Athugið

Bæjarstjórnarfundur í beinni útsendingu

Fundargerðir

Til baka Prenta
Skipulagsnefnd - 3

Haldinn að Austurvegi 67, Selfossi,
26.08.2026 og hófst hann kl. 08:15
Fundinn sátu: Linda Björk Hilmarsdóttir formaður, D-lista,
Ari B. Thorarensen varaformaður, D-lista,
Esther Ýr Óskarsdóttir nefndarmaður, D-lista,
Guðrún Rakel Svandísardóttir nefndarmaður, B-lista,
Árni Magnússon nefndarmaður, S-lista,
Guðný Björk Pálmadóttir áheyrnarfulltrúi, C-lista,
Ásdís Styrmisdóttir fulltrúi á skipulags- og byggingarsviði, Sölvi Leví Gunnarsson byggingafulltrúi, Vigfús Þór Hróbjartsson skipulagsfulltrúi.
Fundargerð ritaði: Linda Björk Hilmarsdóttir, formaður skipulagsnefndar


Dagskrá: 
Almenn afgreiðslumál
1. 2301178 - Deiliskipulag hesthúsasvæðis - Hestamannafélagið Sleipnir
Lögð fram tillaga að deiliskipulagi hesthúsasvæðis á Selfossi að lokinni auglýsingu. Tillagan var auglýst frá 13. maí 2026, með athugasemdafresti til 26. júní 2026.
Umsagnir bárust frá Náttúruverndarstofnun, Vegagerðinni, Landsneti, Heilbrigðiseftirliti Suðurlands og Minjastofnun.
Þá barst nokkur fjöldi athugasemda og ábendinga frá einstaklingum, auk forsvarsmanna Fagralands ehf, sem er landeigandi í nálægri, verðandi íbúðarbyggð.
„Fyrri tillaga deiliskipulags fyrir hesthúsasvæði ÍÞ2 á Selfossi var felld úr gildi með úrskurði ÚUA þess efnis þann 21. apríl 2026. Að mati Úrskurðarnefndar var ekki fjallað með fullnægjandi hætti um umhverfisáhrif deiliskipulagsins til þátta eins og lyktar, rykmyndunar, hljóðvistar, umferðarálags og áhrifa á sjónræna þætti. Meginmarkmið deiliskipulagsins er að setja fram heildstæða stefnu fyrir allt hesthúsahverfið, bæði núverandi svæði og stækkun þess til suðurs. Deiliskipulagið byggir í megindráttum á núverandi fyrirkomulagi með áherslu á bættar reiðleiðir og þjálfunarsvæði. Á svæði til suðurs verður gert ráð fyrir nýjum lóðum og þannig fjölgar notendum innan hesthúsasvæðisins. Kröfur um bættan aðbúnað hesta og manna hafa aukist á undanförnum árum og munu skilmálar um byggingu nýrra húsa og breytingar á eldri húsum taka mið af því. Deiliskipulagið nær til alls hesthúsahverfisins, sem er núverandi keppnis- og, hesthúsasvæði og stækkaðs hesthúsasvæðis, samtals um 27 ha. Deiliskipulagsmörkin ná einnig yfir hluta af opnu svæði milli Langholts og hesthúsahverfis vegna fyrirhugaðs reiðstígs þar. Stækkun núverandi svæðis er um 7 ha að stærð. Á nýja svæðinu næst Dísastaðarlandi er gert ráð fyrir 19 nýjum hesthúsum meðfram Bæjartröð. Lóðir eru af þremur stærðum, og er gert ráð fyrir að innan þeirra verði heimilt að byggja stakstæð hús eða parhús. Hestagerði eru staðsett sunnan við hús beggja megin götu til að tryggja sól og skjól frá ríkjandi vindáttum. Auk 19 hefðbundinna hesthúsa er gert ráð fyrir tveimur stærri lóðum fyrir hesthús með litlum reiðskemmum. Skilmálar eru settir fyrir byggingu nýrra hesthúsa og eins eru settir fram skilmálar um mögulega endurbyggingu eldri húsa. Byggingarmagn á keppnissvæði er aukið umtalsvert, bæði fyrir fipo-keppnishöll en einnig fyrir minni hús til þjálfunar og fyrir áhorfendastúkur. Deiliskipulagið er í samræmi við Aðalskipulag Árborgar 2020-2036, þar sem svæðið er skilgreint með landnotkunina ÍÞ2 hesthúsasvæði.“
Að mati skipulagsnefndar hefur verið brugðist við þeim annmörkun sem Úrskurðarnefnd Umhverfis- og auðlindamála var með til umfjöllunar í úrskurði sínum sem felldi fyrri gildistöku skipulagsins úr gildi. Bætt hefur verið við kafla innan greinargerðar skipulagsáætlunar sem tekur til mats á umhverfisáhrifum tillögunnar er varðar lyktarmengun, rykmyndun, hljóðvist, umferðarálag og sjónræn áhrif auk þess sem lögð er fram valkostagreining. Innan valkostagreiningar er tekið til valkostar A sem er núllkostur eða óbreytt ástand. Valkostur B tekur til uppbyggingar samkvæmt deiliskipulagi. Við samanburð valkosta liggur fyrir að áhrif hesthúsastarfsemi á svæðinu eru þegar til staðar í núverandi ástandi. Valkostur B felur í sér aukna nýtingu svæðisins, en breytir ekki grundvallareðli starfseminnar né landnotkun svæðisins. Með tilkomu deiliskipulagsins eru hins vegar settir skýrari og strangari skilmálar en áður um frágang, umgengni og umhverfisþætti, sem stuðla að því að draga úr grenndaráhrifum og gera þau fyrirsjáanlegri og viðráðanlegri. Að mati nefndarinnar hefur því verið brugðist við þeim athugasemdum og umsögnum sem bárust við tillöguna með fullnægjandi hætti innan hennar. Skipulagsnefnd Árborgar mælist því til þess við bæjarstjórn að samþykkja framlagt deiliskipulag eftir auglýsingu. Nefndin mælist til þess að deiliskipulagið taki gildi með birtingu auglýsingar í B-deild Stjórnartíðinda að lokinni yfirferð Skipulagsstofnunar í samræmi við 42. gr. skipulagslaga nr. 123/2010.
