Fundargerðir

Til baka Prenta
Bæjarráð - 12

Haldinn í Norðursal, Ráðhúsi Árborgar, Austurvegi 2, Selfossi,
06.10.2022 og hófst hann kl. 08:10
Fundinn sátu: Bragi Bjarnason formaður, D-lista,
Brynhildur Jónsdóttir varaformaður, D-lista,
Arna Ír Gunnarsdóttir bæjarfulltrúi, S-lista,
Arnar Freyr Ólafsson áheyrnarfulltrúi, B-lista,
Axel Sigurðsson varaáheyrnarfulltrúi, Á-lista,
Fjóla Steindóra Kristinsdóttir bæjarstjóri.
Fundargerð ritaði: Fjóla St. Kristinsdóttir, bæjarstjóri


Dagskrá: 
Almenn erindi
1. 2209230 - Styrkbeiðni - Sviðspallar fyrir Mörkina
Styrkbeiðni frá FEB, dags. 16. september, þar sem óskað var eftir styrk til kaupa á sviðspöllum til notkunar í Mörkinni.
Bæjarráð þakkar fyrir erindið. Slík styrkveiting er ekki á fjárhagsáætlun ársins en bæjarráð vísar málinu til frekari skoðunar við fjárhagsáætlunargerð 2023.
Styrkbeiðni FEB fyrir kaupum á pöllum fyrir Mörkina.pdf
2. 2209252 - Samráðsgátt - mál nr. 164-2022, drög að upplýsingastefnu stjórnvalda
Erindi frá forsætisráðuneytinu, dags. 19. september, þar sem kynnt var til samráðs mál nr. 164/2022 - Drög að upplýsingastefnu stjórnvalda. Boð um umsögn var sent til hagsmunaaðila, umsagnafrestur er til 9. október.
Lagt fram til kynningar.
Samráðsgátt - mál nr. 164-2022 drög að upplýsingastefnu stjórnvalda.pdf
Skýrsla starfshóps um upplýsingastefnu_drög.pdf
Upplýsingastefna stjórnvalda_drög.pdf
3. 1903306 - Menningarsalurinn í Hótel Selfoss
Tillaga frá 3. fundi frístunda- og menningarnefndar, frá 20. september, liður 4. Menningarsalurinn í Hótel Selfoss. Nefndin mælist til með að bæjarráð stofni vinnuhóp um Menningarsalinn.
Bæjarráð samþykkir að endurskipa starfshópinn en leggur til að breyta málsheitinu í “Menningarsalur Suðurlands" eins og hann er skráður í skjalakerfi sveitarfélagsins. Hópinn skipa eftirtaldir aðilar Kjartan Björnsson, Guðbjörg Jónsdóttir og Ellý Tómasdóttir. Með hópnum starfa sérfræðingar af mannvirkja- og umhverfissviði, af fjölskyldusviði ásamt bæjarstjóra/bæjarritara.
Markmið hópsins er að taka stöðu á verkefninu, semja um aukið fjármagn frá ríkinu og setja upp áætlun um fjármögnun og hefja samtal við hagsmunaaðila.
Bæjarstjóra falið að gera erindisbréf fyrir hópinn þar sem fram koma markmið og tímarammi.
4. 2209246 - Hvunndagshetja Árborgar
Tillaga frá 3. fundi frístunda- og menningarnefndar, frá 20. september, liður 5. Hvunndagshetja Árborgar.
Kjartan Björnsson fór yfir hugmyndina um Hvunndagshetju Árborgar sem yrði útnefnd árlega.
Nefndinni leist vel á hugmyndina. Nýtt yrði ábendingargátt sveitarfélagsins til að safna saman tilnefningum. Valið yrði tilkynnt á einhverjum af bæjarhátíðum sumarsins í sveitarfélaginu.

Nefndin hefur þó valið hvunndagshetju ársins 2022 eftir fjölmargar ábendingar og verður valið tilkynnt í Menningmánuðinum október.
Bæjarráð óskar eftir nánari greinagerð og vinnureglum frá frístunda- og menningarnefnd um val á hvunndagshetju Árborgar áður en málið verður tekið til afgreiðslu.
5. 2209247 - Vinnuhópur um uppbyggingu íþróttamannvirkja á Stokkseyri
Tillaga frá 3. fundi frístunda og menningarnefndar, frá 20. september, liður 6. Vinnuhópur um uppbyggingu íþróttamannvirkja á Stokkseyri.

