Athugið

Bæjarstjórnarfundur í beinni útsendingu

Fundargerðir

Til baka Prenta
Bæjarstjórn - 68

Haldinn í Grænumörk 5, Selfossi,
21.01.2026 og hófst hann kl. 16:00
Fundinn sátu: Kjartan Björnsson forseti bæjarstjórnar,
Bragi Bjarnason bæjarfulltrúi, D-lista,
Fjóla Steindóra Kristinsdóttir bæjarfulltrúi, D-lista,
Sveinn Ægir Birgisson bæjarfulltrúi, D-lista,
Brynhildur Jónsdóttir varaforseti bæjarstjórnar,
Helga Lind Pálsdóttir bæjarfulltrúi, D-lista,
Arna Ír Gunnarsdóttir bæjarfulltrúi, S-lista,
Sigurjón Vídalín Guðmundsson bæjarfulltrúi, S-lista,
Arnar Freyr Ólafsson bæjarfulltrúi, B-lista,
Ellý Tómasdóttir bæjarfulltrúi, B-lista,
Axel Sigurðsson varamaður, Á-lista,
Þórdís Sif Sigurðardóttir bæjarritari.
Fundargerð ritaði: Þórdís Sif Sigurðardóttir, bæjarritari
Í upphafi fundar kallar forseti eftir athugasemdum við útsent fundarboð. Engar athugasemdir eru gerðar.


Dagskrá: 
Almenn erindi
1. 2601032 - Reglur um stofnframlög
Tillaga frá 155. fundi bæjarráðs liður 4. Reglur um stofnframlög.
Lögð fram drög að reglum um stofnframlög fyrir Sveitarfélagið Árborg.

Bæjarráð samþykkir fyrir sitt leyti reglur um stofnframlög og leggur til við bæjarstjórn að samþykkja reglurnar.
Til máls taka Bragi Bjarnason, D-lista, Axel Sigurðsson, Á-lista, Fjóla St. Kristinsdóttir, D-lista og Arna Ír Gunnarsdóttir, S-lista.

Tillagan er borin undir atkvæði og samþykkt samhljóða með 11 atkvæðum.
NÝ - Drög að reglum Sveitarfélagsins Árborgar um stofnframlög.pdf
2. 2510393 - Fyrirkomulag - Hverfisráð Árborgar
Tillaga frá 155. fundi bæjarráðs frá 8. janúar, liður 6. Fyrirkomulag - Hverfisráð Árborgar.
Uppfærð drög að breyttum reglum um fyrirkomulag um Hverfisráð Árborgar ásamt minnisblaði frá bæjarstjóra og bæjarritara, dags. 29. desember.

Bæjarráð samþykkir fyrir sitt leyti drög að reglum um fyrirkomulagi hverfisráða í Sveitarfélaginu Árborg og leggur til við bæjarstjórn að samþykkja reglurnar.
Til máls taka Bragi Bjarnason, D-lista, Axel Sigurðsson, Á-lista, Sigurjón Vídalín Guðmundsson, S-lista, Arnar Freyr Ólafsson, B-lista, Fjóla St. Kristinsdóttir, D-lista, Sveinn Ægir Birgisson, D-lista og Arna Ír Gunnarsdóttir, S-lista.

Sigurjón lagði fram breytingartillögu um að málinu yrði frestað til næsta fundar bæjarstjórnar.

Breytingartillagan er borin undir atkvæði og samþykkt samhljóða með 11 atkvæðum.
3. 2503333 - Skátafélagið Fossbúar - Deiliskipulag - Félags- og útivistarsvæði
Tillaga frá 55. fundi skipulagsnefndar frá 14. janúar sl. liður 3. Skátafélagið Fossbúar - Deiliskipulag - Félags- og útivistarsvæði.

