182. fundur bæjarráðs

Fundargerðir til staðfestingar

1.

1401093 - Fundargerð framkvæmda- og veitustjórnar

76. fundur haldinn 2. maí

Fundargerðin staðfest.

2.

1401065 - Fundargerð fræðslunefndar

44. fundur haldinn 8. maí

-liður 6, styrkur úr Sprotasjóði. Bæjarráð fagnar því að styrkur fékkst frá Rannsókna- og þróunarmiðstöð Háskólans á Akureyri til verkefnisins "Að auka hæfni, þekkingu og leikni leikskólabarna í læsi". Fundargerðin staðfest.

Fundargerðir til kynningar

3.

1402107 - Fundargerð heilbrigðisnefndar Suðurlands

156. fundur haldinn 29. apríl

Lagt fram.

Almenn afgreiðslumál

4.

1405184 - Aðgangur að Sundhöll Selfoss og sundlaug Stokkseyrar - kvennahlaup ÍSÍ 2014

Bæjarráð samþykkir að frítt verði í sundlaugar í Árborg fyrir þátttakendur í kvennahlaupi ÍSÍ hinn 24. júní nk.

5.

1405189 - Frumvarp til laga um veiðigjöld

Bæjarráð hvetur Alþingi til að gæta þess að við breytingar á fiskveiðilöggjöfinni verði ekki svæðisbundin mismunun hvað varðar álagningu veiðigjalda.

6.

1405135 - Orlof húsmæðra 2013, skýrsla orlofsnefndar, dags. 22. apríl 2014

Lagt fram til kynningar.

7.

1405129 - Beiðni Sýslumannsins á Selfossi, dags. 5. maí 2014, um umsögn um rekstrarleyfisumsókn - Subway, Eyravegi 2, Selfossi

Bæjarráð veitir jákvæða umsögn um erindið.

8.

1402072 - Lóðarumsókn Leós Árnasonar fyrir húsið Ingólf að Eyravegi 1, dags. 9. febrúar 2014

Bæjarráð veitir vilyrði á grundvelli 8. gr. reglna um úthlutun lóða í Sveitarfélaginu Árborg fyrir lóðinni að Eyravegi 1. Bæjarráð setur það skilyrði fyrir vilyrðinu að húsið Ingólfur verði flutt á lóðina að nýju og að það verði gert upp. Vilyrðið gildir til sex mánaða.

9.

1403135 - Lóðarumsókn Sverris Rúnarssonar vegna lóðarinnar Eyravegur 1, dags. 24. febrúar 2014

Bæjarráð hafnar umsókninni. Gert er ráð fyrir að hið sögufræga hús Ingólfur komi á lóðina að nýju.

10.

1404192 - Samningur milli Selfosssóknar og Sveitarfélagsins Árborgar um æskulýðsstarf

Bæjarráð staðfestir samninginn og felur framkvæmdastjóra að undirrita hann.

11.

1405213 - Samningur Sveitarfélagsins Árborgar við Leikfélag Selfoss - endurskoðun

Bæjarráð staðfestir samninginn og felur framkvæmdastjóra að undirrita hann.

12.

1405216 - Selfossvöllur - JÁVERKS-völlurinn

Bæjarráð heimilar fyrir sitt leyti heitið JÁVERKSvöllur á knattspyrnuvelli á Selfossvelli.

13.

1401023 - Hlutverk og skilgreining Selfossflugvallar til framtíðar

Sigurjón Valsson, flugstjóri og form. Íslenska flugsögufélagsins, Margrét Hallmundsdóttir, fornleifafræðingur, og Helgi Sigurðsson frá Flugklúbbi Selfoss komu inn á fundinn og kynntu hugmyndir um að flugsafn verði flutt á Selfoss. Stefnt er að undirritun viljayfirlýsingar um að safnið komi á svæði við Selfossflugvöll.

14.

1405182 - Málefni skátafélagsins Fossbúa

Fulltrúar stjórnar skátafélagsins Fossbúa komu á fundinn. Rætt var um framtíðarhúsnæði félagsins.

15.

1301154 - Málefni hjúkrunarheimila

Bæjarráð Árborgar lýsir yfir vonbrigðum vegna ummæla heilbrigðisráðherra í Sunnlenska fréttablaðinu í þessari viku um stöðu hjúkrunarrýma á Suðurlandi. Ljóst er að brýn þörf er fyrir uppbyggingu dvalar- og hjúkrunarrýma, ekki síst í Árnessýslu.