|
| Almenn afgreiðslumál |
| 1. 2609007 - Lóðarumsókn - Móstekkur 151 |
| Skipulagsnefnd Árborgar samþykkir að úthluta lóðinni Móstekk 151 til HS. Hús ehf. |
| Samþykkt |
|
|
|
| 2. 2609006 - Lóðarumsókn - Móstekkur 153 |
| Skipulagsnefnd Árborgar samþykkir að úthluta lóðinni Móstekk 153 til HS. Hús ehf. |
| Samþykkt |
|
|
|
| 3. 2609005 - Lóðarumsókn - Móstekkur 155 |
| Skipulagsnefnd Árborgar samþykkir að úthluta lóðinni Móstekk 155 til HS. Hús ehf. |
| Samþykkt |
|
|
|
| 4. 2609004 - Lóðarumsókn - Móstekkur 157 |
| Skipulagsnefnd Árborgar samþykkir að úthluta lóðinni Móstekk 157 til HS. Hús ehf. |
| Samþykkt |
|
|
|
| 5. 2609109 - Tjald- og skógræktarsvæði AF6 SL1; óveruleg breyting á aðalskipulagi |
| Skipulagsnefnd Árborgar mælist til þess við bæjarstjórn að samþykkja viðkomandi breytingu á aðalskipulagi sveitarfélagsins. Málið fái málsmeðferð á grundvelli 2. mgr. 36. gr. skipulagslaga nr. 123/2010 er varðar óverulega breytingu á aðalskipulagi. Niðurstaða sveitarfélagsins verði auglýst og málið sent HMS til samþykktar. |
| Samþykkt |
|
|
|
| 6. 2606061 - Hásteinsvegur 30; Deiliskiplagsbreyting |
| Skipulagsnefnd Árborgar samþykkir framlagða deiliskipulagsbreytingu eftir auglýsingu. Að mati nefndarinnar hefur verið brugðist við þeim umsögnum sem bárust vegna málsins með fullnægjandi hætti innan framlagðra gagna þar sem við á. Tengingum við Hásteinsveg er fækkað í takt við umsögn Vegagerðarinnar. Ekki er talin ástæða til að bregðast sérstaklega við ábendingu Heilbrigðiseftirlits þar sem lóðin tengist eftir sem áður fráveitukerfi þorpsins. Nefndin mælist til þess að deiliskipulagsbreytingin taki gildi með birtingu auglýsingar í B-deild Stjórnartíðinda eftir yfirferð HMS á tillögunni. |
| Samþykkt |
|
|
|
| 7. 2503461 - Tjaldsvæði í Hellislandi - Deiliskipulag |
| Skipulagsnefnd Árborgar mælist til þess við bæjarstjórn að deiliskipulagið verði samþykkt til auglýsingar á grundvelli 41. gr. skipulagslaga nr. 123/2010, þar sem allar meginforsendur fyrir gerð deiliskipulagstillögunnar liggi fyrir innan gildandi aðalskipulags sveitarfélagsins og framlagðri óverulegri breytingu á aðalskipulagi sem tekur til tilfærslna á landnotkunarreitum innan skipulagssvæðisins. |
| Samþykkt |
|
|
|
| 8. 2608210 - Fossnes 7 - Umsókn um byggingaráform og byggingarleyfi |
Skipulagsnefnd gerir ekki athugasemdir við framlagða umsókn. Áður hefur verið samþykkt uppsetning á sambærilegri aðstöðu á lóðinni og telur nefndin ekki að framlögð umsókn hafi aukin áhrif innan eða utan lóðar umfram núverandi aðstöðu á lóðinni. Mælist nefndin til þess að málið verði afgreitt á grundvelli 3.mgr. 43. gr. skipulagslaga þar sem segir að við útgáfu framkvæmda- eða byggingarleyfis getur sveitarstjórn heimilað að vikið sé frá kröfum 2. mgr. um breytingu á deiliskipulagi og grenndarkynningu þegar um svo óveruleg frávik er að ræða að hagsmunir nágranna skerðist í engu hvað varðar landnotkun, útsýni, skuggavarp eða innsýn. Mælist nefndin til þess að við breytingar á deiliskipulagi svæðisins verði horft til þess að skilgreina byggingarreit í kringum aðstöðunna innan lóðar umsækjanda.
