Fundargerðir

Bæjarráð - 135

Haldinn í Suðursal, Ráðhúsi Árborgar, Austurvegi 2, Selfossi,
13.01.2022 og hófst hann kl. 17:00

Fundinn sátu: Eggert Valur Guðmundsson formaður, S-lista,
Tómas Ellert Tómasson bæjarfulltrúi, M-lista,
Gunnar Egilsson bæjarfulltrúi, D-lista,
Gísli Halldór Halldórsson bæjarstjóri, Helga María Pálsdóttir bæjarritari.

Fundargerð ritaði: Gísli Halldór Halldórsson, bæjarstjóri

Dagskrá:

Almenn erindi

1. 2112262 - Viðræður um fjárhagsstöðu UMF. Selfoss, handknattleiksdeildar - Covid19

Bæjarráð vísaði erindinu til frekari umræðu á næsta fundi bæjarráðs og fól bæjarstjóra að vinna að málinu áfram í samráði við stjórn UMF Selfoss.

Bæjarráð samþykkir viðspyrnustyrk vegna Covid-19 til handknattleiksdeildar Umf. Selfoss með miðakaupum á þá leiki þar sem þátttaka áhorfenda skerðist vegna Covid-19 fram til vors 2022. Þessi miðakaup samsvari 285 miðum á hvern heimaleik frá ársbyrjun og til loka tímabils í Grill-66 deild kvenna og Olís deild karla.
Bæjarráð leggur til við bæjarstjórn að samþykktur verði viðauki við fjárhagsáætlun 2022 vegna þessara ráðstafana.

2. 2112381 - Byggðakvóti fiskveiðiársins 2021-2022

Erindi frá atvinnu- og nýsköpunarráðuneytinu, dags. 21. desember 2021, um úthlutun byggðakvóta til byggðarlaga á fiskveiðiárinu 2021/2022 - Eyrarbakki og Stokkseyri. Þar sem endanleg úthlutun byggðakvóta til byggðalaga liggur fyrir er sveitarfélögum gefinn frestur til 21. janúar n.k. að senda ráðuneytinu tillögur um sérreglur.

Bæjarráð samþykkir að reglur úthlutunar byggðakvóta verði óbreyttar frá fyrra ári.

2021-12-22_09-50-48_SO.pdf

3. 2112380 - Starfsumhverfi skipulagsfulltrúa

Skýrsla frá Skipulagsstofnun, útgefin í desember 2021, um starfsumhverfi skipulagsfulltrúa í 69 sveitarfélögum.

Lagt fram til kynningar.

skipulagsfulltrúar 2021 7 des - afrit (2).pdf

4. 2112386 - Útsvarslíkan Analytica

Minnisblað frá Sambandi íslenskra sveitarfélaga, dags. 20. desember, um nýja og endurbætta útgáfu reiknilíkans Analytica fyrir mánaðarlegan útsvarsstofn.

Lagt fram til kynningar.

5. 2112389 - Fréttabréf Skógræktarfélags Sandvíkurhrepps

Lagt fram til kynningar.

6. 2201055 - Samráðsgátt - breyting á sveitarstjórnarlögum nr. 138/2011

Erindi frá samgöngu- og sveitarstjórnarráðuneytinu, dags. 5. janúar, þar sem óskað var eftir umsögn um áform um að breyta sveitarstjórnarlögum á þann veg að mælt yrði með skýrari hætti fyrir um hvaða reglur skuli gilda um íbúakosningar. Umsagnafrestur er til 14. janúar nk.

Lagt fram til kynningar.

Áform um frumvarp til laga um breytingu á sveitarstjórnarlögum nr. 138-2011.pdf

Áform um lagasetningu-íbúakosningar sveitarfélaga.pdf

7. 2107031 - Trúnaðarmál

8. 1603040 - Bygging hjúkrunarheimilis í Árborg

Framvinduskýrsla nóvember.

Lagt fram til kynningar.

HHA-Framvinduskyrsla_NOV-2021.pdf

9. 2201122 - Íslandsmótið í skák í Árborg 2022

Erindi frá Skáksambandi Íslands, dags. 10. janúar, þar sem óskað var eftir stuðningi frá sveitarfélaginu við að halda Íslandsmótið í skák í Árborg árið 2022.

Það er fagnaðarefni að Skáksamband Íslands skuli velja Íslandsmótinu stað á Selfossi og undirstrikar þann árangur sem hér hefur náðst í eflingu skákstarfs í sveitarfélaginu og þakka má öflugu starfi Skákfélags Selfoss og nágrennis. Bæjarráð samþykkir að styðja Skáksamband Íslands og Skákfélag Selfoss og nágrennis þannig að halda megi Íslandsmótið í skák í sveitarfélaginu í byrjun maí. Bæjarráð samþykkir styrk að upphæð krónur 500.000. Skáksambandið og SSON sjá um umgjörð mótsins.
Bæjarráð leggur til að Bæjarstjórn samþykki viðauka vegna málsins.

Íslandsmótið í skák í Árborg 2022.pdf

10. 2201124 - Beiðni - lækkun á gatnagerðargjöldum vegna Breiðamýri 4

Beiðni GG tré ehf., dags. 11. janúar, þar sem óskað var eftir lækkun á gatnagerðargjöldum vegna sérstakra aðstæðna á lóð við Breiðumýri 4 á Selfossi.

Bæjarráð telur sér ekki fært að verða við erindinu.

11. 2201123 - Covid19 - Skóla- og frístundastarf og sóttvarnaráðstafanir 2022

Vikuskýrsla vöktunarteymis 3. - 7. janúar 2022

Lagt fram til kynningar.

vikuskyrsla-voktunarteymis-covid-19-vika1.pdf

Fundargerðir

12. 2112021F - Skipulags og byggingarnefnd - 84

84. fundur haldinn 29. desember.

Fundargerðir til kynningar

13. 2102005 - Fundargerðir stjórnar Sorpstöðvar Suðurlands 2021

307. fundur haldinn 1. desember.

Lagt fram til kynningar.