Ungmennakvöld 18-30 ára hjá MFÁ
Ungmennakvöld MFÁ eru á mánudögum þar sem listakonan Natasja Buus leiðir kvöldin.
Ungmennakvöldin eru ætluð félagsmönnum á aldrinum 18–30 ára, en nú fyrstu vikurnar eru þau einnig opin öðrum sem hafa áhuga á að kynnast starfi félagsins. Þetta er frábært tækifæri til að bjóða nýja félaga velkomna í félagið okkar.
Ungmennakvöldin fara fram á mánudögum frá kl. 19:00–21:00 á vinnustofu félagsins. Þar gefst þátttakendum tækifæri til þess að koma saman, skapa og njóta samverunnar í notalegu og hvetjandi umhverfi. Hægt er að mála, teikna, vatnslita, móta eða vinna að hvaða skapandi verkefni sem er og allir mæta með sitt eigið efni. Léttar veitingar og heitir drykkir verða í boði.
Við hvetjum ykkur til að mæta (ef þið eruð á aldri um 18-30 ára) og líka að láta vita af þessu frábæra framtaki og bjóða áhugasömum ungmennum að koma og kynnast félaginu. Markmiðið er að efla tengsl, styðja við unga listamenn og skapa lifandi og opið samfélag innan MFÁ.
