Athugið

Kórónaveiran COVID-19 upplýsingasíða Sjá nánar


Fréttasafn

Áfram Árborg – ákall um samráð

Mikill samdráttur og efnahagsvandi vegna Covid-19 aðgerða er öllum ljós. Áríðandi er að grípa til viðbragða og nýta öll tækifæri sem gefast gegn samdrættinum í efnahagslífi þjóðarinnar. Í þeirri stöðu sem nú blasir við eru möguleikar til viðspyrnu hugsanlega meiri í Árborg en víða annarsstaðar.

Sveitarfélagið Árborg vill koma að því, með aðilum atvinnulífs og menningar, að samræma og skipuleggja aðgerðir þannig að allir getið tekið höndum saman. Þegar öflugt samráð kemst af stað geta óvæntar hugmyndir kviknað.

Byggingarframkvæmdir hafa verið miklar í Árborg, bæði á íbúðamarkaði og í öðrum stórverkefnum, og er mikilvægt að greiða götu þess að svo verði áfram. Aðilar í byggingariðnaði og aðrir sem standa í stórræðum geta sannarlega lagt sitt af mörkum til hagkerfisins á næstunni.

Ásókn innlendra ferðamanna í þjónustu hérlendis mun væntanlega vaxa verulega í sumar, í framhaldi þess að ferðir til annarra landa verða illmögulegar á næstu mánuðum – og jafnvel verða takmarkaðar fram eftir næsta ári.

Þessi nýi veruleiki býður upp á tækifæri til nýsköpunar og aukinna umsvifa. Í þeim efnum er Árborg nærtækur áfangastaður fyrir íbúa höfuðborgarsvæðis og á Suðurlandi öllu eru vinsælir viðkomustaðir landsmanna.

Aðilar í veitinga- og ferðaþjónustu, menningarmálum, frístundamálum og íþróttafélög geta gegnt veigamiklu hlutverki og blásið nýju lífi í viðburði og menningarlíf í Árborg. Þannig má auka efnahagsleg umsvif í sveitarfélaginu.

Skoða þarf leiðir til þess að Árborg verði eftirsóknarverður áfangastaður í allt sumar og haust, t.d. með því að leggja drög að reglubundnum viðburðum og uppákomum, innan þess ramma sem settur verður af heilbrigðisyfirvöldum.

Sveitarfélagið kallar því eftir samráði hugmyndaríkra og framtakssamra aðila í sveitarfélaginu. Öllum hugmyndum um samráðsvettvang, þátttakendur og fyrirkomulag samráðs verður tekið opnum örmum, enda er róið á óþekkt mið.

Eftir aðstæðum hverju sinni og í ljósi þeirra hugmynda sem koma fram getur samráð farið fram með stafrænum hætti og svo með hefðbundnari fundum þegar það verður mögulegt.

Áhugasömum er bent á að hafa samband við bæjarstjóra. Í netfangið gislihh@arborg.is má leggja inn hugmyndir að næstu skrefum samráðs eða bara símanúmer ef óskað er eftir spjalli. Einnig er enn opið fyrir hugmyndapósthólfið hugmynd@arborg.is, þar sem allir geta komið á framfæri hugmyndum.


Nýjustu fréttirnar

Fyrirsagnalisti

23. júlí 2020 : Tilnefningar til umhverfisverðlauna

Umhverfisnefnd Sveitarfélagsins Árborgar óskar eftir tilnefningum frá íbúum um snyrtilega garða, fallegustu götu í Árborg og vel um gengin fyrirtæki og atvinnurekstur. 

Sjá nánar

17. júlí 2020 : Nýr samningur um úrgangsþjónustu

Nýr samningur um úrgangsþjónustu í Árborg var undirritaður 16.07. síðastliðinn, lægstbjóðendur voru Íslenska Gámafélagið og mun því samstarf halda áfram til næstu tveggja ára með möguleika á tveggja ára framlengingu. 

Sjá nánar

17. júlí 2020 : Gámasvæðið við Víkurheiði lokað 17.júlí vegna veðurs

Vegna veðurs verður gámasvæðið við Víkurheiði á Selfossi lokað í dag fös. 17. júlí. 

Sjá nánar

8. júlí 2020 : Innanbæjarstrætó í Árborg - bætt við ferð fyrir hádegi virka daga

Sveitarfélagið Árborg hefur í samstarfi við Strætó bætt við ferð á virkum dögum fyrir hádegi á leið 75 sem keyrir innan Árborgar. Þessi ferð fer frá Selfossi kl. 9:33 og keyrir milli Selfoss, Stokkseyri og Eyrarbakka.

Sjá nánar

Þetta vefsvæði byggir á Eplica