Lagt var til að stofnaður yrði vinnuhópur um uppbyggingu íþróttamannvirkja á Stokkseyri.
Nefndin lagði til við bæjarráð að skipaður yrði vinnuhópur um uppbyggingu íþróttamannvirkja á Stokkseyri sem yrði stofnaður sem fyrst.
Bæjarráð samþykkir samhljóða að endurskipað verði í starfshóp um uppbyggingu íþróttamannvirkja á Stokkseyri. Hópinn skipa Sveinn Ægir Birgisson D-lista, Þórhildur Dröfn Ingvadóttir D-lista og Herdís Sif Ásmundsdóttir S-lista. Með hópnum starfa sérfræðingar af mannvirkja- og umhverfissviði og fjölskyldusviði. Hópurinn kallar til sín hagsmunaaðila úr nærsamfélaginu eftir þörfum. Bæjarráð felur bæjarstjóra að klára erindisbréf.
6. 2209273 - Áskorun - sveitarfélög hindri verðhækkanir
Erindi frá Félagi atvinnurekenda, Húseigendafélaginu og Landssambandi eldri borgara, dags. 21. september, þar sem skorað er á Bjarna Benediktsson, fjármálaráðherra og Sigurð Inga Jóhannsson, ráðherra sveitarstjórnarmála, að beita sér fyrir viðræðum við sveitarfélögin og hagsmunaaðila um að breyta lögum um fasteignamat og tekjustofna sveitarfélaga og koma á gegnsærra og sanngjarnara kerfi.
Bæjarráð skilur áhyggjur bréfritara af hækkunum fasteignaskatta en minnir á fasta tengingu þeirra við framlag Jöfnunarsjóðs við álagsprósentu fasteignaskatts, þ.e. framlag Jöfnunarsjóðs til sveitarfélagsins lækkar ef það fullnýtir ekki skattstofninn. Bæjarráð telur að núverandi fyrirkomulag fasteignaskatta geti skapað ranga hvata hjá sveitarfélögum og tilefni sé til endurskoðunar á gildandi aðferðafræði við samspil útreikninga fasteignaskatta og framlaga Jöfnunarsjóðs. Bæjarráð samþykkir að við gerð næstu fjárhagsáætlunar verði leitað allra leiða til að mæta íbúum vegna hækkunnar á fasteignamati.
Sameiginleg áskorun FA, HÚSÓ, LEB 210922.pdf
7. 2209279 - Umsögn - frumvarp til laga um fjárlög 2023, 1. mál
Erindi frá fjárlaganefnd Alþingis, dags. 19. september, þar sem óskað var eftir umsögn um frumvarp til laga um fjárlög 2023, 1. mál. Umsagnarfrestur er til 7. október.
Lagt fram til kynningar.
Frumvarp til fjárlaga.pdf
Umsögn - frumvarp til laga um fjárlög 2023, 1. mál.pdf
8. 2209277 - Norræna félagið 100 ára - afmælishátíð
Styrkbeiðni frá Norræna félaginu á Íslandi, dags. 11. september, þar sem óskað var eftir stuðningi við 100 ára afmælishátíð félagsins.
Bæjarráð getur því miður ekki orðið við beiðninni.
9. 2209099 - Ráðstefna UNICEF - þátttaka barna
Áskorun UNICEF á Íslandi á Sveitarfélagið Árborg að auka tækifæri barna til áhrifa í sveitarfélaginu. Ýmist með því að stofna ungmennaráð, ef það hefur ekki þegar verið gert, eða efla starf ungmennaráðsins í samræmi við ráð ungmenna til ráðamanna.
Bæjarráð þakkar fyrir erindið og bendir á að í Sveitarfélaginu Árborg hefur verið starfandi öflugt ungmennaráð frá árinu 2008.
10. 2209367 - Athugasemd EFS við ársreikning 2021
Erindi frá EFS, dags. 29. september, um ársreikning sveitarfélagsins 2021 og skýrslu endurskoðanda.
Lagt fram til kynningar.
Axel Sigurðsson vék af fundi klukkan 9:25
11. 2209137 - Breyting á deiliskipulagi miðbæjar Selfoss 2022
Lagt var til að eftirtaldir yrðu fulltrúar sveitarfélagsins í umræðuhóp um áframhaldandi uppbyggingu í miðbæ Selfoss.

