Sveitarstjórnarkosningar 2026

Athugið

Bæjarstjórnarfundur í beinni útsendingu

Fundargerðir

Til baka Prenta
Skipulagsnefnd - 61

Haldinn að Austurvegi 67, Selfossi,
04.05.2026 og hófst hann kl. 08:15
Fundinn sátu: Ari B. Thorarensen formaður, D-lista,
Rebekka Guðmundsdóttir nefndarmaður, D-lista,
Axel Sigurðsson nefndarmaður, Á-lista,
Björgvin Guðni Sigurðsson nefndarmaður, S-lista,
Matthías Bjarnason nefndarmaður, B-lista,
Ásdís Styrmisdóttir fulltrúi á skipulags- og byggingarsviði, Sölvi Leví Gunnarsson byggingafulltrúi, Vigfús Þór Hróbjartsson skipulagsfulltrúi.
Fundargerð ritaði: Ari B Thorarensen, formaður skipulagsnefndar


Dagskrá: 
Almenn afgreiðslumál
1. 2601383 - Merkisteinn I. L166113 - Deiliskipulag - 4 stakstæð hús
Lögð er fram tillaga nýs deiliskipulags sem tekur til lóðar Merkisteinsvalla 1 á Eyrarbakka innan íbúðarsvæðis ÍB45. Í skipulaginu felst skilgreining byggingarreita og byggingarheimilda fyrir fjögur stakstæð hús á tveimur hæðum með mænisþaki eins og nánar er gert grein fyrir innan skipulags- og byggingaskilmála deiliskipulagsins.
Skipulagsnefnd Árborgar mælist til þess við bæjarstjórn að deiliskipulagið verði samþykkt til auglýsingar á grundvelli 41. gr. skipulagslaga nr. 123/2010, þar sem allar meginforsendur fyrir gerð deiliskipulagstillögunnar liggi fyrir innan aðalskipulags sveitarfélagsins. Tillagan verði sérstaklega kynnt aðliggjandi lóðarhöfum.
Samþykkt
2. 2601294 - Ljónsstaðir - Ljón 1-3 - Deiliskipulag
Lögð er fram tillaga deiliskipulags sem tekur til þriggja lóða úr landi Ljónsstaða hver um sig um 1 ha að stærð. Í skipulaginu felst heimild til uppbyggingar á íbúðarhúsi ásamt sambyggðri bílgeymslu auk húsnæðis fyrir landbúnaðartengda starfsemi og/eða minniháttar atvinnustarfsemi ótengdri landbúnaði.
Skipulagsnefnd Árborgar mælist til þess við bæjarstjórn að deiliskipulagið verði samþykkt til auglýsingar á grundvelli 41. gr. skipulagslaga nr. 123/2010, þar sem allar meginforsendur fyrir gerð deiliskipulagstillögunnar liggi fyrir innan aðalskipulags sveitarfélagsins. Tillagan verði sérstaklega kynnt aðliggjandi lóðarhöfum.
Samþykkt
3. 2603152 - Eyravegur 15 - Umsókn um byggingaráform og byggingarleyfi
Eiríkur Vignir Pálsson hönnuður fyrir hönd Chamila Manel Salgado Meranjige sækir um leyfi til að breyta núverandi notkun mhl 03 0103 úr veitingahúsi yfir í gistiheimili. Málinu vísað til afgreiðslu skipulagsnefndar.
Að mati skipulagsnefndar er nauðsynlegt að gera grein fyrir áætluðum bílastæðum fyrir gistiheimilið á framlögðum hönnunargögnum auk krafna um birtustig innan íverurýma. Með fyrirvara um að uppfærð gögn berist mælist nefndin til þess að málið verði grenndarkynnt á grundvelli 44. gr. skipulagslaga nr. 123/2010. Berist engar athugasemdir innan athugasemdafrests grenndarkynningar skal málinu vísað aftur til afgreiðslu byggingarfulltrúa.
Samþykkt
4. 2604078 - Eyravegur 25 - Umsókn um byggingaráform og byggingarleyfi
Yngvi Karl Sigurjónsson hönnuður fyrir hönd Áorka ehf. sækir um leyfi til að breyta innanhús skipulagi á jarðhæð í mhl 01 að Eyravegir 25. Í breytingunni felst að verslunar- og þjónusturými er breytt í safnaðarheimili. Málinu vísað til skipulagsnefndar af afgreiðslufundi byggingarfulltrúa.
Skipulagsnefnd Árborgar mælist til þess að málið fái málsmeðferð á grundvelli 44. gr. skipulagslaga nr. 123/2010 með fyrirvara um niðurstöðu grenndarkynningar. Berist engar athugasemdir vegna grenndarkynningar skal málinu vísað til afgreiðslu byggingarfulltrúa.
