Með mold á hnjánum | Sundhöll Selfoss
Saga og þróun garðyrkju í Árnessýslu ásamt uppbyggingu ylræktunar og útiræktunar eru rakin í þessari fróðlegu sýningu í Sundhöll Selfoss.
Á sýningunni verður stiklað á stóru yfir sögu og þróun garðyrkju í Árnessýslu og hvernig garðyrkjan hefur stuðlað að uppbyggingu þéttbýlis og haft mikil áhrif á byggðaþróun í sýslunni.
Rakin verður þróun ræktunar frá heimagörðum torfbæja upp í umfangsmikla atvinnugrein sem skapar fjölda manns atvinnu með hugvitsamlegri nýtingu náttúruauðlinda víða í sýslunni.
Fjallað verður um uppbyggingu ylræktar og útiræktunar grænmetis ásamt umfangsmikilli blómaræktun sem endurskilgreindi þannig ímynd svæðisins sem öflugasta garðyrkjuhéraðs landsins.
Einnig verður fjallað um hvernig garðyrkjan hefur á vissan hátt ratað aftur heim í heimagarðana með breyttu samfélagi nútímans og aukinni vitund um náttúruna og lýðheilsu.
Opnunartími sýningarinnar Með mold á hnjánum er á opnunartíma Sundhallar Selfoss
Mánudaga til fimmtudaga frá kl. 06:30 til 21:00
Föstudaga frá kl. 06:30 til 19:00
Laugardaga og sunnudaga frá kl. 09:00 til 18:00