Fjóla St. Kristinsdóttir, D-lista,
Bragi Bjarnason, D-lista,
Arnar Freyr Ólafsson, B-lista.
Auk þess leggur bæjarráð til að Sigurjón Vídalín Guðumundsson, S-lista sitji í hópnum.
Fundargerðir
12. 2209014F - Almannavarnarráð - 7
7. fundur haldinn 17. september.
13. 2209018F - Félagsmálanefnd - 3
3. fundur haldinn 19. september.
14. 2209032F - Félagsmálanefnd - 4
4. fundur haldinn 30. september.
15. 2209022F - Umhverfisnefnd - 4
4. fundur haldinn 19. september.
16. 2209023F - Frístunda- og menningarnefnd - 3
3. fundur haldinn 20. september.
17. 2209015F - Skipulags og byggingarnefnd - 8
8. fundur haldinn 27. september.
Fundargerðir til kynningar
18. 2205063 - Fundargerðir BÁ 2022
3. fundur haldinn 19. september.
Lagt fram til kynningar.
19. 2201299 - Fundargerðir stjórnar Sorpstöðvar Suðurlands 2022
312. fundur haldinn 6. september.
313. fundur haldinn 22. september.
Lagt fram til kynningar.
Fundargerð SOS 06.09.2022.pdf
313. fundargerð SOS 22.09.2022.pdf
20. 2203055 - Fundargerðir heilbrigðisnefndar Suðurlands 2022
221. fundur haldinn 23. september.
Lagt fram til kynningar.
221_fundur_fundargerd.pdf
21. 2209323 - Fundargerðir Héraðsskjalasafns Árnesinga 2022
Fundur haldinn 20. september.
Lagt fram til kynningar.
Hér_Árn_AA_2022_09_20_Fundargerð_stjórnar.pdf
22. 2204160 - Aðalfundur Veiðifélags Árnesinga 2022
Aðalfundur haldinn 27. apríl.
Lagt fram til kynningar.
Fundargerð aðalfundar 27.04.22.pdf
23. 2209329 - Fundargerðir almannavarna Árnessýslu
1. fundur haldinn 16. september.
Lagt fram til kynningar.
1. fundur AÁ 16september2022.pdf
24. 2201197 - Bergrisamál - fundargerðir stjórnar 2022
45. fundur haldinn 16. september.
46. fundur haldinn 26. september.
Bæjarráð tekur undir bókun Bergrisans af 46.fundi og skorar á ríkisvaldið að bregðast við með auknum fjárframlögum nú þegar.
45 stjórnarfundur Bergrisans bs (1).pdf
46. stjórnarfundur Bergrisans (1).pdf
25. 2205054 - Fundargerðir stjórnar Tónlistarskóla Árnesinga 2022
203. fundur haldinn 27. september.
Lagt fram til kynningar.
Fundur 203 - 27.9.2022.pdf
26. 2201295 - Fundargerðir Héraðsnefndar Árnessýslu bs. 2022
1. fundur framkvæmdastjórnar HÁ, haldinn 12. ágúst.
2. fundur framkvæmdastjórnar HÁ, haldinn 29. ágúst.
Lagt fram til kynningar.
1. fundur HÁ 22-26.pdf
2. fundur HÁ 22-26.pdf
Bæjarráð samþykkir að næsti reglulegi fundur verði miðvikudaginn 12. október klukkan 15:00.



Fleira ekki gert. Fundi slitið kl. 10:00 

Til baka Prenta

Eldri fundargerðir

Einnig er hægt að nálgast eldri fundargerðir.

Sjá eldri fundargerðir
Þetta vefsvæði byggir á Eplica