Fundargerðir

Bæjarráð - 168

Haldinn í Jarðskjálftamiðstöð, Austurvegi 2a, Selfossi,
22.04.2026 og hófst hann kl. 08:10

Fundinn sátu: Sveinn Ægir Birgisson formaður, D-lista,
Álfheiður Eymarsdóttir varaformaður, Á-lista,
Arnar Freyr Ólafsson bæjarfulltrúi, B-lista,
Arna Ír Gunnarsdóttir áheyrnarfulltrúi, S-lista,
Þórdís Sif Sigurðardóttir bæjarritari.

Fundargerð ritaði: Þórdís Sif Sigurðardóttir, bæjarritari

Dagskrá:

Almenn erindi

1. 2510456 - Ársreikningur Árborgar 2025

Lagður fram ársreikningur Sveitarfélagsins Árborgar fyrir árið 2025.

Bæjarráð samþykkir að vísa ársreikningi Sveitarfélagsins Árborgar fyrir árið 2025 til endurskoðunar og til fyrri umræðu í bæjarstjórn.

Unnur Edda Jónsdóttir, fjármálastjóri, kom á fundinn undir þessum dagskrárlið og yfirgaf fundinn kl. 8:18.

2. 2303295 - Menningarstefna Sveitarfélagsins Árborgar

Margrét Blöndal, deildarstjóri menningar- og upplýsingadeildar, kemur inn á fundinn og fer yfir menningarstefnu Sveitarfélagsins Árborgar.

Lagt er til við bæjarráð að leggja til við bæjarstjórn að samþykkja menningarstefnuna.

Margrét Blöndal, deildarstjóri menningar- og upplýsingadeildar, kemur inn á fundinn og fer yfir uppfærða menningarstefnu. Bæjarráð samþykkir stefnuna fyrir sitt leyti og leggur til við bæjarstjórn að samþykkja hana.

Margrét Blönddal, mætir til fundarins kl. 8:21 og yfirgefur fundinn kl. 8:32.

3. 2604123 - Sveitarstjórnarkosningar 2026 - lýðræðisleg þátttaka barna

Erindi frá Umboðsmanni barna dags. 13. apríl um sveitarstjórnarkosningar og lýðræðislega þátttöku barna. Þar kemur fram að umboðsmaður barna hvetur sveitarstjórnir og ungmennaráð sveitarfélaga til þess að standa fyrir krakkakosningum í sínu sveitarfélagi í samstarfi við nemendaráð og grunnskóla sveitarfélagsins.
Umboðsmaður barna óskar eftir að fá upplýsingar um það hvort og með hvaða hætti sveitarfélagið muni bregðast við þessari hvatningu.

Bæjarráð vísar erindinu til skoðunar hjá ungmennaráði, grunnskólum sveitarfélagsins og til nánari skoðunar og útfærslu á fjölskyldusviði.

Bréf til sveitarfélagsins Árborgar.pdf

4. 2107030 - Samkomulag um Austurbyggð II

Tillaga frá 52. fundi eigna- og veitunefndar frá 24. febrúar sl. liður 3. Samkomulag um Austurbyggð II.
Samningur vegna tengingar við hitaveitu í 2.áfanga Austurbyggðar II, ásamt viðauka II við samkomulag um íbúabyggð í Austurbyggð II.
Lagt til við stjórna Selfossveitna að samþykkja samning um tengingar við hitaveitu ásamt því að veita sviðsstjóra heimild til að undirrita skjöl honum tengd.

Lagt til að vísa viðauka II við samkomulag um íbúabyggð í Austurbyggð II til bæjarstjórnar.
Sviðsstjóra falið að undirrita samning um tengingar við hitaveitu.
Nefndin vísar viðauka II við samkomulag um íbúabyggð í Austurbyggð II til bæjarstjórnar.

Afgreiðslu málsins var frestað á 167. fundi bæjarráðs.

Bæjarráð samþykkir fyrir sitt leyti viðauka II við samkomulag um íbúabyggð í Austurbyggð II og leggur til við bæjarstjórna að samþykka viðaukann við samkomulagið.

5. 2604175 - Endurskoðun byggðaáætlunar

Til umræðu er vinnuskjal vegna endurskoðaðrar byggðaáætlunar - hvítbók um byggðamál, dags. 31. mars sl.

Lagt fram til kynningar.

6. 2604171 - Vinnuhópur um frístundaakstur

Minnisblað deildarstjóra frístundaþjónustu fyrir hönd spretthóps um frístundaakstur, dags. 13. apríl.

Bæjarráð er sammála um að farið verði í endurskipulagningu frístundaaksturs með það að markmiði að bæta aðgengi, auka öryggi barna og tryggja betri samræmingu við daglegt skipulag skóla-, frístunda- og íþróttastarfs. Bæjarráð vísar verkefninu til frekari vinnslu innan fjölskyldusviðs. Tillaga að endurskipulagningu, ásamt kostnaðargreiningu, verði lögð fyrir bæjarráð, fræðslu- og frístundanefnd og velferðarnefnd. Tillagan komi fram sem fyrst til að breytingar geti tekið gildi á nýju skólaári. Bæjarráð skal vísa tillögunum til umsagnar í hverfisráðum sveitarfélagsins.

7. 2604173 - Þjónustusamningur við skátafélagið Fossbúa 2026-2030

Minnisblað deildarstjóra frístundaþjónustu, dags. 17. apríl, ásamt drögum að þjónustusamningi við Skátafélagið Fossbúa.

Bæjarráð samþykkir samninginn. Jafnframt er bæjarstjóra veitt umboð til að undirrita samninginn fyrir hönd sveitarfélagsins, ekki er þörf á viðauka þar sem gert er ráð fyrir styrknum í fjárhagsáætlun 2026.

Fundargerðir

8. 2604006F - Skipulagsnefnd - 60

60. fundur haldinn 15. apríl.

9. 2604013F - Velferðarnefnd - 25

25. fundur haldinn 16. apríl.

Fundargerðir til kynningar

10. 2601211 - Fundargerðir stjórnar SASS 2026

634. fundur haldinn 6. mars.
635. fundur haldinn 10. apríl.

Lagt fram til kynningar.

634. fundargerð SASS_060326.pdf

Fleira ekki gert. Fundi slitið kl. 8:56

Til baka