Heima - Ljósmyndasýning | Hanna Siv Bjarnardóttir
Hanna Siv Bjarnardóttir heimsótti nokkra af eldri íbúum Stokkseyrar. Í stuttri heimsókn er hægt að komast að ýmsu um manneskjuna sem þar býr en heimilið endurspeglar persónuleika og sögu fólks.
Verið hjartanlega velkomin á opnun sýningarinnar föstudaginn 3. júlí. kl. 17:00 - 23:00 á Gallery Stokk.
„Mér finnst áhugavert að sjá hvaða hlutum fólk safnar að sér í gegnum ævina. Í litlu samfélagi þekkjast allir og vita nokkurn veginn hvað er að gerast í lífi hvers og eins. Ég kannast við allt fólkið sem ég heimsótti en hafði komið heim til fæstra. Það er skemmtileg upplifun að koma í heimsókn til alls þessa fólks og sjá hvernig þau hafa komið sér fyrir“.
Hanna Siv Bjarnardóttir
Hanna Siv Bjarnardóttir útskrifaðist úr Ljósmyndaskólanum í janúar 2017. Hún hélt sýningu í Skotinu í Ljósmyndasafni Reykjavíkur árið 2018, hefur sett upp yfirlitssýningu á verkum sínum á kaffihúsinu Kaffigott á Stokkseyri, ásamt samsýningum og útskriftarsýningu í Ljósmyndaskólanum.
Stokkur Art Gallery
Hafnargötu 6 | Stokkseyri
stokkur@stokkurartgallery.is | 892 5432