Fundargerðir

Bæjarstjórn - 55

Haldinn í Grænumörk 5, Selfossi,
26.03.2025 og hófst hann kl. 16:00

Fundinn sátu: Kjartan Björnsson forseti bæjarstjórnar,
Bragi Bjarnason bæjarfulltrúi, D-lista,
Fjóla Steindóra Kristinsdóttir bæjarfulltrúi, D-lista,
Sveinn Ægir Birgisson bæjarfulltrúi, D-lista,
Brynhildur Jónsdóttir bæjarfulltrúi, D-lista,
Helga Lind Pálsdóttir bæjarfulltrúi, D-lista,
Arna Ír Gunnarsdóttir bæjarfulltrúi, S-lista,
Sigurjón Vídalín Guðmundsson bæjarfulltrúi, S-lista,
Arnar Freyr Ólafsson bæjarfulltrúi, B-lista,
Ellý Tómasdóttir bæjarfulltrúi, B-lista,
Álfheiður Eymarsdóttir bæjarfulltrúi, Á-lista,
Þórdís Sif Sigurðardóttir bæjarritari.

Fundargerð ritaði: Þórdís Sif Sigurðardóttir, bæjarritari

Í upphafi fundar kallar forseti eftir athugasemdum við útsent fundarboð. Engar athugasemdir eru gerðar.

Dagskrá:

Almenn erindi

1. 2503061 - Tillaga að breytingum á reglum Árborgar um félagslegt leiguhúsnæði

Tillaga frá 15. fundi velferðarnefndar frá 6. mars, liður 3. Tillaga að breytingum á reglum Árborgar um félagslegt leiguhúsnæði.

Lagt er fyrir Velferðarnefnd minnisblað starfsmanna fjölskyldusviðs er varðar tillögu að hækkun eigna- og tekjuviðmiða í reglum Árborgar um félagslegt leiguhúsnæði.

Velferðarnefnd leggur til við bæjarstjórn að samþykkja reglurnar.

Til máls tók Helga Lind Pálsdóttir, D-lista.

Tillagan er borin undir atkvæði og samþykkt samhljóða með 11 atkvæðum.

Reglur um félagslegt leiguhúsnæði í Árborgar samþykkt í mars 2025.pdf

2. 2307062 - Eyravegur 40 - Deiliskipulag

Tillaga frá 42. fundi skipulagsnefndar frá 19. mars sl. liður 5. Eyravegur 40 - Deiliskipulag.

Larsen Hönnun, f.h. lóðarhafa leggur fram tillögu að deiliskipulagi fyrir íbúðir á lóðinni Eyravegur 40 á Selfossi. Lóðin sem er 2605m2 að stærð, er skilgreind í Aðalskipulagi Árborgar 2020-2036 sem Miðsvæði, M6.
Gert er ráð fyrir 3, 4 og 5 hæða stölluðu fjölbýlishúsi á lóð með íbúðum á öllum hæðum ofanjarðar. Heimild er fyrir kjallara t.d. fyrir bílastæði, geymslur eða önnur stoðrými. Húsagerðir eru frjálsar að öðru leyti en því sem lóðablöð, skilmálar þessir, byggingarreglugerð og aðrar reglugerðir segja til um. Útlit byggingar skal brjóta upp í formi, efnis og litavali.
Einstaka byggingarhlutar, eins og þakkantur, svalir, skyggni mega standa utan byggingarreits ásamt sorpskýlum, djúpgámum, hjóla og vagnageymslu. Samtals er gert ráð fyrir allt að 34 íbúðum á lóðinni.

Skipulagsnefnd samþykkir fyrir sitt leyti tillögu að deiliskipulagi í samræmi við 41. gr. skipulagslaga nr. 123/2010, og mælist til að bæjarstjórn Árborgar samþykki tillöguna, og feli skipulagsfulltrúa að auglýsa tillöguna í samræmi við 41. gr. skipulagslaga.

Til máls tóku Bragi Bjarnason, D-lista, Sigurjón Vídalín Guðmundsson S-lista, Fjóla St. Kristinsdóttir, D-lista.

Eftirfarandi er lagt til:
Bæjarstjórn samþykkir að fela skipulagsfulltrúa að auglýsa tillögu að deiliskipulagi í samræmi við 41. gr. skipulagslaga nr. 123/2010.

Tillagan er borin undir atkvæði og samþykkt samhljóða með 11 atkvæðum.

Eyravegur 40 - DSK uppdráttur 4.3.2025.pdf

Eyravegur 40 - DSK skýringaruppdráttur 4.3.2025.pdf

Eyravegur 40 - Hávaðagreining 14.2.2025.pdf

Eyravegur 40 - Umhverfisskýrsla 4.3.2025.pdf

3. 2501359 - Votmúli I. L166214 - Múli 1-8 - Deiliskipulag 6 landspildna

Tillaga frá 42. fundi skipulagsnefndar frá 19. mars sl. liður 8. Votmúli I. L166214 - Múli 1-8 - Deiliskipulag 6 landspildna.

