Ljóðakistan
Fuglinn Ljóð og hagamúsin Lag opna ljóðakistuna sína á Bókasafni Árnesinga á Selfossi föstudaginn 24. apríl kl. 14.15 - 15:30
Lifandi söngstund fyrir börn á aldrinum 1 – 5 ára og forráðafólk þeirra.
Við fylgjumst með fuglinum Ljóði og hagamúsinni Lagi í ævintýraferð í leit að sínum uppáhalds vísum og syngjum valdar vísur úr Ljóðakistunni. Í gegnum söng, hreyfingu og samveru eru börnin leidd inn í heim ljóða, myndlist og ímyndunarafls.
Ljóðakistan er safn tuttugu fallegra, handteiknaðra spjalda með klassískum íslenskum vísum. Á framhliðinni hitta börnin Ljóð og Lag sem leiða þau í gegnum efnið á leikandi og hlýlegan hátt og á bakhliðinni er texti vísunnar. Þannig hvetur Ljóðakistan til söngs, lesturs og dýrmætrar samveru milli kynslóða.
Ljóð og Lag er íslenskt menningarverkefni sem sameinar list, sögur, leik, ljóð og tónlist. Í heimi þar sem gervigreind og hraði ráða ríkjum viljum við bjóða börnum og fjölskyldum rými fyrir samveru, tengsl og sköpun.. Í heimi þar sem hraði og gervigreind ráða ríkjum skapar verkefnið rými fyrir ró, sköpun og tengsl og stendur vörð um það sem við megum ekki missa: Tunguna, menninguna og mannleg tengsl.
Ljóðakistan er safn 20 fallegra, handteiknaðra spjalda með íslenskum vísum.
Ljóð og Lag
Til að gera hugmyndina lifandi fyrir börn fæddust tvær persónur: fuglinn Ljóð og hagamúsin Lag.
-
Ljóð safnar orðum í vængina sína og flýgur með þau út í heiminn.
-
Lag hlustar á tónlistina og taktinn í náttúrunni, í lækjum, vindinum og hjartslættinum.
Saman urðu þau táknmynd fyrir það sem við viljum skapa: rými fyrir ró, sköpun og dýrmætar samverustundir á milli kynslóða. Við viljum að öll börn geti séð sig í persónunum; þess vegna eru þau dýr, ekki manneskjur, og bera kynlaus nöfn.
Júlía, Sædís Harpa og Halldóra.
