Fundargerðir

Bæjarráð - 167

Haldinn í Setri Egils, Ráðhúsi Árborgar, Austurvegi 2, Selfossi,
16.04.2026 og hófst hann kl. 08:10

Fundinn sátu: Sveinn Ægir Birgisson formaður, D-lista,
Álfheiður Eymarsdóttir varaformaður, Á-lista,
Arnar Freyr Ólafsson bæjarfulltrúi, B-lista,
Arna Ír Gunnarsdóttir áheyrnarfulltrúi, S-lista,
Bragi Bjarnason bæjarstjóri.

Fundargerð ritaði: Bragi Bjarnason, bæjarstjóri

Dagskrá:

Almenn erindi

1. 2510393 - Fyrirkomulag - Hverfisráð Árborgar

Fulltrúar bæjarfulltrúa í hverfisráðum Sveitarfélagsins Árborgar.

Bæjarráð fer yfir tillögu að fulltrúum úr bæjarstjórn sem myndu skipa hverfisráðin á Eyrabakka, Stokkseyri og Sandvíkurhreppi. Tveir bæjarfulltrúar sitja í hverju ráði og er lagt til að Sveinn Ægir Birgisson, D-lista og Arnar Freyr Ólafsson, B-lista verði fulltrúar í hverfisráði Eyrarbakka, Álfheiður Eymarsdóttir, Á-lista og Sigurjón Vídalín Guðmundsson, S-lista í hverfisráði Stokkseyrar og Kjartan Björnsson, D-lista og Arna Ír Gunnarsdóttir, S-lista í hverfisráði Sandvíkurhrepps. Bæjarráð samþykkir tillöguna fyrir sitt leyti og leggur til við bæjarstjórn að samþykkja tillöguna.

Arna Ír Gunnarsdóttir, S-lista leggur fram eftirfarandi bókun:
Undirrituð fagnar þeim mikla áhuga sem kom fram á fundum hverfisráðanna þriggja. Það er afar bagalegt að ekki skuli hafa verið starfandi hverfisráð allt kjörtímabilið sem hefur gert það að verkum að tækifæri til þess að eiga mikilvægt samráð við íbúa um málefni nærsamfélagsins hafa glatast.

Arna Ír Gunnarsdóttir, bæjarfulltrúi S-lista

Samþykkt

Fulltrúar í hverfisráðum 2026.pdf

2. 2510393 - Tillaga um breytingu á nafni Hverfisráða Árborgar

Á stofnfundi hverfisráðs á Eyrarbakka, 8. apríl 2026, kom upp hugmynd um að breyta nafni hverfisráðanna í íbúaráð.

Bæjarráð sendir hugmyndina að breytingu á nafninu hverfisráð í íbúaráð til umsagnar hjá Hverfisráði Eyrarbakka, Hverfisráði Stokkseyrar og Hverfisráði Sandvíkurhrepps. Þegar umsagnir berast verður tekin afstaða til hugmyndarinnar á fundi bæjarráðs.

Samþykkt

Unnur Edda Jónsdóttir, fjármálastjóri kemur inn á fundinn kl.8:26

3. 2510456 - Ársreikningur Árborgar 2025

Unnur Edda Jónsdóttir, fjármálastjóri fer yfir stöðu við vinnu á ársreikningi 2025.

Unnur Edda Jónsdóttir, fjármálastjóri kemur inn á fundinn og fer yfir vinnu vegna ársreiknings 2025.

Unnur Edda Jónsdóttir, fjármálastjóri fer af fundinum kl.8:41

4. 2601290 - Áskorun - skólahreystivöllur við Stekkjaskóla

Erindi frá skólaráði Stekkjaskóla, dags. 23. mars, þar sem það ítrekar beiðni sína um að reistur verði skólahreystivöllur við Stekkjaskóla.
Einnig óskar ráðið eftir því að fá að fylgjast með umræðu mannvirkja- og umhverfissviðs Árborgar um verkefnið.

Bæjarráð þakkar skólaráði ítrekun á erindinu. Fram kom að málið væri til skoðunar á mannvirkja- og umhverfissviði líkt og fram kom í bókun bæjarráðs 29. janúar sl. Gert er ráð fyrir að hugmyndin verði tekin til umræðu í fjárhagsáætlunarvinnu næsta árs.

