Stofnun stjórnsýslufræða og stjórnmálafræða býður nú upp á námskeið um fjárhagsáætlanir sveitarfélaga. Fyrirlesari er Gunnlaugur A. Júlíusson, hagfræðingur og fyrrverandi sveitarstjóri. Markmiðið með námskeiðinu er að þátttakendur fái yfirgripsmikla Markmiðið með námskeiðinu er að þátttakendur fái yfirgripsmikla fræðslu um vinnulag og vinnuferli við undirbúning fjárheimilda hjá sveitarfélögum. Fjallað verður um mikilvægi fjárheimilda sem stjórntækis. Lögð er áhersla á mikilvægi skipulagðra vinnubragðra og skýrrar markmiðssetningar við undirbúning fjárheimilda svo og eftirfylgni með framkvæmd þeirra. Komið verður inn á gagnasöfnun og grunnforsendur við vinnslu fjárheimilda. Að lokum er fjallað um helstu lykiltölur sem þörf er að hafa á valdi sínu.
Námskeiðið kemur í framhaldi af góðum viðtökum námskeiðs um ársreikninga sveitarfélaga sem haldið var í maí síðastliðinn. Þá bauð sveitarfélagið kjörnum fulltrúum að greiða námskeiðsgjaldið sæktu þeir námskeiðið.
Bæjarráð samþykkir að greiða námskeiðsgjald fyrir þá bæjarfulltrúa sem kjósa að taka þátt í námskeiðinu.
2. 2108145 - Tækifærisleyfi - Gimli - uppskeruhátíð á Stokkseyri
Erindi frá Sýslumanninum á Suðurlandi, dags. 13. ágúst, þar sem óskað var eftir umsögn um tækifærisleyfi þann 4.-5. september á Sólvöllum 5 á Stokkseyri. Umsækjandi er Pétur Már Guðmundsson.
Bæjarráð gerir ekki athugasemd við að tækifærisleyfið verði veitt.
Bréf frá dómsmálaráðuneytinu, dags. 11. ágúst, vegna greiðslu ríkissjóðs á nauðsynlegum kostnaði við störf undirkjörstjórna og kjörstjórna skv. 2. mgr. 15. gr. laga 24/2000, auk kostnaðar við húsnæði til kjörfunda, atkvæðakassa og önnur áhöld vegna kosninganna.
Héraðssambandið Skarphéðinn hyggst halda Ungmennalandsmót á næsta ári. Bæjarstóri hafði áður óskað eftir því við Héraðssambandið Skarphéðinn að félagið haldi sínu striki í samstarfi við sveitarfélagið og vinni að því að ULM 2022 fari fram í Árborg. Þetta er gert í ljósi þess að tilraunir til að halda mótið í Árborg árin 2020 og 2021 hafa farið út um þúfur vegna heimsfaraldurs.
Afsal svf. Árborgar til Björgunarfélag Árnessýslu - Árvegur 1, miðpallur. Kaupsamningur var gerður árið 2012. Í honum kemur fram að gefa skuli út afsal árið 2017 eða þegar greiðslur skv. b- g lið eru greiddar, en þær greiðslur voru í formi þjónustu. Fyrirfarist hefur að ljúka þessu árið 2017 og er því tilefni til að gera það nú.
Bæjarráð samþykkir að framlagt afsal verði gefið út.
Á fundi bæjarráðs þann 8. júlí síðastliðinni kom upp ágreiningur um það hvort kalla mætti inn varamenn í bæjarráð af framboðslista þeirra framboða sem eiga aðalfulltrúa í bæjarráði. Málið bar svo aftur á góma á fundi bæjarstjórnar þann 18. ágúst síðastliðinn og var enn uppi ágreiningur. Miklu varðar að fá skorið úr ágreiningnum og því leitaði bæjarstjóri álits lögmanns Sambands íslenskra sveitarfélaga, Guðjóns Bragasonar. Svar Guðjóns er lagt fyrir bæjarráð.
Bæjarráð þakkar framlagt álit Guðjóns Bragasonar og leggur til við bæjarstjórn að kosning í bæjarráð verði endurtekin á næsta fundi bæjarstjórnar.
Mikil hætta stafar af krossgötunum á mótum Eyrarbakkavegar, Álfsstéttar og aðkomuvegar upp í hesthúsabyggð á Eyrarbakka. Bæjarstjóri og sviðsstjóri mannvirkja- og umhverfissviðs funduðu með Vegagerðinni um málið í liðinni viku.
Bæjarráð samþykkir að vegtenging inn á hesthúsasvæðið við Eyrarbakka verði færð til austurs í samræmi við gildandi skipulagi þannig að ekki verði um krossgötur að ræða, enda ekki gert ráð fyrir núverandi krossgötum á gildandi skipulagi. Verkið verði unnið í samráði við Vegagerðina. Leggur bæjarráð til við eigna- og veitunefnd að gert verði ráð fyrir fé til framkvæmdanna á fjárhagsáætlun næsta árs.
12. 1503064 - Kaffi fyrir 75 ára íbúa Árborgar
Tillaga frá 25. fundi frístunda- og menningarnefnd, frá 23. ágúst, liður 5. Kaffi fyrir 75 ára íbúa Árborgar.
Lögð var fram tillaga frá fulltrúa M-lista um að 75 ára afmæliskaffið sem halda átti í ár fyrir árganga fædda 1945 og 1946 verði aflýst og fjármagnið nýtt til frekari heilsueflingar fyrir eldri borgara í sveitarfélaginu.
Í ljósi aðstæðna lagði nefndin til við bæjarráð að tillagan yrði samþykkt.
Í ljósi aukins svigrúms í nýjum sóttvarnarreglum mælist bæjarráð til þess að afmæliskaffið verði haldið og því fundin tímasetning fljótlega, t.d. í tengslum við Menningarmánuðinn október.