Að mati skipulagsnefndar þarf að horfa til lengri framtíðar með áframhaldandi uppbyggingu hesthúsasvæðis sveitarfélagsins og telur ástæðu til að meta innan aðalskipulags möguleika á nýrri staðsetningu svæðisins til framtíðar til að tryggja hestamönnum framtíðar svæði með bættum reiðleiðum um sveitarfélagið.
Samþykkt
2. 2604235 - Víkurheiði - AT5; Endurskoðun deiliskipulags
Lögð er fram tillaga að nýju og endurskoðuðu deiliskipulagi fyrir athafnasvæði AT5, í Víkurheiði.
Endurskoðaðir verða núverandi skilmálar á núgildandi deiliskipulagi sem tekur til tæplega 46ha svæðis, sem liggur að svæðum ÍB 23 og ÍB 27 auk flugvallarsvæðis. Þá verður bætt við núverandi deiliskipulagssvæði nýju svæði, tæplega 24 ha að stærð, þar sem bætt verður við blönduðum stærðum af athafnalóðum. Við gerð nýs endurskoðaðs skipulags verður sérstaklega horft til að uppfæra skilmála er varða t.d. lausamuni á lóðum, frágang lóða, girðingar, afskermingar, og frágangs gróðurs. Við gildistöku nýs deiliskipulags sem mun taka til allt að tæplega 70 ha svæðis, mun eldra deiliskipulag með síðari breytingum, falla úr gildi.
Skipulagsnefnd Árborgar mælist til þess við bæjarstjórn að deiliskipulagið verði samþykkt til auglýsingar á grundvelli 41. gr. skipulagslaga nr. 123/2010, þar sem allar meginforsendur fyrir gerð deiliskipulagstillögunnar liggi fyrir innan aðalskipulags sveitarfélagsins.
Samþykkt
3. 2608100 - Lóðarumsókn - Furugrund 24B
Hjálmar Jónsson kt 281184-3779 og Sandra Dögg Garðarsdóttir kt. 120789-2959, sækja um einbýlishúsalóðina Furugrund 24b, á Selfossi. Fyrir liggur yfirlýsing um skilvísi vegna bankaviðskipta, auk búforræðisvottorðs.
Skipulagsnefnd Árborgar samþykkir að úthluta lóðinni Furugrund 24b til Hjálmars Jónssonar og Söndru Daggar Garðarsdóttir.
Samþykkt
4. 2607118 - Stöðuleyfi - Árvegur 6
Vísað til skipulagsnefndar frá afgreiðslufundi byggingarfulltrúa 19.8.2026.
„Eremia Sohan óskar eftir stöðuleyfi fyrir matsöluvagni að Árveg 6 sem er hugsaður til þess að baka vörur í til sölu í öðrum verslunum. Fyrir liggur samþykki húseiganda fyrir rekstrinum.“
Samkvæmt stefnumörkun aðal- og deiliskipulags er gert ráð fyrir að minniháttar atvinnustarfsemi sem samrýmist búsetu geti verið á íbúðarlóðum. Skal þess gætt að atvinnustarfsemi í íbúðarbyggð valdi sem minnstum óþægindum vegna bílaumferðar, hávaða, ljósnotkunar eða annars ónæðis. Jafnframt er tilgreint að fjöldi bílastæða skuli vera í samræmi við eðli þeirrar starfsemi sem um ræðir. Þótt svo að starfsemin sem tilgreint er um í umsókninni geti talist í samræmi við skipulag svæðisins telur nefndin að útgáfa stöðuleyfis til annars aðila en lóðarhafa ekki samræmast þeirri stefnumörkun skipulags að samrýmast búsetu á svæðinu. Auk þess telur nefndin að slík starfsemi eigi betur heima innan athafnasvæðis en íbúðarsvæði. Erindi synjað.
Hafnað
5. 2608064 - Opið svæði OP1; Óveruleg breyting á aðalskipulagi; Skátasvæði aukið byggingarmagn 2026
Lögð er fram breyting á Aðalskipulagi Sveitarfélagsins Árborgar 2020-2036 er varðar skilmála fyrir opin svæði OP1. Í breytingunni felst að skilgreint er aukið byggingarmagn á svæði sem ætlað er sem aðstaða fyrir skátafélagið Fossbúa. Samhliða er unnið að gerð deiliskipulags sem tekur til viðkomandi svæðis. Gerð var breyting 2025 sem tók einnig til aukins byggingarmagns innan svæðisins. Við nánari hönnun aðstöðunnar kom í ljóst að þörf var á enn auknu byggingarmagni til að tryggja aðstöðu skátafélagsins til framtíðar. Gert er ráð fyrir að byggingarmagn á svæðinu muni aukast í allt að 280 m2. Samhliða breytingu á aðalskipulagi mun verða gerð samsvarandi breyting á gildandi deiliskipulagi.
Skipulagsnefnd Árborgar mælist til þess við bæjarstjórn að samþykkja viðkomandi breytingu á aðalskipulagi sveitarfélagsins. Málið fái málsmeðferð á grundvelli 2. mgr. 36. gr. skipulagslaga nr. 123/2010 er varðar óverulega breytingu á aðalskipulagi. Niðurstaða sveitarfélagsins verði auglýst og málið sent Skipulagsstofnun til samþykktar.
Samþykkt
6. 2608065 - Skátafélagið Fossbúar; óveruleg breyting á deiliskipulagi OP1
Gerð er breyting samsvarandi við aðalskipulagsbreytingu í máli nr. 2608064, sem felur í sér að heimild til aukins byggingarmagns, úr 200m2 í 280 m2. Samhliða er gert ráð fyrir færslu á byggingarreit innan svæðisins með það að markmiði að bæta aðgengi að húsinu og aðstöðu til tenginga við stofnlagnir.