Samþykkt
5. 2604141 - Goðavík 6 - Umsókn um byggingaráform og byggingarleyfi
Björgvin Víglundsson hönnuður fyrir hönd Stefán Sæmundssonar sækir um leyfi til að byggja sólskála við hús. Helstu stærðir eru; 20,5m² & 50,5m³. Málinu vísað yfir til skipulagsnefndar af afgreiðslufundi byggingarfulltrúa.
Fjallað er um heimildir til framkvæmda utan byggingarreits innan skipulagsskilmála deiliskipulags svæðisins þar sem eftirfarandi kemur fram: "Hús skulu í meginatriðum byggð innan byggingarreits en heimilt er að byggja svalir, skyggni, opnar útidyratröppu o.þ.h. utan byggingarreits. Svalir og skyggni geta þannig náð 2 m. út fyrir byggingarreit á langhliðum."
Umsóttur sólskáli er 3,2 m út fyrir núverandi hús í 1,8 m fjarlægð frá lóðarmörkum aðliggandi lóðar. Að mati skipulagsnefndar er þörf á að fjalla nánar um heimildir sem taka til sólskála innan greinargerðar deiliskipulags og setja fram fyrirvara um að slíkar framkvæmdir skuli háðar grenndarkynningu og/eða eftir atvikum skriflegu samþykki nágranna. Á grundvelli fordæma fyrri afgreiðslna vegna sólskála í sveitarfélaginu telur nefndin þó að eðlilegt sé að málið fái málsmeðferð á grundvelli 44. gr. skipulagslaga nr. 123/2010 með fyrirvara um niðurstöðu grenndarkynningar. Samhliða er skipulagsfulltrúa falið að útbúa óverulega breytingu á skilmálum deiliskipulags hverfisins sem rammar betur inn heimildir er varðar byggingu sólskála við íbúðarhús innan hverfa Bjarkar og Jórvíkur sem og öðrum íbúðarhverfum í Árborg.
Samþykkt
6. 2604236 - Tryggvatorg og Árbakkasvæðið; Endurskoðun deiliskipulags
Lögð er fram tillaga endurskoðunar deiliskipulags Tryggvatorg og Árbakkasvæðis. Með endurskoðun á deiliskipulagi svæðisins eru skilgreindir byggingarreitir og byggingarheimildir í takt við gildandi deiliskipulag auk þess sem lóðarmörk, áningarstaðir og göngustígar eru skilgreindir.
Skipulagsnefnd Árborgar mælist til þess að tillagan verði samþykkt til kynningar á grundvelli 40.gr. skipulagslaga nr.123/2010. Leitað verði sérstaks samráðs við lóðarhafa innan deiliskipulagssvæðisins um efni deiliskipulagsins auk þess sem leitað verði umsagna.
Samþykkt
7. 2301178 - Deiliskipulag hesthúsasvæðis - Hestamannafélagið Sleipnir
Tillaga deiliskipulags fyrir hesthúsasvæði ÍÞ2 á Selfossi var felld úr gildi með úrskurði ÚUA þess efnis þann 21. apríl 2026. Að mati Úrskurðarnefndar var ekki fjallað með fullnægjandi hætti um umhverfisáhrif deiliskipulagsins til þátta eins og lyktar, rykmyndunar, hljóðvistar, umferðarálags og áhrifa á sjónræna þætti. Er því lögð fram að nýju tillaga deiliskipulags fyrir hesthúsasvæði ÍÞ2 á Selfossi með uppfærðu mati á umhverfisáhrifum skipulagstillögunnar. Meginmarkmið deiliskipulagsins er að setja fram heildstæða stefnu fyrir allt hesthúsahverfið, bæði núverandi svæði og stækkun þess til suðurs. Deiliskipulagið byggir í megindráttum á núverandi fyrirkomulagi með áherslu á bættar reiðleiðir og þjálfunarsvæði. Á svæði til suðurs verður gert ráð fyrir nýjum lóðum og þannig fjölgar notendum innan hesthúsasvæðisins. Kröfur um bættan aðbúnað hesta og manna hafa aukist á undanförnum árum og munu skilmálar um byggingu nýrra húsa og breytingar á eldri húsum taka mið af því. Deiliskipulagið nær til alls hesthúsahverfisins, sem er núverandi keppnis- og, hesthúsasvæði og stækkaðs hesthúsasvæðis, samtals um 27 