Skoffín og skrímsli | Bókasafn Árborgar, Selfossi
Laugardaginn 30. september verða nykur, marbendill, fjörulalli, skoffín og fleiri furðuverur í aðalhlutverki á Bóksafninu.
Klukkan 11:00 mætir Leikfélag Selfoss og fræðir okkur um valin skrímsli í íslenskum þjóðsögum. Einnig verða splunkuný skrímsli kynnt, skrímsli sem hafa skriðið út úr skúmaskotum Bókasafnsins síðustu mánuðina.
Hvað eiga skrímslin að heita?
Þessar nýju furðuverur heita ekkert enn þá og efnum við því til nafnasamkeppni sem stendur allan októbermánuð. Við hvetjum öll til að taka þátt og finna nöfn sem hæfa þessum furðuverum.
Vinsælustu tillögurnar verða afhjúpaðar laugardaginn 4. nóvember.
