Fundargerðir

Til baka Prenta
Bæjarráð - 75

Haldinn á vesturvæng Ráðhúss,
15.02.2024 og hófst hann kl. 08:10
Fundinn sátu: Bragi Bjarnason formaður, D-lista,
Brynhildur Jónsdóttir varaformaður, D-lista,
Axel Sigurðsson varamaður, Á-lista,
Arna Ír Gunnarsdóttir áheyrnarfulltrúi, S-lista,
Arnar Freyr Ólafsson áheyrnarfulltrúi, B-lista,
Fjóla Steindóra Kristinsdóttir bæjarstjóri.
Fundargerð ritaði: Fjóla St. Kristinsdóttir, bæjarstjóri
Formaður leitar afbrigða að taka á dagskrá samning um samræmda móttöku flóttafólks.


Dagskrá: 
Almenn erindi
1. 2301186 - Fjárhagsleg markmið og eftirlit
Bæjarstjóri fer yfir stöðu mála.
Bæjarstjóri fer yfir stöðuna.
2. 2402004 - Upplýsingar frá mannauðsdeild 2024
Upplýsingar frá mannauðsdeild janúar.
Lagt fram til kynningar.
3. 2309261 - Kartöflugeymsla á Selfossi
Á 56. fundi bæjarráðs vísaði bæjarráð erindi frá Aldísi Sigfúsdóttur, dags. 24. september, er varðaði kartöflugeymsluna á Selfossi til frekari úrvinnslu á Mannvirkja- og umhverfissviði.
Afgreiðslu málsins var frestað á 71. fundi bæjarráðs.


Bæjarráð samþykkti á fundi 18. janúar 2024 að kartöflugeymslan á Selfossi fái nýtt hlutverk undir menningartengda starfsemi. Bæjarráð telur það ekki hlutverk sveitarfélagsins að reka kartöflugeymslu. Í ljósi þess er erindinu hafnað.
4. 2401224 - Upplýsingar - innheimta innviðagjalda
Á 71. fundi bæjarráðs fól bæjarráð stjórnsýslu- og fjármálasviði að taka saman upplýsingar frá Sveitarfélaginu Árborg og leggja fyrir bæjarráð.

Upplýsingar frá stjórnsýslu- og fjármálasviði og mannvirkja- og umhverfissviði um innheimtu innviðagjalda.


Lagt fram til kynningar. Fjármálastjóra falið að koma svörum sveitarfélagsins til innviðaráðuneytisins.
5. 2312267 - Heimsókn í Árborg - eftirfylgni á skuldbindingum við Evrópuráðið
Þakkarbréf frá fulltrúum Evrópuráðsins, dags. 1. febrúar ásamt svörum sem send voru á Evrópuráðið í framhaldi af fundinum.
Lagt fram til kynningar.
Thank you letter - Arborg Mayor.pdf
6. 2402082 - Umferðaöryggi á Selfossi - ábendingar
Minnisblað frá forvarnarteymi Árborgar, dags. 5. febrúar, með ábendingum varðandi gangbrautir, birtu við gatnamót, og umferðaljós.
Bæjarráð tekur undir ábendingar forvarnarteymis Árborgar og bendir á að hugsanlega þurfi að skoða öryggismál á fleiri stöðum í sveitarfélaginu. Mannvirkja- og umhverfissviði falið að skoða mögulegar úrbætur á lýsingu við gatnamót Engjavegar og Tryggvagötu, umferðaljós á Suðurhólum og bílastæðum við Stóra-hól í samræmi við upplýsingar í minnisblaði og leggi fyrir viðeigandi fagnefndir.

Feli úrbætur í sér kostnað sem er umfram samþykkta fjárhagsáætlun sveitarfélagsins þarf að leggja kostnaðaraukann fyrir bæjarráð til samþykktar.
7. 2401339 - Tillaga frá bæjarfulltrúum S-lista - Árblik - lokun dagdvöl aldraðra - sumarleyfi
Tillaga frá bæjarfulltrúum S-lista í bæjarráði 15. febrúar:

Undirritaðir bæjarfulltrúar leggja til að núverandi áform um lokun dagdvalarinnar Árbliks í 5 vikur sumarið 2024 verði dregin til baka.

Greinargerð:

Dagdvölin Árblik gegnir gríðarlega mikilvægu hlutverki í þjónustu við eldri íbúa sveitarfélagsins. 38 einstaklingar nýta þjónusta Árbliks allt frá einum upp í 5 daga vikunnar. Eins og gefur að skilja er þetta afar mikilvægt þjónustuúrræði sem stuðlar m.a. að því að eldri einstaklingar geta búið lengur sjálfstætt á eigin heimilum þar sem í dagdvölinni fá þjónustunotendur aðstoð við að gæta að líkamlegri, andlegri og félagslegri heilsu sinni. Í dagdvölinni er boðið upp á hreyfingu, góða næringu, aðstoð við persónulegt hreinlæti ásamt nærveru. Það er afar slæmt fyrir þjónustunotendur að missa svo mikilvæga rútínu úr sínu lífi í 5 vikur þar sem fyrir marga einstaklinga er þátttakan í dagdvöl eina ástæða þess að fólk kemst út úr húsi. Í tillögu um sumarlokun dagdvalar er talað um að sparnaður sem hljótist af lokuninni sé u.þ.b. 5 milljónir króna þegar tekið hefur verið tillit til þeirra mótvægisaðgerða sem þarf að grípa til vegna lokunarinnar. Þrátt fyrir að Svf. Árborg þurfi að horfa í hverja krónu þá er þetta ekki há fjárhæð auk þess sem mögulegt er að spara þessa fjármuni annars staðar. Bæjarfulltrúar S-lista lýsa sig reiðubúna til þess að leggja sitt af mörkum við að finna leiðir til þess að ráðstafa fjármunum þannig að ekki þurfi að koma til þessarar sársaukafullu þjónustuskerðingar.

