Athugið

Bæjarstjórnarfundur í beinni útsendingu

Fundargerðir

Til baka Prenta
Fræðslu- og frístundanefnd - 20

Haldinn á 3. hæð Ráðhúss,
21.05.2025 og hófst hann kl. 16:30
Fundinn sátu: Brynhildur Jónsdóttir formaður, D-lista,
Gísli Rúnar Gíslason nefndarmaður, D-lista,
Ástrós Rut Sigurðardóttir nefndarmaður, Á-lista,
Guðrún Rakel Svandísardóttir nefndarmaður, B-lista,
Elísabet Davíðsdóttir nefndarmaður, S-lista,
Guðrún Björg Aðalsteinsdóttir fulltrúi skólastjóra,
Jóhanna Þórhallsdóttir fulltrúi leikskólastjóra,
María Ósk Ólafsdóttir fulltrúi kennara,
Birna Aðalh. Árdal Birgisdóttir fulltrúi foreldra leikskóla,
Soffía Guðrún Kjartansdóttir fulltrúi leikskólakennara,
Guðmunda Bergsdóttir ,
Margrét Björk Brynhildardóttir deildarstjóri, Gunnar Eysteinn Sigurbjörnsson deildarstjóri.
Fundargerð ritaði: Margrét Björk Brynhildardóttir, deildarstjóri skólaþjónustu
Laufey Guðný Kristinsdóttir kom inn á fundinn undir lið 5.


Dagskrá: 
Almenn afgreiðslumál
1. 2505007 - Nafnaréttur - erindi frá Knattspyrnudeild Stokkseyrar
Erindi frá stjórn Knattspyrnudeildar Stokkseyrar, dags. 2. maí, þar sem óskað er eftir leyfi frá sveitarfélaginu um að vallarstæðið á Stokkeyri fái nafnið Eyrarfiskvöllurinn næstu tvö árin hið minnsta. Sett yrði upp skilti við völlinn.
Fræðslu- og frístundanefnd áréttar að íþróttavöllurinn á Stokkseyri haldi sínu nafni. Nefndin heimilar hins vegar fyrir sitt leyti að Knattspyrnudeild Stokkseyrar geti aflað tekna með því að kenna íþróttavöllinn við ákveðið fyrirtæki með skilti enda sé það gert tímabundið. Erindinu vísað áfram til bæjarráðs.
2. 2505228 - Frístundadagatöl 2025-2026
Frístundadagatöl frístundaheimila Árborgar 2025-2026 lögð fram til staðfestingar
Fræðslu- og frístundanefnd staðfestir frístundadagatölin.
3. 2505217 - Minnisblað - fjölgun kennslustunda á unglingastigi
Minnisblað frá stjórnendum Barnaskólans á Eyrarbakka og Stokkseyri vegna fjölgunar kennslustunda á unglingastigi.
Fræðslu- og frístundanefnd tekur undir sjónarmið stjórnenda Barnaskólans á Eyrarbakka og Stokkseyri um að fjölga kennslustundum á unglingastigi í samræmi við aðalnámskrá sem hefur í för með sér aukinn skólaakstur. Þar sem nefndin hefur ekki fjárveitingavald er erindinu vísað áfram til bæjarráðs.
Erindi til kynningar
4. 2505225 - Flakkandi félagsmiðstöð og leitarstarf í samstarfið við samfélagslögreglu
Guðmunda Bergsdóttir forstöðumaður frístundahús kynnir verkefnið flakkandi félagsmiðstöð.
Fræðslu- og frístundanefnd þakkar Guðmundu fyrir áhugaverða og fróðlega kynningu. Nefndin leitast eftir því að fjölskyldusvið taki saman niðurstöður verkefnisins eftir sumarið og kynni fyrir nefndinni.
5. 2505198 - Heildstæð áætlun um náms- og starfsráðgjöf fyrir grunnskóla Árborgar
Náms- og starfsráðgjafar í grunnskólum Árborgar hafa unnið að heildstæðri áætlun um náms- og starfsráðgjöf. Fulltrúar þeirra koma á fundinn og kynna áætlunina.
Laufey Guðný Kristinsdóttir og Birna Aðalheiður Árdal Birgisdóttir fulltrúar náms- og starfsráðgjafa komu á fundinn og kynntu heildræna áætlun náms- og starfsráðgjafa í grunnskólum Árborgar sem er fyrsta áætlun sinnar tegundar á landsvísu.
Fræðslu- og frístundanefnd þakkar þeim fyrir kynninguna og hrósar þeim fyrir faglega og áhugaverða áætlun.
6. 2301239 - Læsisstefna Árborgar 2023
Minnisblað frá deildarstjóra skólaþjónustu um stöðuna á vinnu við læsisstefnu sveitarfélagsins Árborgar.
Fræðslu- og frístundanefnd þakkar fyrir kynninguna.
7. 2504242 - Endurmenntunarsjóður grunnskóla 2025-2026
Kynning á styrk frá Endurmenntunarsjóði grunnskóla fyrir skólaárið 2025-2026.
Erindi til kynningar.

Fleira ekki gert. Fundi slitið kl. 18:00 

Til baka Prenta

Eldri fundargerðir

Einnig er hægt að nálgast eldri fundargerðir.

Sjá eldri fundargerðir
Þetta vefsvæði byggir á Eplica