Byggingafulltrúa falið að ljúka málinu. |
| Samþykkt |
|
|
|
| 9. 2506324 - Flatir og Byggðarhorn land 4 - Deiliskipulagsbreyting |
Að mati skipulagsnefndar er framlögð umsókn ekki í samræmi við stefnumörkun aðalskipulags er varðar L3 landbúnaðarland með rúmum byggingarheimildum þar sem tiltekið er eftirfarandi:
Megin landnýting verður áfram landbúnaður sem atvinnustarfsemi og/eða áhugabúskapur.
- Heimilt er að byggja upp litlar landspildur til fastrar búsetu, landbúnaðarstarfsemi og minniháttar atvinnustarfsemi sem er jafnvel ótengd landbúnaði.
- Lóðir/landspildur eru jafnan 1- 10 ha að stærð, nýtingarhlutfall allt að 0,15. Heildar byggingarmagn á lóðum/landspildum er að hámarki 2.000 m2.
- Óheimilt er að hafa mengandi starfsemi sem veldur öðrum óþægindum, s.s. vegna lyktar, hávaða, óþrifnaðar eða sjónmengunar, né dragi að sér óeðlilega mikla umferð.
- Húsdýrahald og skógrækt er heimil, skv. nánari skilgreiningu í deiliskipulagi.
Skipulagsnefnd hafnar framkominni umsókn á grundvelli stefnumörkunar aðalskipulags. |
| Hafnað |
|
|
|
| 10. 2603015 - Fossnes; Sláturfélag Suðurlands; Deiliskipulag |
| Skipulagsnefnd Árborgar mælist til þess við bæjarstjórn að samþykkja framlagt deiliskipulag eftir auglýsingu. Nefndin telur að brugðist hafi verið við umsögnum sem bárust vegna málsins með fullnægjandi hætti innan framlagðar gagna og samantektar málsaðila á umsögnum sem bárust og viðbrögðum við þeim. Nefndin mælist til þess að deiliskipulagið taki gildi með birtingu auglýsingar í B-deild Stjórnartíðinda að lokinni yfirferð Skipulagsstofnunar í samræmi við 42. gr. skipulagslaga nr. 123/2010. |
| Samþykkt |
|
|
|
| 11. 2601095 - Grænamörk, Austurvegur - Aðalskipulagsbreyting |
Skipulagsnefnd mælist til þess við bæjarstjórn Árborgar að framlögð tillaga að breytingu á aðalskipulagi sveitarfélagsins vegna Grænumarkar verði samþykkt í samræmi við 1. mgr. 36. gr. skipulagslaga nr. 123/2010 á grundvelli uppfærðra gagna og viðbragða vinnsluaðila skipulagsbreytingar sem lögð er fram samhliða samþykkt tillögunnar. Mælist nefndin til þess að tillagan verði auglýst skv. 1. mgr. 31 sömu laga að undangenginni samþykkt Skipulagsstofnunar.
Samþykkt samhljóða.