Arna Ír Gunnarsdóttir, bæjarfulltrúi, S-lista
Sigurjón Vídalín Guðmundsson, bæjarfulltrúi, S-lista.

Tillagan S listans tekin fyrir og borin undir atkvæði, tillagan samþykkt með tveimur atkvæðum D lista fulltrúi Á lista situr hjá.

Bókun frá bæjarfulltrúum D-lista

Líkt og fram kom á fundi bæjarráðs 1.febrúar sl. eru forsendur sumarlokunar dagvalarinnar Árbliks bæði fjárhagsleg hagræðing og aukin þjónusta.

Áætluð fjárhagsleg hagræðing væri um fimm milljónir í ljósi færri ráðninga í sumarafleysingar þegar tekið hefði verið tillit til mótvægisaðgerða. Mótvægisaðgerðir fela meðal annars í sér aukna einstaklingsbundna þjónustu í samræmi við þarfir hvers og eins þjónustunotanda. Auk þess hefur sumarlokun dagvalarinnar Árbliks þau áhrif að hægt er að veita fleirum þjónustu hina ellefu mánuði ársins, innan samnings við Sjúkratryggingar Íslands og með því fækka á biðlista.

Bæjarfulltrúar D-lista gera sér fulla grein fyrir því að erfitt sé að skerða þjónustu við íbúa en mikilvægt er í þessu tilfelli að horfa til einstaklingsbundinna mótvægisaðgerða og að fleiri notendur fái þjónustu hina ellefu mánuði ársins. Tillaga um sumarlokun dagdvalarinnar Árbliks hafi verið rædd með öðrum hagræðingaraðgerðum sem allir bæjarfulltrúar komu að fyrir fjárhagsáætlun ársins 2024 og meirihluti bæjarstjórnar samþykkti á fundi miðvikudaginn 13.desember 2023.

Bæjarfulltrúar D-lista, Bragi Bjarnason og Brynhildur Jónsdóttir

Bókun bæjarfulltrúa S og B lista.

Undirrituð lýsir yfir miklum vonbrigðum með afstöðu meirihluta D-lista varðandi sumarlokun í Árbliki. Þrátt fyrir að Svf. Árborg þurfi sannarlega að gæta aðhalds í rekstri þá telja undirrituð að afleiðingar af þjónustuskerðingu í dagdvölinni Árbliki í sumar of dýru verði keypta og afleiðingar fyrir okkar afar viðkvæma hóp aldraðra alvarlega. Það er auðvelt að finna fjármagn til að standa straum af þeim u.þ.b. 4 milljónum króna sem þarf til þess að komast hjá sumarlokun.

Bæjarfulltrúar Arna Ír Gunnarsdóttir S-lista og Arnar Freyr Ólafsson B-lista.

Bókun bæjarfulltrúa Á-lista

Fyrir hönd Áfram Árborgar getum við ekki fylgt þessari tillögu til fulls, að okkar mati er mikið að sækja þegar litið er á stóru myndina, með sumarlokuninni verður hægt að veita meiri og betri þjónustu til fleiri aðila hina 11 mánuði ársins. Á þeirri forsendu að með þessari aðgerð muni fleiri njóta góðs styðjum við ekki þessa tillögu til fulls.

Bæjarfulltrúi Á-lista Axel Sigurðsson.

Tillaga vegna Árbliks.pdf
Mál tekið inn á afbrigðum. Samþykkt samhljóða.
8. 2312193 - Samningur um samræmda móttöku flóttafólks 2024
Á 30. fundi bæjarstjórnar samþykkti bæjarstjórn Árborgar að fela sviðstjóra fjölskyldusviðs að vinna áfram að útfærslu samningsins og leggja hann fyrir bæjarráð til afgreiðslu þegar endanleg útgáfa lægi fyrir.

Drög að þjónustusamningi um samræmda móttöku flóttamanna í Árborg lögð fyrir bæjarráð.

Bæjarráð samþykkir samninginn og felur sviðstjóra fjölskyldusviðs að klára hann í samræmi við umræður á fundinum. Bæjarráð samþykkir samninginn til sex mánaða eða til loka júní 2024. Sviðsstjóra er heimilt að framlengja samninginn um sex mánuði til viðbótar eða til 31. desember svo framarlega að starfræktur verði starfshópur um endurskoðun samnings um samræmda móttöku flóttafólks.
Fundargerðir
9. 2401027F - Öldungaráð - 6
6. fundur haldinn 2. febrúar.
10. 2402011F - Ungmennaráð - 16/2023
16. fundur haldinn 5. desember.
11. 2402012F - Ungmennaráð - 17/2023
17. fundur haldinn 9. janúar.
12. 2402013F - Ungmennaráð - 18/2023
18. fundur haldinn 23. janúar.
13. 2402014F - Ungmennaráð - 19/2023
19. fundur haldinn 6. febrúar.
Fundargerðir til kynningar
14. 2401201 - Fundargerðir stjórnar SASS 2024
606. fundur haldinn 2. febrúar 2024.
Lagt fram til kynningar.
606. fundur stjórnar SASS.pdf
15. 2401222 - Fundargerðir stjórnar Sambands íslenskra sveitarfélaga 2024
942. fundur haldinn 26. janúar.
Lagt fram til kynningar.
stjórn Sambands íslenskra sveitarfélaga - 942.pdf

Fleira ekki gert. Fundi slitið kl. 09:45 

Til baka Prenta

Eldri fundargerðir

Einnig er hægt að nálgast eldri fundargerðir.

Sjá eldri fundargerðir
Þetta vefsvæði byggir á Eplica