Skipulagsnefnd Árborgar samþykkir framlagða breytingu á deiliskipulagi svæðisins. Mælist nefndin til þess að málið fái málsmeðferð á grundvelli 2. mgr. 43. gr. skipulagslaga nr. 123/2010 er varðar óverulega breytingu á deiliskipulagi og verði grenndarkynnt innan svæðisins.
Samþykkt
7. 2608071 - Austurvegur 69; Óveruleg breyting á deiliskipulagi
Lögð er fram breyting á gildandi deiliskipulagi fyrir austurveg 69 sem er skilgreint í gildandi Aðalskipulagi Árborgar 2020-2036, sem verslunar- og þjónustusvæði (VÞ6).
Breytingarnar eru eftirfarandi:
1. Allar lóðir við Austurveg 69 fá nýtt staðfangaheiti. Breytingarnar má sjá í töflu 1.2 Eftir breytingu.
2. Lóðunum fjölgar um eina. Lóð 69b er skipt upp í tvær lóðir sem fá heitin Austurstræti 2 og Austurstræti 4. Byggingarreitir eru aðlagaðir að nýjum lóðarmörkum. Hámarkshæð húsa á lóðunum tveimur er sú sama og áður sem og nýtingarhlutfall. Hámarks byggingarmagn fyrir deiliskipulagsreitinn helst því óbreytt.
3. Ný vegtenging er sýnd við norðurhlið lóða Austurstrætis 7 (áður 69f) og Austurstrætis 8 (áður 69g). Sú tenging er fyrirhuguð að nýjum aðkomuvegi sem liggja mun að starfsemi MS. Bílastæðum á lóð
Austurstrætis 7 fækkar um 7 bílastæði.
Skipulagsnefnd Árborgar samþykkir framlagða breytingu á deiliskipulagi svæðisins. Mælist nefndin til þess að málið fái málsmeðferð á grundvelli 2. mgr. 43. gr. skipulagslaga nr. 123/2010 er varðar óverulega breytingu á deiliskipulagi.
Samþykkt
8. 2608030 - Árbakkaland; breyting á deiliskipulagi
Lagðar eru fram breytingar á gildandi (11.6.2025) deiliskipulagi Íbúðabyggðar í Árbakka.
Breytingar eru eftirfarandi:
1. Gatnamótum Ásavaðs og laugardælavegar er breytt. Við það breytast lóðir næst gatnamótunum. Lóðin Ásavað 13 minnkar lítillega. Lóðunum Ásavað 28 og 30 er breytt í eina lóð Ásavað 28-32.
2. Á lóðunum Ásavað 20-32 er byggingarreitum breytt þannig að þeir stallast og húsalínan verður því brotin. Í stað þess að byggingar myndi bogalínu næst Laugardælavegi er byggingarreiturinn brotinn tvisvar í 90°.
3. Íbúðum í húsagerð F2 er fjölgað við þessa breytingu um 25 íbúðir. Byggingarreitum bílakjallara eer breytt lítillega
4. Í kafla 4.7 er lóðum fækkað í 5, en húsum fjölgað í 7. Verða nú Ásavað 20-32. Íbúðum er fjölgað í 140 á lóðunum. Hús eru núna stölluð og byggingarreitur bílakjallara er stækkaður lítillega.
5. Skýringarmyndir eru uppfærðar
Afgreiðslu málsins frestað.
Frestað
9. 2608051 - Efnistökusvæði E2; Óverulega breyting á aðalskipulagi
Lögð er fram tillaga óverulegrar breytingar á aðalskipulagi Árborgar er varðar skilgreiningu efnistökusvæði E2. Í breytingunni felst að bætt er við punkti sem tekur til efnistöku úr Eyrarbakkafjöru. Engin breyting er gerð á skilgreindri heimild til efnistöku. Samhliða er unnið að tilkynningarskýrslu vegna hugsanlegs mats á umhverfisáhrifum í samræmi við 1.viðauka laga um mat á umhverfisáhrifum framkvæmda og áætlana nr. 111/2021.
Skipulagsnefnd Árborgar mælist til þess við bæjarstjórn að samþykkja viðkomandi breytingu á aðalskipulagi sveitarfélagsins. Málið fái málsmeðferð á grundvelli 2. mgr. 36. gr. skipulagslaga nr. 123/2010 er varðar óverulega breytingu á aðalskipulagi. Niðurstaða sveitarfélagsins verði auglýst og málið sent Skipulagsstofnun til samþykktar.
Samþykkt
10. 2606112 - Endurskoðun Aðalskipulags Árborgar - (2026-2038) 2028-2040
Samkvæmt skipulagslögum nr. 123/2010, gr.35(endurskoðun aðalskipulags), skal sveitarstjórn/bæjarstjórn að loknum sveitarstjórnarkosningum meta hvort ástæða sé til að endurskoða gildandi aðalskipulag.
Lagt er fram minnisblað/samantekt skipulagssviðs með helstu áherslum er varða hugsanlega heildarendurskoðun á gildandi Aðalskipulagi Árborgar 2020-2036.

