Athugið

Bæjarstjórnarfundur í beinni útsendingu

Fundargerðir

Til baka Prenta
Skipulags og byggingarnefnd - 57

Haldinn í gegnum fjarfundarbúnað,
02.12.2020 og hófst hann kl. 08:15
Fundinn sátu: Sigurjón Vídalín Guðmundsson formaður, Á-lista,
Ari Már Ólafsson nefndarmaður, M-lista,
Kristbjörn Hjalti Tómasson nefndarmaður, S-lista,
Ari B. Thorarensen nefndarmaður, D-lista,
Magnús Gíslason nefndarmaður, D-lista,
Sigurður Andrés Þorvarðarson skipulagsfulltrúi, Leifur Stefánsson fulltrúi á skipulags- og byggingarsviði, Ásdís Styrmisdóttir starfsmaður, Sveinn Pálsson byggingafulltrúi.
Fundargerð ritaði: Sigurður Andrés Þorvarðarson, Skipulagsfulltrúi


Dagskrá: 
Almenn afgreiðslumál
1. 2011225 - Lóðarumsókn - Breiðamýri 6
Valdimar Árnason sækir um lóðina Breiðamýri 6 fyrir hönd Auðsala ehf. Fyrirhugað er að reisa á lóðinni bílageymslur og félagsheimili fyrir fornbílaeigendur í Árborg.
Skipulags- og byggingarnefnd felur skipulagsfulltrúa að ræða við umsækjanda.
Frestað
2. 2011263 - Úthlutun lóðar - Larsenstræti 2
Tvær umsóknir bárust um lóðina Larsenstræti 2.
Aðeins önnur umsókn telst vera gild, og samþykkir Skipulags- og byggingarnefnd því að úthluta lóðinni til Akurhóla ehf.
Samþykkt
3. 2011215 - Hásteinsvegur Sæhvoll - Umsókn um byggingaráform og byggingarleyfi
Vísað til nefndarinnar af afgreiðslufundi byggingarfulltrúa þann 25. nóv. s.l. Áður á fundi nefndarinnar þann 21. okt. s.l., málsnúmer 2010188, þar sem spurt var um byggingu bílgeymslu og hækkun á íbúðarhúsi um 30 sm. Óskað var eftir gögnum til grenndarkynningar.
Skipulags- og byggingarnefnd þakkar fyrir vel unnin gögn. Nefndin telur að hagsmunaaðilar grenndarkynningar séu eingöngu málsaðili og Sveitarfélagið Árborg og grenndarkynning því óþörf. Lagt er til við bæjarráð að fyrirspurn um byggingu bílgeymslu verði samþykkt.
Vísað í nefnd
4. 2009532 - Tillaga frá UNGSÁ um bensínstöðvar og rafhleðslustöðvar í sveitarfélaginu
Erindi vísað til skipulags- og byggingarnefndar af fundi bæjarstjórnar þann 16. sept. s.l. UNGSÁ lagði til að bensínstöðvum verði ekki fjölgað í sveitarfélaginu, og í stað rísi hleðslustöðvar o.þ.h.
Orkuskipti í samgöngum munu gerast á næstu árum og áratugum. Nú þegar hafa lífyrirtækin farið að setja upp hleðslustöðvar á orkustöðvum, viðskiptavinum sínum til hagsbóta. Aðrir aðilar hafa einnig sett upp hleðslustöðvar. Markaðurinn mun því sjálfur laga sig að breyttum aðstæðum. Með færslu þjóðvegar nr 1 má búast við að orkustöðvar muni leitast við að færa sig nær umferðinni og því væri ekki gott að setja hömlur á það.

