélagsins svo og öll önnur nauðsynleg skjöl, s.s. lóðablöð er fylgja lóðaleigusamningum.

Tillagan er borin undir atkvæði og samþykkt samhljóða með 11 atkvæðum.

7. 2205259 - Kosning í embætti og nefndir 2022 - 2026

Lagt er til að nýr varamaður fyrir D-lista á aðalfund SASS og HSL verði Esther Ýr Óskarsdóttir.

Tillagan er borin undir atkvæði og samþykkt samhljóða með 11 atkvæðum.

Fundargerðir

8. 2506013F - Bæjarráð - 134

134. fundur haldinn 19. júní.

9. 2506020F - Bæjarráð - 135

135. fundur haldinn 26. júní.

10. 2506026F - Bæjarráð - 136

136. fundur haldinn 10. júlí.

11. 2507014F - Bæjarráð - 137

137. fundur haldinn 24. júlí.

12. 2508004F - Bæjarráð - 138

138. fundur haldinn 14. ágúst.

13. 2507011F - Skipulagsnefnd - 49

49. fundur haldinn 20. ágúst.

14. 2508009F - Bæjarráð - 139

139. fundur haldinn 28. ágúst.

Bragi Bjarnason, D-lista, Arnar Freyr Ólafsson, B-lista, Sigurjón Vídalín Guðmundsson, S-lista og Arna Ír Gunnarsdóttir, S-lista taka til máls undir lið 1, - milliuppgjör og fjárhagstölur 2025, 6 mánaða uppgjör.
Bragi Bjarnason, D-lista tekur til máls undir lið 6, úthlutun lóða og sala á bygginarétt Móstekkur 101-119 - parhús, lið 7, úthlutun lóða og sala á byggingarétt - Móstekkur 88-159 einbýlishús, og lið 8, gjaldfrjálsar skólamáltíðir.
Axel Sigurðsson, Á-lista og Arna Ír Gunnarsdóttir, S-lista taka til máls undir lið 8, gjaldfrjálsar skólamáltíðir.

Fleira ekki gert. Fundi slitið kl. 17:32

Til baka

Prenta