Lögð er fram tillaga að lokinni kynningu og auglýsingu í samræmi við 40. og 41.gr. skipulagslaga nr. 123/2010, nýtt deiliskipulag sem tekur til hluta opins svæðis OP1. Í deiliskipulaginu felst afmörkun útivistarsvæðis sem Skátafélagið Fossbúar munu hafa til afnota. Innan tillögunnar er afmarkað svæði þar sem gert er ráð fyrir uppbyggingu húsnæðis sem hýsir skátastarf í Árborg auk þess sem afmarkað er útivistarsvæði sem nýtist jafnt sem opið svæði fyrir almenning og starfsemi skátafélagsins. Markið tillögunnar er m.a. að nýta þá innviði sem svæðið hefur upp á að bjóða eins og bílastæði og gönguleiðir. Nýta þann gróður sem fyrir er og efla hann til muna með gróðursetningu nýrra plantna. Koma fyrir svæði sem nýtast má skólabörnum yfir veturinn til leikja og fræðslu. Koma fyrir litlum opnum húsum sem hýsa grillaðstöðu og fyrir útikennslu barna auk þess sem gert er ráð fyrir góðri tengingu við önnur opin svæði í næsta nágrenni.
Tillagan var sérstaklega kynnt nágrönnum á áhrifasvæði tillögunnar frá 25.9.2025, til og með 17.10.2025. Þá var tillagan auglýst í Dagskránni, Lögbirtingarblaði frá 13.11.2025-02.01.2026, auk þess að vera aðgengileg á heimasíðu Sveitarfélagsins Árborgar.
Umsagnir bárust frá Brunavörnum Árnessýslu, Heilbrigðiseftirliti Suðurlands, Vegagerðinni og Minjastofnun. Athugasemdir bárust frá tveimur aðilum. Samantekt skipulagsfulltrúa er varðar athugasemdir og viðbrögð er lögð fram við afgreiðslu málsins.

Að mati skipulagsnefndar Árborgar er athugasemdum svarað með fullnægjandi hætti innan samantektar skipulagsfulltrúa á athugasemdum og andsvörum sem lögð er fram við afgreiðslu tillögunnar. Gerðar eru tillögur að ákveðnum viðbrögðum við athugasemdum með uppfærslu á tillögunni. Í því fellst að innan greinargerðar verði með ítarlegri hætti fjallað um og metið um hugsanlegan fjölda notenda innan svæðisins með tilliti til áætlaðrar notkunar. Út frá því mati verði meti hvort ástæða sé til fækkunar bílastæða innan svæðisins og að þeim snúið til að minnka áhrif bílljósa á aðliggjandi byggð. Jarðvegsmön verði felld út úr skipulagsáætlun og í stað hennar verði gert ráð fyrir lágvöxnum þéttvaxta gróðri á beltinu sem skilur skipulagssvæðið frá íbúðarsvæðinu þar sem áður var gert ráð fyrri mön. Bætt verði við nánari umfjöllun um aðliggjandi hverfi innan greinargerðar deiliskipulagsins og skilgreind verði áætluð staðsetning sorpskýlis á uppdrætti skipulagsins.

Með fyrirvara um framlagðar úrbætur á skipulagstillögunni mælist skipulagsnefnd til þess við bæjarstjórn að tillagan taki gildi með birtingu í B-deild Stjórnartíðinda að lokinni yfirferð Skipulagsstofnunar í samræmi við 42. gr. skipulagslaga nr. 123/2010. Þeim sem athugasemdir gerðu við skipulagið verði tilkynnt niðurstaða sveitarfélagsins eftir gildistöku tillögunnar.
Til máls taka Bragi Bjarnason, D-lista, Arnar Freyr Ólafsson, B-lista og Sigurjón Vídalín Guðmundsson, S-lista.