Skipulags- og byggingarnefnd þakkar fyrir tillöguna og vísar henni til starfshóps um endurskoðun aðalskipulags Árbogar.
Vísað í nefnd
5. 2009506 - Grenndarkynning vegna Smártún 1
Lögð er fram tillaga að breytingum á lóðinni Smáratún 1. Markmið breytinganna er að lóðin verði hæf til úthlutunar.
Skipulags- og byggingarnefnd samþykkir að grenndarkynna erindið fyrir eigendum að Eyrarvegi 2, 8 og 10, og Smáratúni 2, 3, 4 og 6.
Samþykkt
6. 2011241 - Umsókn um stofnun lóðar fyrir spennistöð.
Sigurður Jakobsson sækir um, fyrir hönd Rarik ekf., stofnun lóðar fyrir spennistöð Rarik við Engjaland í Austurbyggð á Selfossi.
Skipulags- og byggingarnefnd felur skipulagsfulltrúa að ræða við umsækjanda.
Frestað
7. 2006096 - Fyrirspurn um viðbyggingu - Nauthólar 26
Óskað var eftir stækkun á byggingarreit. Á fundi nefndarinnar 1. júlí s.l. var óskað eftir gögnum til grenndarkynningar, og á fundi nefndarinnar þann 18. nóv. s.l. var afgreiðslu frestað þar sem lóðamörk á kynningargögnum voru ekki í samræmi við lóðarblað.
Skipulag- og byggingarnefnd samþykkir að grenndarkynna erindið fyrir eigendum að Nauthólum 22, 24 og 28, og Kálfhólum 21, 23, 25 og 27.
Samþykkt
8. 2011020 - Deiliskipulagsbreyting - Björkurstykki
Lögð er fram tillaga að breytingu á deiliskipulagi Björkurstykkis.
Skipulagsfulltrúi kynnti tillögu að fyrirhuguðum breytingum á deiliskipulagi.
Frestað
10. 2011255 - Túngata 64 - Fyrirspurn um byggingu bílgeymslu
Ragnar K. Gestsson spyr fyrir hönd eigenda um afstöðu Skipulags- og byggingarnefndar til byggingar bílgeymslu að Túngötu 64, Eyrarbakka.
Skipulags- og byggingarnefnd tekur vel í erindið. Undir fyrirhugaðri byggingu er fráveitulögn. Óskað er eftir umsögn mannvirkja- og umhverfissviðs um erindið.
Vísað í nefnd
Erindi til kynningar
9. 1904028 - Deiliskipulag við Austurveg milli Sigtúns og Fagurgerðis
Lýsing skipulagsverkefnisins var kynnt fyrir almenningi og umsagnaraðilum. Umsagnir bárust frá Skipulagsstofnun og Umhverfisstofnun. Athugasemdir og ábendingar bárust frá almenningi.
Umsagnir lagðar fram til kynningar.
Samþykkt
Fundargerð
11. 2011010F - Afgreiðslufundur byggingarfulltrúa - 54
11.1. 2011115 - Laxabakki 4 - Umsókn um byggingaráform og byggingarleyfi
Bjarni Unnarsson sækir um leyfi til að byggja íbúðarhús og sambyggða bílgeymslu úr steinsteypu á einni hæð.
Brútóstærðir: 300,5 m2, 1244,4 m3.
Fyrir liggja gögn skv. byggingarreglugerð gr. 2.4.2.
Byggingaráform samþykkt.

Byggingarleyfi verður gefið út þegar tilskildum gögnum hefur verið skilað sbr. gr. 2.4.4 í byggingarreglugerð.

Niðurstaða þessa fundar
11.2. 2011164 - Háheiði 13 - Umsókn um byggingaráform og byggingarleyfi
B.R. Sverrisson ehf. sækir um leyfi til að byggja iðnaðarhús með 10 litlum iðnaðarbilum fyrir smáiðnað. Stálklæddar PIR einingar.
Brúttóstærðir: 971,8 m2, 651,5 m3
Fyrir liggja gögn skv. byggingarreglugerð gr. 2.4.2
Byggingaráform samþykkt með fyrirvara um að gerð verði grein fyrir fjölda bílastæða þar sem hleðsla rafbíla er möguleg sbr. gr. 6.8.1 í byggingarreglugerð.

Byggingarleyfi verður gefið út þegar tilskildum gögnum hefur verið skilað sbr. gr.2.4.4 í byggingarreglugerð.

Niðurstaða þessa fundar
11.3. 2011177 - Heiðarstekkur 1 - Umsókn um byggingaráform og byggingarleyfi
Bjarg íbúðarfélag sæki um leyfi til að byggja tvö fjölbýlishús og hjólageymslu.
Alls 28 íbúðir.
Brúttóstærðir: 1.943,7 m2 og 5.030,8 m3
Gögn liggja fyrir skv. byggingarreglugerð gr. 2.4.2. Byggingaráform samþykkt með fyrirvara um samþykki byggingarnefndar á hönnun lóðar sbr. gr. 5.6.1 í greinargerð deiliskipulags.

Byggingarleyfi verður gefið út þegar tilskildum gögnum hefur verið skilað sbr. gr.2.4.4 í byggingarreglugerð, með fyrirvara um að brugðist verði við athugasemdum eldvarnareftirlits.

