Jólatrjáasala Skógræktarfélags Árnesinga
Komið og höggvið ykkar eigin jólafuru í jólaskóginum að Snæfoksstöðum í Grímsnesi.
Skógræktarfélag Árnesinga verður með jólatrjáasölu að Snæfoksstöðum í Grímsnesi alla laugardaga og sunnudaga fram að jólum, kl. 11:00 - 16:00, ásamt vikunni 19. - 23. desember kl. 11:00 - 16:00
Veljið tré af Jólatorginu eða höggvið eigin jólafuru í jólaskóginum. Einnig í boði hin sívinsælu tröpputré, plattar, kurl og eldiviður (birki/fura). Kakó og lummur.
Staðsetning: Snæfoksstaðir, merkt rétt neðan við Kerið í Grímsnesi.
Góð ráð til að íslenska jólatréð standi ferskt
Með því að velja íslenskt jólatré styrkir þú skógræktarstarfið á Íslandi. Fyrir hvert selt jólatré geta skógræktarfélögin gróðursett 30- 40 ný tré í útivistarskóga sína, sem opnir eru allan ársins hring. Engin eiturefni eru notuð við ræktun jólatrjáa á Íslandi.
Til að tryggja að tréð standi ferskt yfir jólin þarf að fylgja eftirfarandi leiðbeiningum.
A. Geymið jólatréð á köldum stað fyrir uppsetningu, til dæmis á svölum eða í bílskúr.
B. Ágætt er að geyma það með fótinn í vatni.
C. Þegar tréð er sett upp á að saga sneið neðan af bolnum, ca. 2-5 cm þykka.
D. Hafið tréð í rúmgóðum fæti og gætið þess að ávallt sé nóg vatn í honum þannig að þorni aldrei alveg á trénu.
E. Fyrsta vatnsáfyllingin má gjarna vera með heitu vatni.
Að notkun lokinni á að skila trénu í endurvinnslu.