Áheyrnarfulltrúi Ingunn Guðmundsdóttir áheyrarfulltrúi Viðreisnar leggur fram sérbókun:
Ég legg til að afgreiðslu tillögunnar verði frestað og henni vísað til endurskoðunar aðalskipulags sem þegar hefur verið ákveðið að fara í. Þá verði fjallað um deiliskipulag á reitnum samhliða eins og Húsnæðis- og mannvirkjastofnun leggur til í athugasemdum við tillöguna. Enn fremur er mikilvægt að samhliða umfjöllun um breytingartillöguna sé fjallað um aðliggjandi lóðir og umferðarskipulag þ.e. Heilbrigðisstofnunar, lögreglu, sjúkraflutninga, slökkviliðs og björgunarsveitar. |
| Samþykkt |
|
|
|
| 12. 2606333 - Suðurhólar - Lóð undir fjarskiptamastur |
Vegna þeirra athugasemda sem bárust við fyrirhugaða uppsetningu fjarskiptamasturs að Suðurhólum bendir nefndin á að helstu forsendur vegna uppsetningar slíkra senda er dreifing merkisins sem frá þeim kemur. Þ.e. með nýrri tækni er þörf á uppsetningu fleiri senda til að tryggja fullnægjandi dreifingu merkisins og að viðeigandi fjöldi notenda geti nýtt þann gagnamagnshraða sem í boði er. Tilgangur er því m.a. að fleiri notendur geti notið þess gagnamagnshraða sem 5G sendar bjóða uppá. Það næst ekki með því að raða fleiri sendum á sama stað samkvæmt þeim upplýsingum sem sveitarfélagið hefur frá umsækjanda. Tilgangurinn er fyrst og fremst að skapa gott farsíma og gagnamagnssamband fyrir íbúa sveitarfélagsins með þéttara neti senda. Í framtíðar deiliskipulagsáætlunum þeirra svæða sem vísað er til innan athugasemdar landeigenda aðliggjandi lands má ætla að þörf verði á að skilgreina svæði fyrir slíka innviði ekki síður en lóðir fyrir spennistöðvar og önnur veitumannvirki. Ætla má að ef hærri byggingar verði innan þessara íbúðasvæða verði þau einnig nýtt fyrir senda ef það tryggir jafnari dreifingu fjarskiptamerkja. Með fyrirhugaðri staðsetningu mastursins verða girðingar og/eða aðliggjandi land ekki fyrir skerðingu. Við framtíðar skipulag íbúðarsvæða ÍB43 og ÍB44 þarf að taka mið af þeim kröfum sem gerðar eru til fjarskipa nú og til framtíðar og má ætla að kröfur verði um gott fjarskiptasamband innan þessara íbúðarbyggða verði ekki minni til framtíðar en er í dag.
Mælist nefndin til þess að kallað verði til samráð með landeiganda Dísastaða um hugsanlegar staðsetningar á fjarskiptasendum innan framtíðar íbúðasvæða landeiganda. Komi fram álitlegri staðsetningar fyrir fjarskiptainnviði en umsótt staðsetning verði það tekið til nánari skoðunar að hálfu sveitarfélagsins. Málinu frestað.
|
| Frestað |
|
|
|
| 13. 2606341 - Tjarnarbyggð - Lóð undir fjarskiptamastur |
| Vegna þeirra athugasemda sem bárust við fyrirhugaða uppsetningu fjarskiptamastur í Tjarnarbyggð bendir nefndin á að helstu forsendur vegna uppsetningar slíkra senda er dreifing merkisins sem frá þeim kemur. Þ.e. með nýrri tækni er þörf á uppsetningu fleiri senda til að tryggja fullnægjandi dreifingu merkisins og að viðeigandi fjöldi notenda geti nýtt þann gagnamagnshraða sem í boði er. Tilgangur er því m.a. að fleiri notendur geti notið þess gagnamagnshraða sem 5G sendar bjóða uppá. Tilgangurinn er fyrst og fremst að skapa gott farsíma og gagnamagnssamband fyrir íbúa sveitarfélagsins með þéttara neti senda. Ljóst er að mati nefndarinnar að um óveruleg frávik er að ræða gagnvart hagsmunum nágranna sem skerðast óverulega hvað varðar landnotkun, útsýni, skuggavarp eða innsýn þar sem mastrið er í tæplega 300 metra fjarlægð frá íbúðarhúsi að Suðurgötu 3 og rúmarlega 200 metra fjarlægð frá byggingarreit Suðurgötu 1. Ljóst er að til frekari uppyggingar á fjarskiptamöstur gæti komið til framtíðar á þeim svæðum sem ekki hefur verið byggt á nú þegar. Eins og fyrr segir minnkar það þó ekki þörf núverandi byggðar á fullnægjandi fjarskiptum. Að mati skipulagsnefndar eru framlagðar athugasemdir ekki þess eðlis að ástæða sé til að hafna erindinu. Mælist nefndin til þess að samþykkt verði heimild fyrir uppsetningu fjarskiptamastur á viðkomandi svæði. Skipulags- og byggingarfulltrúa falið að ljúka málinu. |
| Samþykkt |
|
|
|
|
| Fundargerðir |
| 14. 2608016F - Afgreiðslufundur byggingarfulltrúa - 178 |
| Lagt fram til kynningar. |
| Til kynningar |
|
|
|