Niðurstaða þessa fundar
11.4. 2011170 - Nýibær lóð 8 - Umsókn um byggingaráform og byggingarleyfi
Pílatus ehf. sækir um að byggja íbúðarhús úr timbri á einni hæð með innbyggðum bílskúr.
Brúttóstærðir: 175,6 m2, 606,1 m3.
Byggingaráform samþykkt með fyrirvara um að skráningartöflu verði skilað á excel-formi og að teknu tilliti til athugasemda eldvarnareftirlits.

Skila þarf inn gögnum skv. 2.4.4 gr. byggingarreglugerðar áður en byggingarleyfi verður gefið út.

Niðurstaða þessa fundar
11.5. 2011213 - Sílalækur 15 - Umsókn um byggingaráform og byggingarleyfi
Eggert Guðmundsson sækir um leyfi til að byggja einbýlishús á einni hæð með bílgeymslu með flötu þaki.
Brútóstærðir:253,4 m2, 860,7 m3
Byggingaráform samþykkt með fyrirvara um að brugðist verði við athugasemd eldvarnareftirlits.

Skila þarf inn gögnum skv. 2.4.4 gr. byggingarreglugerðar áður en byggingarleyfi verður gefið út.

Niðurstaða þessa fundar
11.6. 2011215 - Hásteinsvegur Sæhvoll - Umsókn um byggingaráform og byggingarleyfi
Valdimar Erlingsson sækir um leyfi til að byggja bílgeymslu úr timbri á lóðinni.
Brúttóstærðir: 60 m3, 211 m3.
Vísað til skipulags- og byggingarnefndar til grenndarkynningar sbr. afgreiðslu nefndarinnar 21. okt. s.l.

Niðurstaða þessa fundar
11.7. 2011166 - Byggingarleyfisumsókn - Austurvegur 44
Au44 ehf. óskar eftir breyttri notkun á húsnæði.
Byggingaráform samþykkt með fyrirvara um öryggisúttekt byggingarfulltrúa og eldvarnareftirlits og skil á skráningartöflu.

Byggingarleyfi verður gefið út að lokinni ofangreindri úttekt og skilum á tilskildum gögnum.

Niðurstaða þessa fundar
11.8. 2011230 - Móstekkur 41-43 - Umsókn um byggingaráform og byggingarleyfi
Jón Ingi Grímsson sækir um leyfi til að byggja parhús á einni hæð úr timbri.
Brúttóstærðir: 197,3 m2, 1687,8 m3
Afgreiðslu frestað. Bregðast þarf við athugasemdum við aðaluppdrætti, og athugasemdum eldvarnareftirlits.

Niðurstaða þessa fundar
11.9. 2011155 - Stöðuleyfi - Við enda Háheiðar
Sveitarfélagið Árborg sækir um stöðuleyfi fyrir 4 gáma í Háheiði vegna Unglingalandsmóts UMFÍ 2021
Samþykkt er að veita stöðuleyfi frá 1.12.2020 til 31.07.2021

Niðurstaða þessa fundar
11.10. 2011209 - Stöðuleyfi - Hrísmýri 7
Bílanaust sækir um stöðuleyfi fyrir 40' vörugám til geymslu á vörubirgðum.
Samþykkt að veita stöðuleyfi til 01.05.2021 með fyrirvara um að staðsetning verði í samráði við byggingarfulltrúa.

Niðurstaða þessa fundar
11.11. 2011159 - Rekstrarleyfisumsögn - Túngata 9
Sýslumaðurinn á Suðurlandi biður um umsögn vegna útgáfu rekstrarleyfis til sölu gistingar í flokki II að Túngötu 9.
Afgreiðslu frestað.

Niðurstaða þessa fundar
11.12. 2011160 - Norðurhólar 1 - Umsagnarbeiðni vegna starfsleyfis Baulu
Heilbrigðiseftirlit Suðurlands biður um umsögn vegna útgáfu starfsleyfis fyrir íþróttahúsið Baulu.
Byggingarfulltrúi gerir ekki athugasemd við útgáfu starfsleyfis.

Niðurstaða þessa fundar
11.13. 2011227 - Norðurhólar 3 - Umsagnarbeiðni vegna starfsleyfis fyrir leikskólann Jötunheima
Heilbrigðiseftirlit Suðurlands biður um umsögn vegna útgáfu starfsleyfis fyrir leikskólann Jötunheima.
Byggingarfulltrúi gerir ekki athugasemd við útgáfu starfsleyfis.

Niðurstaða þessa fundar

Fleira ekki gert. Fundi slitið kl. 10:10 

Til baka Prenta

Eldri fundargerðir

Einnig er hægt að nálgast eldri fundargerðir.

Sjá eldri fundargerðir
Þetta vefsvæði byggir á Eplica