Tillaga frá 80. fundi skipulags- og byggingarnefndar, frá 3. nóvember, liður 16. Framkvæmdaleyfisumsókn - Suðurhólar göngustígur
Mannvirkja og umhverfissvið Árborgar óskaði eftir framkvæmdaleyfi vegna gerðar göngustígs meðfram Austurhólum á Selfossi, samkvæmt meðfylgjandi gögnum Stígurinn var í samræmi við gildandi aðalskipulag Árborgar 2010-2030.
Skipulags- og byggingarnefnd lagði til við bæjarráð að framkvæmdaleyfi yrði samþykkt.
Bæjarráð samþykkir að veita framkvæmdaleyfi vegna gerðar göngustígs meðfram Austurhólum á Selfossi, samkvæmt meðfylgjandi gögnum.
3. 2111002 - Framkvæmdaleyfisumsókn til púðagerðar og ferginga
Tillaga af 80. fundi skipulags- og byggingarnefndar frá 3. nóvember, liður 17. Framkvæmdaleyfisumsókn til púðagerðar og ferginga
Sigurður Þór Sigurðsson verkefnastjóri TRS, fh. Árbakkans þróunarfélags ehf. kt.550421-2160, sótti um framkvæmdaleyfi til að grafa fyrir, fylla fyrir púða og setja farg, á 15 lóðir í Árbakkalandi. Miðað var við að framkvæmt yrði skv. minnisblaði VSÓ ráðgjafa, dagsett 19. október 2021 vegna jarðvegsrannsókna í Árbakkalandi, þ.e. grafið yrði niður á ársetið, þar lagður á dúkur, fyllt og þjappað í púðahæð og þar ofan á yrði sett farg, 2-3 m. skv. nánari skilgreiningu og útreikningum þar um. Nauðsynlegt yrði að leggja út a.m.k. að hluta Tyrfingsvaðið, svo hægt yrði að komast að viðkomandi lóðum og var einnig sótt um leyfi fyrir þeirri framkvæmd. Ekki var miðað við að nein lagnavinna færi fram samhliða þessari stöku framkvæmd. Miðað var við að grafnir yrðu út byggingarreitir viðkomandi lóða og fyllt þar í.
Skipulags- og byggingarnefnd lagði til við bæjarráð að framkvæmdaleyfi yrði veitt. Skilyrði fyrir veitingu framkvæmdaleyfis var að mælingar sigs yrðu vel skráðar og niðurstöðum yrði skilað til byggingarfulltrúa þegar sótt yrði um byggingaráform á umræddum lóðum.
Bæjarráð samþykkir að veita framkvæmdaleyfi til að grafa fyrir, fylla fyrir púða og setja farg á 15 lóðir í Árbakkalandi.
4. 21101204 - Beiðni - aukning á kennslukvóta fyrir tónlistarkennslu í Árborg
Bæjarráð lagði til á 127. fundi að beiðni um aukinn kennslukvóta yrði tekin til skoðunar við vinnslu fjárhagsáætlunar 2022.
Jafnframt óskaði bæjarráð eftir því við sviðsstjóra fjölskyldusviðs að gert yrði yfirlit um þróun kennslukvóta sveitarfélagsins og viðbótarkennslukvóta á síðustu árum. Einnig mætti koma þar fram samanburður á kennslukvóta sveitarfélagsins til tónlistarkennslu og þeirrar tónlistarkennslu sem viðhöfð var í sveitarfélögum sem við viljum bera okkur saman við.
Bæjarráð leggur til að kennslukvóti verði aukinn um 20 kennslustundir við vinnslu fjárhagsáætlunar 2022. Þar með ætti þessi biðlisti að heyra sögunni til.
5. 1712152 - Niðurstaða í dómsmáli E-770/2020
Trúnaðarmál.
Helga María Pálsdóttir fór yfir efni niðurstaðna með bæjarráði og álitamál vegna hugsanlegrar áfrýjunar. Bæjarritara falið að undurbúa áfrýjun og vinna að henni eftir því sem efni standa til.
Gestir
Helga María Pálsdóttir - 17:00
6. 2111169 - Styrkbeiðni - Stígamót 2022
Erindi frá Stígamótum, dags. 3. nóvember, þar sem óskað var eftir fjárstuðningi og samstarfi um reksturinn fyrir árið 2022.
Bæjarráð samþykkir að Stígamót verði styrkt um kr. 120.000, fyrir rekstrarárið 2022.