Bæjarstjórn samþykkir samhljóða með 11 atkvæðum tillögu að nýju deiliskipulagi sem tekur til hluta opins svæðis OP1, með fyrirvara um uppfærslu gagna í takt við framlagða samantekt skipulagsfulltrúa vegna athugasemda og viðbragða við þeim. Mælist bæjarstjórn til þess að skipulagsfulltrúa verði falið að ljúka málinu og að tillagan taki gildi með birtingu í B-deild Stjórnartíðinda í samræmi við 42. gr. skipulagslaga nr. 123/2010.
Umsögn Minjastofnunar 7.1.2026, Skátafélagið dsk.pdf
Umsögn HSL 30.12.2025, Skátafélagið dsk.pdf
Athugasemd íbúa Lóurima 16 29.12.2025, skátafélagið dsk.pdf
Athugasemd íbúa Lóurima 6 27.12.2025, Skátafélagið dsk.pdf
Umsögn Vegagerðarinnar 1.12.2025, Skátafélagið dsk.pdf
Kynning v. auglýsingar - Skátafélagið Fossbúar, deiliskipulag 14.11.2025.pdf
Umsögn Brunavarna Árnessýslu 13.11.2025, Skátafélagið dsk.pdf
Samantek athugasemda og viðbrögð.pdf
V123 Skátasvæði-S01-2025-09-08.pdf
4. 2601156 - Húsnæðisáætlun 2026
Húsnæðisáætlun fyrir Sveitarfélagið Árborg 2026 tekur áfram mið af tveimur megin þáttum sem hafa áhrif á áætlunina. Annar er sá þáttur er snýr að hraðri og mikilli uppbyggingu síðustu ár, þar sem fjölgun íbúa er um 4% að jafnaði. Tekið er tillit til þess í áætlun fyrir árið 2026 að margar íbúðir eru í byggingu. Á undanförnum árum hefur aðeins dregið úr byggingarhraða, vegna utanaðkomandi áhrifa, svo sem vaxtastigs og hækkunar á verði aðfanga. Hinn þátturinn sem hefur áhrif á áætlunina er eftirspurn eftir orku. Sveitarfélagið hefur verið í góðu samstarfi við framkvæmdaaðila um markmið uppbyggingar og gert áætlanir í takti við orkuöflun. Staðan er góð fyrir næstu árin en mikilvægt er að horfa til frekari orkuöflunar ásamt uppbyggingu annarra innviða til að mæta auknum íbúafjölda.
Í ljósi framangreinds gerir háspá ráð fyrir 6% íbúafjölgun, miðspá 4% og lágspá 2% fyrir árið 2026. Reikna má með að raunin verði um miðspá miðað við ofangreindar forsendur. Fjöldi íbúa í Árborg er nú rúmlega 12.900 manns.
Til máls taka Bragi Bjarnason, D-lista, Sigurjón Vídalín Guðmundsson, S-lista, Arnar Freyr Ólafsson, B-lista, Sveinn Ægir Birgisson, D-lista, Fjóla St. Kristinsdóttir, D-lista, Arna Ír Gunnarsdóttir, S-lista og Ellý Tómasdóttir, B-lista.

Brynhildur Jónsdóttir, varaforseti, D-lista, tekur við stjórn fundarins kl. 17:34, á meðan Kjartan Björnsson, forseti, yfirgefur fundinn.
Kjartan Björnsson, forseti, tekur aftur við stjórn fundarins kl. 17:39.

Lagt er til við bæjarstjórn að samþykkja Húsnæðisáætlun Árborgar 2026.

Tillagan er borin undir atkvæði og samþykkt með 10 atkvæðum. Einn greiddi atkvæði á móti, Arnar Freyr Ólafsson, B-lista.
Húsnæðisáætlun Sveitarfélagsins Árborgar 2026.pdf
Fundargerðir
5. 2512001F - Skipulagsnefnd - 54
54. fundur haldinn 10. desember.
6. 2512016F - Bæjarráð - 154
154. fundur haldinn 18. desember.
Til máls taka Fjóla St. Kristinsdóttir, D-lista og Arna Ír Gunnarsdóttir, S-lista.
7. 2512022F - Bæjarráð - 155
155. fundur haldinn 8. janúar.
Til máls tekur Fjóla St. Kristinsdóttir, D-lista.

Fleira ekki gert. Fundi slitið kl. 18:07 

Til baka Prenta

Eldri fundargerðir

Einnig er hægt að nálgast eldri fundargerðir.

Sjá eldri fundargerðir
Þetta vefsvæði byggir á Eplica