Skipulagsnefnd Árborgar mælist til þess við bæjarstjórn að samþykkt verði að hefja vinnu við endurskoðun aðalskipulags sveitarfélagsins. Ein forsenda endurskoðunar aðalskipulags er m.a. sú mikla uppbygging sem átt hefur sér stað í sveitarfélaginu undanfarin ár og hvert skuli stefna í áframhaldandi uppbyggingu sveitarfélagsins. Tilgangur endurskoðunar aðalskipulags er að gefa sem gleggsta mynd af stöðu sveitarfélagsins og stefnu bæjarstjórnar í skipulagsmálum með víðtæku samráði við íbúa um skipulag sveitarfélagsins til næstu ára. Jafnframt telur nefndin mikilvægt að við endurskoðun aðalskipulags verði horft til lengri framtíðar en gildistíma aðalskipulagsins er viðkemur áætlana- og forsendurgerð m.t.t. uppbyggingar á íbúðarsvæðum og þjónustu auk skilgreiningar á helstu umferðarleiðum innan sveitarfélagsins í heild.
Samþykkt
11. 2608130 - Kirkjuvegur 8A og 8B; beiðni um heimild til vinnslu deiliskipulags
Lögð er fram beiðni frá Baldri Eiðssyni fh. Stjörnumóta ehf um heimild til vinnslu deiliskipulags á lóð Kirkjuvegi 8A og 8B.
Að mati skipulagsnefndar er ekki æskilegt að halda áfram á þeirri vegferð að vinna deiliskipulagsáætlanir sem taka til stakra lóða á því svæði sem um ræðir. Mælist nefndin til þess að hafin verði vinna við heildrænt deiliskipulag sem tekur til svæði M5 og afmarkast af Kirkjuvegi , Engjavegi og Eyravegi auk þess sem Heiðarvegur þverar svæðið. Innan svæðisins eru svæði sem henta til frekari uppbyggingar s.s. lóð Kirkjuvegar 8A og 8B auk þess sem tækifæri eru til nánari hönnunar og skipulags á opnu svæði sem er í miðju hverfisins. Samhliða verði skilgreindir byggingarreitir og byggingarheimildir á þegar byggðum lóðum innan hverfisins. Umsókn um heimild til deiliskipulagsgerðar á lóð Kirkjuvegur 8A og 8B er hafnað.

