1. 2102324 - Beiðni um vilyrði fyrir lóðum - Fossnes nr. 16, 18 og 20
Beiðni frá Anpro ehf., dags. 17. ágúst, þar sem óskað var eftir framlengdu vilyrði fyrir lóðunum í Fossnesi nr. 16, 18 og 20.
Bæjarráð frestaði afgreiðslu málsins á 122. fundi og óskaði eftir frekari gögnum um framvindu undirbúnings Anpró að framkvæmdum á lóðinni.
Bæjarráð frestar afgreiðslu erindis Anpró og óskar eftir upplýsingum frá mannvirkja- og umhverfissviði um þær framkvæmdir sem sveitarfélagið þarf að ráðast í áður en lóðirnar geta orðið tilbúnar til úthlutunar.
2. 2109108 - Fyrirspurn frá bæjarfulltrúa D-lista - Heildarkostnaður við knatthús
Fyrirspurn frá bæjarfulltrúa D lista, dags. 6. september, þar sem óskað var eftir að fá uppgefinn sundurliðaðann heildar kostnað við knatthúsið eins og framkvæmdin stendur í dag. Bæjarráð vísaði fyrirspurninni til fjármálastjóra og mannvirkja- og umhverfissviðs á 124. fundi bæjarráðs og óskaði eftir svörum fyrir næsta fund ráðsins.
Tillaga frá 76. fundu skipulags- og byggingarnefndar, frá 8. september, liður 6. Framkvæmdaleyfisumsókn - Tjaldsvæði Eyrarbakka. Óðinn K. Andersen umsjónamaður fasteigna hjá Árborg, óskaði eftir framkvæmdaleyfi, sem fól í sér hækkun, jöfnun, tyrfingu og snyrtingar á mönum kringum tjaldstæði á Eyrarbakka, skv. meðfylgjandi gögnum.
Skipulags- og byggingarnefnd lagði til við bæjarráð að framkvæmdaleyfi yrði veitt með fyrirvara um að nánari hönnunargögn yrðu lögð fram.
Bæjarráð samþykkir framkvæmdaleyfi sem felur í sér hækkun, jöfnun, tyrfingu og snyrtingar á mönum umhverfis tjaldstæði á Eyrarbakka, skv. meðfylgjandi gögnum, með þeim fyrirvara að nánari hönnunargögn verð lögð fram til byggingarfulltrúa.
Yfirlýsing um aðildaskipti um að Jórvík tækju yfir öll réttindi og allar skyldur Akurhóla gagnvart Sveitarfélaginu Árborg, samkvæmt samkomulagi sem Akurhólar og sveitarfélagið gerðu með sér 13. ágúst 2020.
Bæjarráð samþykkir aðilaskipti til Jórvíkur fasteigna ehf. að öllum réttindum og skyldum samkvæmt samningi sem gerður var milli Svf. Árborgar og Akurhóla ehf. 13. ágúst 2020.