ha. Deiliskipulagsmörkin ná einnig yfir hluta af opnu svæði milli Langholts og hesthúsahverfis vegna fyrirhugaðs reiðstígs þar. Stækkun núverandi svæðis er um 7 ha að stærð. Á nýja svæðinu næst Dísastaðarlandi er gert ráð fyrir 19 nýjum hesthúsum meðfram Bæjartröð. Lóðir eru af þremur stærðum, og er gert ráð fyrir að innan þeirra verði heimilt að byggja stakstæð hús eða parhús. Hestagerði eru staðsett sunnan við hús beggja megin götu til að tryggja sól og skjól frá ríkjandi vindáttum. Auk 19 hefðbundinna hesthúsa er gert ráð fyrir tveimur stærri lóðum fyrir hesthús með litlum reiðskemmum. Skilmálar eru settir fyrir byggingu nýrra hesthúsa og eins eru settir fram skilmálar um mögulega endurbyggingu eldri húsa. Byggingarmagn á keppnissvæði er aukið umtalsvert, bæði fyrir fipo-keppnishöll en einnig fyrir minni hús til þjálfunar og fyrir áhorfendastúkur. Deiliskipulagið er í samræmi við Aðalskipulag Árborgar 2020-2036, þar sem svæðið er skilgreint með landnotkunina ÍÞ2 hesthúsasvæði.
Skipulagsnefnd Árborgar mælist til þess við bæjarstjórn að deiliskipulagið verði samþykkt til auglýsingar á grundvelli 41. gr. skipulagslaga nr. 123/2010, þar sem allar meginforsendur fyrir gerð deiliskipulagstillögunnar liggi fyrir innan aðalskipulags sveitarfélagsins og að brugðist hafi verið við niðurstöðu Úrskurðarnefndar umhverfis- og auðlindamála um mat á umhverfisáhrifum skipulagsins með fullnægjandi hætti innan tillögunnar.
Samþykkt
8. 2503461 - Tjaldstæði í Hellislandi - Deiliskipulag
Lögð er fram vinnslutillaga nýs tjaldsvæði í landi Hellis. Tillagan tekur til reita AF6 og SL1 innan aðalskipulags. Á reit AF6 er gert ráð fyrir nýju tjaldsvæði fyrir Selfoss. Reitur SL1 er að uppistöðu svæði Hellisskógs. Megin hluti Hellisskógar er þá norðan nýs þjóðvegar og hefur eingöngu verið gróðursett meðfram ánni sunnan nýs þjóðvegar. Gert er ráð fyrir að hluti þess verði nýttur undir tjald- og útivistarsvæðis vegna stærri viðburða í bæjarfélaginu. Þá nær skipulagið inn á hluta AT2 (athafnasvæði), en þar hefur með breytingu á deiliskipulagi verið felld niður athafnalóð. Skipulagssvæðið í heild er um 19ha. Þar af er svæði AF6 um 9,4ha. en skipulagssvæði innan SL1 um 9,6ha.
Skipulagsnefnd gerir ekki athugasemdir við framlagða vinnslutillögu fyrir nýtt tjaldsvæði í landi Hellis. Með fyrirvara um uppfærð gögn er skipulagsfulltrúa falið að kynna tillöguna á grundvelli 40.gr. skipulagslaga nr.123/2010 og leita umsagna til helstu umsagna- og hagsmunaaðila.
Samþykkt
9. 2604235 - Víkurheiði - AT5; Endurskoðun deiliskipulags
Lögð er fram vinnslutillaga heildar endurskoðunar deiliskipulags fyrir athafnasvæði AT5 að Víkurheiði. Í tillögunni felst stækkun svæðisins til vesturs auk þess sem tillagan er samræmd út frá breytingum sem unnar hafa verið á svæðinu undanfarin ár.
Skipulagsnefnd gerir ekki athugasemdir við framlagða vinnslutillögu fyrir athafnasvæði í Víkurheiði. Með fyrirvara um uppfærð gögn er skipulagsfulltrúa falið að kynna tillöguna á grundvelli 40.gr. skipulagslaga nr.123/2010 og leita umsagna til helstu umsagna- og hagsmunaaðila.
Samþykkt
Fundargerðir
10. 2604007F - Afgreiðslufundur byggingarfulltrúa - 171
Lögð fram til kynningar fundargerð afgreiðslufundar byggingarfulltrúa nr.171.

Fleira ekki gert. Fundi slitið kl. 10:15 

Til baka Prenta

Eldri fundargerðir

Einnig er hægt að nálgast eldri fundargerðir.

Sjá eldri fundargerðir
Þetta vefsvæði byggir á Eplica