Æskuminningar við Ölfusá - söguganga með Björgvini Þ. Valdimarssyni | Frumsýning á stuttmynd um Ölfusá
Björgvin Þ. Valdimarsson tónskáld og kórstjóri býður til sögugöngu sunnudaginn 24. október kl. 14:00 í tilefni frumsýningar á myndbandi eftir Roar Aagestad sem nefnist “Æskuminningar við Ölfusá” og er unnið út frá samnefndu hljómsveitarverki Björgvins.
Safnast verður saman við æskuheimili Björgvins, Eyrarveg 12, kl. 14:00. Þar mun hann fjalla um sögu hússins, íbúa þess og nágrenni og þaðan verður gengið að Smáratúni 1, en þar stóð hús Jóns Konráðssonar og mun Björgvin einnig segja frá kynnum sínum af honum.
Síðan verður gengið að Tryggvaskála þar sem myndbandið eftir Roar Aagestad verður frumsýnt. “Æskuminningar við Ölfusá” var upphafsverk á afmælistónleikum Björgvins sem haldnir voru í Íþróttahúsinu Iðu í maí sl.
Sögusvið myndbandsins, sem er 9 mínútna langt er æskuheimili Björgvins, Ölfusá og umhverfi hennar. Í lokin verður boðið upp á kaffi og léttar veitingar.
