Athugið

Bæjarstjórnarfundur í beinni útsendingu

Fundargerðir

Til baka Prenta
Afgreiðslufundur byggingarfulltrúa - 145

Haldinn að Austurvegi 67, Selfossi,
08.01.2025 og hófst hann kl. 08:15
Fundinn sátu: Sveinn Pálsson byggingafulltrúi, Puja Acharya fulltrúi á skipulags- og byggingarsviði, Sölvi Leví Gunnarsson aðstoðarbyggingafulltrúi, Rúnar Guðmundsson skipulagsfulltrúi, Guðjón Birkir Birkisson fulltrúi á skipulags- og byggingarsviði, Guðmundur Gestur Þórisson f.h. slökkviliðsstjóra.
Fundargerð ritaði: Sveinn Pálsson, byggingarfulltrúi


Dagskrá: 
Almenn afgreiðslumál
1. 2412236 - Eyrargata 49 - Umsókn um byggingaráform og byggingarleyfi
Svavar M. Sigurjónsson hönnunarstjóri fyrir hönd Olís ehf. sækir um leyfi til að endurnýja eldsneytistanka og olíu-sandskilju við núverandi eldsneytisafgreiðslu Olís.
Framkvæmdin er í umfangsflokki 1 . Gögn liggja fyrir skv. 2.3.7 gr. byggingarreglugerðar. Byggingaráform eru samþykkt með fyrirvara á að aðaluppdráttur sé lagfærður í samræmi við athugasemdir byggingarfulltrúa ásamt skil á skráningartöflu. Byggingarheimild verður gefin út þegar eftirfarandi liggur fyrir: - Aðaluppdrættir, leiðréttir og undirritaðir af hönnuði og staðfestir af byggingarfulltrúa. - Byggingarstjóri hefur staðfest ábyrgð sína og starfsábyrgðartryggingu. - Byggingarleyfisgjöld og önnur tilskilin gjöld hafa verið greidd.
Samþykkt
2. 2311116 - Eyravegur 3 - Umsókn um byggingaráform og byggingarleyfi
Hákon Ingi Sveinbjörnsson hönnunarstjóri fyrir hönd Sigtún Þróunarfélags ehf. sendir inn breyttan aðaluppdrátt þar sem búið er að breyta húsi sem var áður 4 hæðir fyrir skrifstofur og þjónustu en er nú verslanir á jarðhæð og íbúðir á 3 hæðum.
Helstu stærðir eru 2.384,6m² & 7341m³
Byggingarfulltrúi samþykkir fram lagða teikningu þegar aðaluppdráttur hefur verið lagfærður í samræmi við athugasemdir byggingarfulltrúa ásamt skil á skráningartöflu á Excel.
Samþykkt
3. 2412253 - Lágengi 10 - Umsókn um byggingaráform og byggingarleyfi
Jakob Emil Líndal hönnunarstjóri fyrir hönd Þórðar Ásmundssonar sækir um leyfi til að byggja einbýli.
Helstu stærðir eru; 249,8m² & 868,3m³.
Framkvæmdin er í umfangsflokki 2. Gögn liggja fyrir skv. 2. mgr. 2.4.1 gr. byggingarreglugerðar. Byggingaráform eru samþykkt með fyrirvara á að aðaluppdráttur sé lagfærður í samræmi við athugasemdir byggingarfulltrúa ásamt jákvæðri umsögn Mannvirkja- og umhverfissviðs vegna byggingarhæfi lóða. Byggingarleyfi verður gefið út þegar eftirfarandi liggur fyrir: - Aðal- og séruppdrættir undirritaðir af aðalhönnuði og staðfestir af byggingarfulltrúa. - Yfirlýsingar byggingarstjóra og iðnmeistara um ábyrgð á viðkomandi framkvæmd - Staðfesting á að byggingarleyfisgjöld og önnur tilskilin gjöld hafi verið greidd.
Samþykkt
4. 2412248 - Láland 21 - Umsókn um byggingaráform og byggingarleyfi
Bent Larsen Fróðason hönnunarstjóri fyrir hönd Fagraland ehf. sækir um leyfi til að byggja einbýli.
Helstu stærðir eru; 226,7m² & 783,0m³.
Framkvæmdin er í umfangsflokki 2. Gögn liggja fyrir skv. 2. mgr. 2.4.1 gr. byggingarreglugerðar. Byggingaráform eru samþykkt með fyrirvara á að aðaluppdráttur sé lagfærður í samræmi við athugasemdir byggingarfulltrúa ásamt jákvæðri umsögn Mannvirkja- og umhverfissviðs vegna byggingarhæfi lóða. Byggingarleyfi verður gefið út þegar eftirfarandi liggur fyrir: - Aðal- og séruppdrættir undirritaðir af aðalhönnuði og staðfestir af byggingarfulltrúa. - Yfirlýsingar byggingarstjóra og iðnmeistara um ábyrgð á viðkomandi framkvæmd - Staðfesting á að byggingarleyfisgjöld og önnur tilskilin gjöld hafi verið greidd.