Hafnað
12. 2608151 - Lóðarumsókn - Hjalladæl 15-19
Lögð er fram umsókn frá Smiðsnes ehf er varðar úthlutun á raðhúsalóðinni Hjalladæl 15, L239082 á Eyrarbakka. Fyrir liggur yfirlýsing frá banka og búsforræðisvottorð.
Skipulagsnefnd Árborgar samþykkir að úthluta lóðinni Hjalladæl 15 til Smiðsnes ehf.
Samþykkt
13. 2608093 - Víkurheið 13; Beiðni um úthlutun - afnot; Geymslusvæði
Lögð er fram umsókn frá Baldri Már Róbertssyni um afnotaleyfi fyrir lóðinni Víkurheiði 13 á Selfossi. Áætluð notkun lóðarinnar væri afgirt geymslusvæði fyrir stærri tæki s.s. vörubíla, dráttarvagna , vinnuvélar og gáma fyrir
íbúa,smærri fyritæki og verktaka.
Skipulagsnefnd Árborgar tekur vel í framlagðar áætlanir og leggur til við bæjarráð að samþykkt verði að gera afnotasamning við umsækjanda um notkun lóðarinnar.
Samþykkt
Fundargerðir
14. 2606026F - Afgreiðslufundur byggingarfulltrúa - 176
Lögð er fram tilkynningar fundargerð afgreiðslufundar byggingarfulltrúa nr. 176.
Lagt fram til kynningar.
Til kynningar
15. 2607009F - Afgreiðslufundur byggingarfulltrúa - 177
Lögð er fram tilkynningar fundargerð afgreiðslufundar byggingarfulltrúa nr. 176.
Lagt fram til kynningar.
Til kynningar

Fleira ekki gert. Fundi slitið kl. 10:15 

Til baka Prenta

Eldri fundargerðir

Einnig er hægt að nálgast eldri fundargerðir.

Sjá eldri fundargerðir
Þetta vefsvæði byggir á Eplica