Listagjáin | Hring eftir hring
Kristrún Helga Marinósdóttir (Dúdda) sýnir verk úr íslenskri ull í Listagjá Bókasafnsins á Selfossi.
Verkin á sýningunni eru unnin úr íslenskri ull og er innblástur þeirra sóttur í íslenska náttúru og þá hringrás sem stöðugt á sér stað þar. Má sjá vísun í mosa, steina, flóru, vatn og ís.
Auk þess sem verkin fegra þann vegg sem þau hang á þá bæta þau einnig hljóðvist.
Dúdda er alin upp á Tálknafirði í stórum hóp systkina í miklu návígi við náttúruna. Hún hefur búið á Selfossi að mestu leyti frá 16 ára aldri. Dúdda hefur haft mikla þörf fyrir að skapa og hefur notað ýmsa miðla til þess t.d. ljósmyndun, myndlist og fleira. Hring eftir hring er fyrsta sýning Dúddu.
Sýningin er sölusýning.
Verið kærlega velkomin!
Sýningin stendur til 11. apríl nk. og er opin á sama tíma og bókasafnið, frá kl. 9 - 19 alla virka daga og kl. 10 - 14 laugardaga.