Fundargerðir

Bæjarráð - 135

Haldinn í Setri Egils, Ráðhúsi Árborgar, Austurvegi 2, Selfossi,
26.06.2025 og hófst hann kl. 08:10

Fundinn sátu: Sveinn Ægir Birgisson formaður, D-lista,
Álfheiður Eymarsdóttir varaformaður, Á-lista,
Arnar Freyr Ólafsson bæjarfulltrúi, B-lista,
Arna Ír Gunnarsdóttir áheyrnarfulltrúi, S-lista,
Bragi Bjarnason bæjarstjóri.

Fundargerð ritaði: Bragi Bjarnason, bæjarstjóri

Formaður leitar afbrigða að taka á dagskrá viðauka við viðskiptasamning við Landsbankann um skilmálabreytingu. Er það borið undir atkvæði og samþykkt samhljóða.

Dagskrá:

Almenn erindi

1. 2506262 - Búsetu- og stuðningsúrræði velferðarþjónustu í Birkihólum

Minniblað deildarstjóra velferðarþjónustu um nýtt búsetu og stuðningsúrræði velferðarþjónustu í Birkihólum.

Bæjarráð, sem fer með sömu heimildir og bæjarstjórn í sumarleyfi bæjarstjórnar, samþykkir samhljóða að Sveitarfélagið Árborg taki að sér rekstur tveggja nýrra búsetuúrræða í Birkihólum 16 og 18 á Selfossi fyrir hönd Bergrisans. Kostnaðaruppgjör fari fram í lok árs 2025 en ekki er um kostnaðarauka að ræða. Bæjarráð felur bæjarstjóra að leggja fram viðauka við fjárhagsáætlun 2025 vegna búsetu- og stuðningúrræðis velferðarþjónustu í Birkihólum til samþykktar.

Bæjarráð samþykkir samhljóða að deildarstjóri velferðarþjónustu veiti forstöðumanni heimild til að undirbúa og ganga frá stofnun úrræðanna, m.a. ráða starfsfólk.

Samþykkt

2. 2506229 - Gjaldskrá Þjóðskjalasafns Íslands

Kynning á drögum að nýrri gjaldskrá Þjóðskjalasafns Íslands.
Óskað er eftir að athugasemdir berist fyrir 27. júní nk.

Lagt fram til kynningar.

3. 2506263 - Veiðileyfagjald - SFS

Erindi frá Samtökum fyrirtækja í sjávarútvegi, dags. 18. júní, um frumvarp atvinnuvegaráðherra um veiðigjald.

Lagt fram til kynningar.

Tölvupóstur - Tvöföldun á veiðigjaldi staðfest - brögð í tafli hjá atvinnuvegaráðuneytinu..pdf

Atli Marel Vokes, Ágúst Þór Bragason og Guðlaug F. Þorsteinsdóttir koma inn á fundinn kl. 8:50

4. 2506068 - Upplýsingar frá þjónustumiðstöð Árborgar

Sviðsstjóri mannvirkja- og umhverfissviðs, deildarstjóri þjónustumiðstöðvar og garðyrkjustjóri Árborgar koma inn á fundinn.

Atli Marel Vokes, sviðstjóri mannvirkja- og umhverfissviðs, Ágúst Þór Bragason, deildarstjóri þjónustumiðstöðvar og Guðlaug F. Þorsteinsdóttir, garðyrkjustjóri koma inn á fundinn og fara yfir verkefni sviðsins og það sem framundan er í sveitarfélaginu á næstu mánuðum. Bæjarráð þakkar þeim fyrir kynninguna.

Atli Marel Vokes, Ágúst Þór Bragason og Guðlaug F. Þorsteinsdóttir fara af fundi kl. 9:35

Berglind Harðardóttir kemur inn á fundinn kl. 8:25

5. 2506256 - Jafnlaunavottun - Starfaflokkun fyrir launagreiningu

Berglind Harðardóttir, mannauðsstjóri kemur inn á fundinn.

