Fischersetur opið í tilefni af Menningarmánuðinum október
Sérstök opnun verður og ókeypis inn í Fischersetri fyrir íbúa laugardaginn 17. október sem hluti af Listaflakki í Árborg og Menningarmánuði. Opið verður milli klukkan 13:00 og 16:00.
Fischersetur er safn um skákmeistarann Robert Fischer, þar sem saga hans er sögð ásamt myndum og ber þar hæst heimsmeistaraeinvígið í skák 1972, sem haldið var í Reykjavík.
Í Fischersetri er Skákfélag Selfoss og nágrennis með aðstöðu þar sem skákáhugafólk getur teflt, lært og aflað sér ýmiss fróðleiks um skáklistina.
Verið öll hjartanlega velkomin í heimsókn 17.október í Fischersetrið!