Votmúli ehf. leggur fram tillögu að breytingu á gildandi deiliskipulagi fyrir Votmúla 1 (Múli 1 og 2). Breytingin gerir ráð fyrir að fjölga lóðum úr tveimur í sex lóðir, og stækkar þar með skipulagssvæðið úr 20 ha. yfir í 41.2 ha. Á lóðunum Múli 1-8 verður heimilt að vera með íbúðarhúsnæði og hesthús ásamt starfsemi sem tengist hrossarækt. Gert er ráð fyrir tveimur byggingarreitum innan hverrar lóðar: B1 byggingarreitur fyrir íbúðarhús og byggingar tengdum íbúum s.s. íbúðarhús, gesthús, gróðurhús og stakstæðum bílskúr. B2 byggingarreitur er áætlaður byggingum tengdum hrossarækt eða landbúnaði skv. 4.7.1. gr. í gildandi aðalskipulagi Árborgar 2020-2036. Lóðirnar hafa aðkomu í gegnum afleggjara við Votmúla sem tengist Votmúlavegi nr. 310.

Skipulagsnefnd samþykkir fyrir sitt leyti tillögu að breyttu deiliskipulagi í samræmi við 43. gr. skipulagslaga nr. 123/2010, og mælist til að bæjarstjórn Árborgar samþykki tillöguna, og feli skipulagsfulltrúa að auglýsa tillöguna í samræmi við 41. gr. skipulagslaga.

Til máls tóku Bragi Bjarnason, D-lista og Fjóla St. Kristinsdóttir, D-lista.

Eftirfarandi er lagt til:
Bæjarstjórn samþykkir að fela skipulagsfulltrúa að auglýsa tillögu að breytingu að deiliskipulagi, skv. 43. gr. skipulagslaga nr. 123/2010, sbr. 41. gr. laganna.

Tillagan er borin undir atkvæði og samþykkt samhljóða með 11 atkvæðum.

Votmúli - Deiliskipulagsbreyting 17.3.2025.pdf

votmúli - Skýringaruppdráttur 11.3.2025.pdf

Votmúli - Umhverfisskýrsla dags.14.3.2025.pdf

4. 2301178 - Deiliskipulag hesthúsasvæðis - Hestamannafélagið Sleipnir

Tillaga frá 42. fundi skipulagsnefndar frá 19. mars, liður 9. Deiliskipulag hesthúsasvæðis - Hestamannafélagið Sleipnir.

Meginmarkmið deiliskipulagsins er að setja fram heildstæða stefnu fyrir allt hesthúsahverfið, bæði núverandi svæði og stækkun þess til suðurs.
Deiliskipulagið byggir í megindráttum á núverandi fyrirkomulagi með áherslu á bættar reiðleiðir og þjálfunarsvæði. Á svæði til suðurs verður gert ráð fyrir nýjum lóðum og þannig fjölgar notendum innan hesthúsasvæðisins. Kröfur um bættan aðbúnað hesta og manna hafa aukist á undanförnum árum og munu skilmálar um byggingu nýrra húsa og breytingar á eldri húsum taka mið af því.
Deiliskipulagið nær til alls hesthúsahverfisins, sem er núverandi keppnis og hesthúsasvæði og stækkaðs hesthúsasvæðis, samtals um 27 ha.
Deiliskipulagsmörkin ná einnig yfir hluta af opnu svæði milli Langholts og hesthúsahverfis vegna fyrirhugaðs reiðstígs þar. Stækkun núverandi svæðis er um 7 ha. að stærð. Á nýja svæðinu næst Dísastaðarlandi er gert ráð fyrir 19 nýjum hesthúsum meðfram Bæjartröð. Lóðir eru af þremur stærðum, og er gert ráð fyrir að innan þeirra verði heimilt að byggja stakstæð hús eða parhús. Hestagerði eru staðsett sunnan við hús beggja megin götu til að tryggja sól og skjól frá ríkjandi vindáttum.
Auk 19 hefðbundinna hesthúsa er gert ráð fyrir tveimur stærri lóðum fyrir hesthús með litlum reiðskemmum.
Skilmálar eru settir fyrir byggingu nýrra hesthúsa og eins eru settir fram skilmálar um mögulega endurbyggingu eldri húsa. Byggingarmagn á keppnissvæði er aukið umtalsvert, bæði fyrir fipo-keppnishöll en einnig fyrir minni hús til þjálfunar og fyrir áhorfendastúkur.
Deiliskipulagið er í samræmi við Aðalskipulag Árborgar 2020-2036, þar sem svæðið er með landnotkunina ÍÞ2. Með gildistöku þessa deiliskipulags falla allar eldri skipulagsáætlanir fyrir svæðið úr gildi.

Skipulagsnefnd samþykkir fyrir sitt leyti tillögu að deiliskipulagi í samræmi við 41. gr. skipulagslaga nr. 123/2010, og mælist til að bæjarstjórn Árborgar samþykki tillöguna, og feli skipulagsfulltrúa að auglýsa tillöguna í samræmi við 41. gr. skipulagslaga.