Samþykkt

2026_03_23_Bæjarráð_Bréf frá skólaráði Stekkjaskóla.pdf

5. 2107030 - Samkomulag um Austurbyggð II

Tillaga frá 52. fundi eigna- og veitunefndar frá 24. febrúar sl. liður 3. Samkomulag um Austurbyggð II
Samningur vegna tengingar við hitaveitu í 2.áfanga Austurbyggðar II, ásamt viðauka II við samkomulag um íbúabyggð í Austurbyggð II.
Lagt til við stjórna Selfossveitna að samþykkja samning um tengingar við hitaveitu ásamt því að veita sviðsstjóra heimild til að undirrita skjöl honum tengd.

Lagt til að vísa viðauka II við samkomulag um íbúabyggð í Austurbyggð II til bæjarstjórnar.
Sviðsstjóra falið að undirrita samning um tengingar við hitaveitu.
Nefndin vísar viðauka II við samkomulag um íbúabyggð í Austurbyggð II til bæjarstjórnar.

Afgreiðslu málsins frestað.

Frestað

6. 2604062 - Beiðni um heimild til að halda þríþrautakeppni á Selfoss 2026

Erindi frá Þríþrautasambandi Íslands, dags. 7. apríl, þar sem óskað er eftir heimild til að halda þríþrautakeppni á Selfossi, sunnudaginn 9. ágúst. Um er að ræða sprettþraut sem hefst á 750 metra sundi í Sundhöllinni, því næst er hjólað (sjá kort) og endar keppnin á 5 km hlaupi og tekur keppnin að hámarki 2,5 klukkutíma. Einnig er sótt um leyfi til að nota Sundhöll Selfoss fyrir keppnina (sundhluti keppninnar í lauginni stendur yfir að hámarki til kl. 10:20.

Bæjarráð samþykkir að veita Þríþrautarsambandi Íslands afnot af Sundhöll Selfoss vegna þríþrautarkeppni á Selfossi þann 9. ágúst nk. Um er að ræða aðstöðu í útiklefum fyrir keppendur og aðgang í Sundhöll í keppninni. Þríþrautarsambandinu er bent á að senda þarf beiðni á Mannvirkja- og umhverfissvið Árborgar vegna afnota af landi og götum sveitarfélagsins.

Samþykkt

Tölvupóstur - Umsókn um heimild til að halda þríþrautakeppni á Selfossi sunnudaginn 9. ágúst 2026 kl 900.pdf

7. 1707234 - Hönnun Sigtúnsgarðs

Farið yfir stöðu mála varðandi hönnun Sigtúnsgarðs.

Farið yfir stöðu verkefnisins. Gert er ráð fyrir fundi með íbúum af nærsvæði á næstu vikum til að kynna tillögurnar.

Samþykkt

8. 2604100 - Þjónustusamningur við Ungmennafélag Selfoss 2026-2030

Minnisblað deildarstjóra frístundaþjónustu, dags. 13. apríl, ásamt drögum að þjónustusamningi við Ungmennafélag Selfoss.

Bæjarráð samþykkir samninginn. Jafnframt er bæjarstjóra veitt umboð til að undirrita samninginn fyrir hönd sveitarfélagsins, ekki er þörf á viðauka þar sem gert er ráð fyrir styrknum í fjárhagsáætlun 2026.

Samþykkt

9. 2604035 - Ályktun fulltrúafundar Skógræktarfélags Íslands - frumvarp til laga um breytingu á ýmsum lögum vegna einföldunar og samræmingar leyfisferla - 157. löggjafarþing, mál 265, þskj. 949

Ályktun frá fulltrúafundi Skógræktarfélagi Ísland, dags. 28. mars, um breytingartillögu meirihluta umhverfis- og samgöngunefndar við frumvarp til laga um breytingu á ýmsum lögum vegna einföldunar og samræmingar leyfisferla (157. löggjafarþing, mál 265, þskj. 949).

Lagt fram til kynningar.

Ályktun samþykkt á fulltrúafundi 2026.pdf

10. 2206157 - Fundartími bæjarráðs kjörtímabilið 2022-2026

Lagt er til að næsti fundur bæjarráðs verði miðvikudaginn 22.apríl kl.8:10, þar sem hefðbundinn fundartími lendir á frídegi. Fundargögn verða send út mánudaginn 20.apríl.

Bæjarráð samþykkir tillöguna.

Samþykkt

Fundargerðir til kynningar

11. 2602155 - Fundargerðir stjórnar Bergrisans bs 2026

92. fundur haldinn 23. mars.
Ársreikningur Bergrisans bs 2025.

Lagt fram til kynningar.

92. stjórnarfundur Bergrisans.pdf

12. 2603262 - Fundargerðir stjórnar Brunavarna Árnessýslu 2026

35. fundur haldinn 7. apríl.

Lagt fram til kynningar.

35 stjórn 070426 Undirritað.pdf

Fleira ekki gert. Fundi slitið kl. 09:07