Samþykkt
5. 2412033 - Tryggvagata 25 - Umsókn um byggingaráform og byggingarleyfi
Halldór Eiríksson hönnunarstjóri frá T.Ark sækir um að stækka efnisgeymslu fyrir byggingaefni á lóð og flytja sorp í sérstakt sorpgerði. Erindið var áður á afgreiðslufundi byggingarfulltrúa númer 144 og var því frestað vegna ófullnægjandi gagna.
Helstu stærðir 31,3m² & 129,2m³
Framkvæmdin er í umfangsflokki 1 . Gögn liggja fyrir skv. 2.3.7 gr. byggingarreglugerðar. Byggingaráform eru samþykkt. Byggingarheimild verður gefin út þegar eftirfarandi liggur fyrir: - Aðaluppdrættir, leiðréttir og undirritaðir af hönnuði og staðfestir af byggingarfulltrúa. - Byggingarstjóri hefur staðfest ábyrgð sína og starfsábyrgðartryggingu. - Byggingarleyfisgjöld og önnur tilskilin gjöld hafa verið greidd.
Samþykkt
6. 2409248 - Hjarðarholt 13 - Óleyfisframkvæmd
Byggingarfulltrúa hafa borist ábendingar um framkvæmdir á lóðinni Hjarðarholt 13. Við skoðun kom í ljós að lóðarhafi hafi hafist handa við viðbyggingu við bílskúr án þess að hafa sótt um leyfi eða tilkynnt framkvæmdina. Húseigandi fékk hönnuð til þess að teikna upp viðbygginguna og var henni hafnað á afgreiðslufundi númer 144 þar sem ekki er hægt að samþykkja nýjan matshluta (02) á lóð ásamt því að umrædd viðbygging er ekki í samræmi við kröfur byggingarreglugerðar varðandi brunavarnir á lóðarmörkum.
Byggingarfulltrúi sendi lóðarhafa bréf dags. 17.09.2024 þar sem segir m.a: Byggingarfulltrúi fer hér með fram á að gerð verði fullnægjandi grein fyrir framkvæmdinni. Ef ekki verði gerðar viðeigandi ráðstafanir fyrir 16.10.2024 mun byggingarfulltrúi í framhaldinu beita aðgerðum sem m.a eru tilgreindar í gr 2.9.2. í byggingarreglugerð 112/2012, þ.e. dagsektum sem geta numið allt að 500.000 kr. Lóðarhafi hefur ráðið hönnuð til að teikna upp áformin og skila inn umsögn til byggingarfulltrúa. Byggingarfulltrúi samþykkti þar af leiðandi aukinn frest til 20.11.2024 og var málinu frestað á afgreiðslufundi byggingarfulltrúa númer 143 þar sem að gögnin voru ófullnægjandi er varðar kröfur byggingarreglugerðar varðandi brunavarnir á lóðarmörkum. Nýjum teikningum var skilað inn og var erindið tekið fyrir á afgreiðslufundi 144 þar sem að því var hafnað.

Byggingarfulltrúi ákveður að leggja dagsektir á lóðarhafa 10.000kr frá 9.janúar 2025.
Þar til að viðbygging verður fjarlægð.
Samþykkt
7. 2412223 - Umsagnarbeiðni - starfsleyfi fyrir Umbun ehf vegna reksturs Gesthús Selfossi
Heilbrigðiseftirlit Suðurlands óskar eftir umsögn skipulags- og byggingafulltrúa vegna umsóknar Umbun ehf um nýtt starfsleyfi vegna reksturs Gesthús Selfoss.
Sótt er fyrir starfsleyfi á eftirfarandi fasteignum F2185873, F2317161 & F2340512
Byggingarfulltrúi staðfestir að starfsemin samræmist skipulagi, samþykktri notkun fasteignarinnar og hefur staðist lokaúttekt, þar með gerir byggingarfulltrúi ekki athugasemdir við útgáfu starfsleyfis.
Samþykkt

Fleira ekki gert. Fundi slitið kl. 09:45 

Til baka Prenta

Eldri fundargerðir

Einnig er hægt að nálgast eldri fundargerðir.

Sjá eldri fundargerðir
Þetta vefsvæði byggir á Eplica