Opnunarhátíð Barnamenningardaga í Árborg
Barnamenningardagar verða formlega settir í miðbænum síðasta vetrardag, 22. apríl kl. 17:00
Þar verður opnuð ljósmyndasýningin Árborg með augum barna, Blásarasveit Tónlistarskóla Árnesinga á Selfossi leikur undir stjórn Sæbjargar Evu Hlynsdóttur og nemendur Dansakademíunnar sýna tvö atriði úr nemendasýningu skólans sem sýnd verður í Borgarleikhúsinu 2.maí. Danskennarar og danshöfundar eru Maria Araceli og Ástrós Guðjónsdóttir og söngkennari er Kristrún Steingrímsdóttir kennari Tónsmiðju Suðurlands
Vallaskóli sýnir siguratriði Skjálftans 2025 og Rannveig Helga Kjartansdóttir og Örn Hreinsson flytja siguratriði SamZel, söngkeppni Zelsíuz.
Verðlaun verða veitt fyrir ljósmyndakeppni, ljóðakeppni og stuttmyndakeppni.