Til máls tóku Bragi Bjarnason, D-lista, Fjóla St. Kristinsdóttir, D-lista, Sigurjón Vídalín Guðmundsson, S-lista og Sveinn Ægir Birgisson, D-lista

Eftirfarandi er lagt til:
Bæjarstjórn samþykkir að fela skipulagsfulltrúa að auglýsa tillöguna í samræmi við 41. gr. skipulagslaga.

Tillagan er borin undir atkvæði og samþykkt með 11 atkvæðum.

Hestamannasvaedi-02_DSK-TL.pdf

2025-0310-Hesthusasvaedi-skilmalar-04.pdf

5. 2312002 - Endurmat á tilraunaverkefni í leikskólum Árborgar skólaárið 2024-2025

Tillaga frá 18. fundi fræðslu- og frístundanefndar frá 19. mars sl. liður 1. Minnisblað um stöðu leikskólamála í Árborg nóv. 2023

Minnisblað um endurmat á tilraunaverkefni sem fór fram í leikskólum Árborgar skólaárið 2024-2025. Júlíana Tyrfingsdóttir, faglegur leiðtogi leikskóla Árborgar kynnir.

Fræðslu- og frístundanefnd leggur til við bæjarstjórn að tilraunaverkefnið verði fest í sessi. Einnig er lagt til að Þorláksmessa verði skráningadagur eins og fram kemur í minnisblaðinu.

Til máls tóku Brynhildur Jónsdóttir, D-lista, Arnar Freyr Ólafsson, B-lista, Sveinn Ægir Birgisson, D-lista, Fjóla St. Kristinsdóttir, D-lista, Arna Ír Gunnarsdóttir, S-lista, Sigurjón Vídalín Guðmundsson, S-lista og Ellý Tómasdóttir, B-lista.

Eftirfarandi er lagt til:
Bæjarstjórn samþykkir að festa fyrirkomulagið í sessi og samþykkir að Þorláksmessa verði skráningadagur.

Tillagan er borin undir atkvæði og samþykkt samhljóða með 11 atkvæðum.

6. 2403338 - Ungmennaráð 2024 -2026

Kosning fulltrúa í ungmennaráð Árborgar.

Kjartan Björnsson óskar eftir að víkja á fundi undir þessum lið kl. 16:58. Brynhildur Jónsdóttir tekur við fundarstjórn.

Til máls tók Arnar Freyr Ólafsson, B-lista, Fjóla St. Kristinsdóttir, D-lista, Sveinn Ægir Birgisson, D-lista, Bragi Bjarnason, D-lista, Helga Lind Pálsdóttir, D-lista, Álfheiður Eymarsdóttir, Á-lista og Arna Ír Gunnarsdóttir, S-lista.

Lagt er til að eftirtaldir verði kjörnir í ungmennaráð Árborgar:

UMFS: Ásta Björk Óskarsdóttir
UMFS vara: Atli Dagur Guðmundsson
Önnur æskulýðsfélög: María Friðmey Jónsdóttir
Önnur æskulýðsfélög vara: Viktoría Eva Guðjónsdóttir
Ungmennaþing: Guðrún Birna Kjartansdóttir
Ungmennaþing: Milena Markowska
Ungmennaþing: Eva Karen Friðriksdóttir
Ungmennaþing vara: Sunneva Dís Eiríksdóttir
Ungmennaþing vara: Tómas Egidijusson
Zelsíuz: Rannveig Helga Kjartansdóttir
BES: Elín Eyrún Herbertsdóttir
Vallaskóli: Örn Hreinsson
Sunnulækjarskóli: Svanhvít Sunneva Kristínardóttir

Tillagan er borin undir atkvæði og samþykkt samhljóða með 10 atkvæðum.

Kjartan Björnsson kemur aftur inn á fundinn kl. 17:13 og tekur við stjórn fundarins.

7. 2206157 - Fundartími bæjarstjórnar kjörtímabilið 2022-2026

Lagt er til að næstu fundur verði 9. apríl.

Tillagan er borin undir atkvæði og samþykkt samhljóða með 11 atkvæðum.

Fundargerðir

8. 2502018F - Skipulagsnefnd - 41

41. fundur haldinn 26. febrúar.

9. 2502022F - Fræðslu- og frístundanefnd - 17

17. fundur haldinn 26. febrúar.

10. 2502023F - Ungmennaráð - 12/2024

12. fundur haldinn 24. febrúar.

11. 2502029F - Bæjarráð - 120

120. fundur haldinn 13. mars.

Til máls tóku Fjóla St. Kristinsdóttir, D-lista, Sveinn Ægir Birgisson, D-lista og Arna Ír Gunnarsdóttir, S-lista.

12. 2502028F - Velferðarnefnd - 15

15. fundur haldinn 6. mars.

13. 2503014F - Bæjarráð - 121

121. fundur haldinn 21. mars.

Til máls tóku Bragi Bjarnason, D-lista, Fjóla St. Kristinsdóttir, D-lista, Sveinn Ægir Birgisson, D-lista, Sigurjón Vídalín Guðmundsson, S-lista og Arna Ír Gunnarsdóttir, S-lista.

Fleira ekki gert. Fundi slitið kl. 17:43

Til baka

Prenta