Berglind Harðardóttir kemur inn á fundinn og fer yfir starfaflokkun fyrir launagreiningu í tengslum við jafnlaunavottun sveitarfélagsins. Bæjarráð samþykkir samhljóða flokkunina.

Samþykkt

Berglind Harðardóttir fer af fundi kl. 8:50

6. 2206157 - Fundartími bæjarráðs sumarið 2025

Bæjarráð mun funda reglulega í sumar og eru fundir áætlaðir 10. júlí, 24. júlí og 14. ágúst með fyrirvara um að auka fundur verði haldinn ef nauðsyn krefur.

Samþykkt

7. 2307067 - Lántaka - viðauka við viðskiptasamning

Lagt er til við bæjarráð Árborgar að samþykkja framlengingu á lánalínu (viðauka við viðskiptasamning) við Landsbanka Íslands nr. 0106-36-302193.
Um er að ræða lánalínu/viðskiptasamningurinn sem er á gjalddaga 01.08.2025 og er eingreiðslulán. Óskað er eftir að gengið verði frá framlengingu núna í júní vegna yfirvofandi sumarfría.
Sala eignanna sem eru að veði fyrir láninu munu koma til lækkunar á höfuðstól verði eignir seldar á lánstímabilinu. Til tryggingar á láninu er tryggingabréf nr. 0106-63-518289, útgefið árið 2023. Tryggingar eru aðrar en þær eignir sem sveitarfélagið á og eru nauðsynlegar til að lögboðin verkefni sveitarfélagsins verði rækt, sbr. 1. mgr. 67. og 2. mgr. 68. gr. sveitarstjórnarlaga nr. 138/2011.
Um er að ræða lánalínu að upphaflegri upphæð kr. 1.375.000.000,- og verði samhliða skilmálabreytingu greiddar kr. 200.000.000,- inn á höfuðstól lánsins ásamt áföllnum vöxtum að upphæð um kr. 300.000.000,-.
Braga Bjarnasyni, bæjarstjóra, kt. 250481-5359 verði jafnframt veitt fullt og ótakmarkað umboð til þess f.h. Sveitarfélagsins Árborgar að undirrita viðauka við viðskiptasamning við Landsbanka Íslands sem og til þess að móttaka, undirrita og gefa út, og afhenda hvers kyns skjöl, fyrirmæli og tilkynningar, sem tengjast framlengingu þessari, þ.m.t. beiðni um útborgun láns.

Bæjarráð, sem fer nú samkvæmt 5. mgr. 35. gr. sveitarstjórnarlaga nr. 138/2011 með heimild til fullnaðarafgreiðslu í sumarleyfi bæjarstjórnar, samþykkir viðauka við viðskiptasamning við Landsbanka Íslands að upphaflegri upphæð kr. 1.375.000.000,- ásamt innborgun inn á höfuðstól lánsins að upphæð kr. 200.000.000,-

Bæjarráð veitir jafnframt Braga Bjarnasyni, bæjarstjóra, kt. 250481-5359 fullt og ótakmarkað umboð til þess f.h. Sveitarfélagsins Árborgar að undirrita viðauka við viðskiptasamning við Landsbanka Íslands sem og til þess að móttaka, undirrita og gefa út, og afhenda hvers kyns skjöl, fyrirmæli og tilkynningar, sem tengjast framlengingu þessari, þ.m.t. beiðni um útborgun láns.

Samþykkt

Fundargerðir til kynningar

8. 2502026 - Fundargerðir stjórnar Sambands íslenskra sveitarfélaga 2025

981. fundur haldinn 13. júní.
982. fundur haldinn 16. júní.

Lagt fram til kynningar.

stjórn Sambands íslenskra sveitarfélaga - 981.pdf

stjórn Sambands íslenskra sveitarfélaga - 982.pdf

9. 2501349 - Fundargerðir stjórnar Bergrisans bs 2025

86. haldinn 23. júní.

Lagt fram til kynningar.

86. stjórnarfundur Bergrisans.pdf

Fleira ekki gert. Fundi slitið kl. 09:42