Myrkradagasýning | Listagjáin
Myrkradagasýning Bókasafns Árborgar opnar fimmtudaginn 17. október. Sýningin verður opin til 1. nóvember á opnunartímum bókasafnsins.
Myrkradagarnir hjá Bókasafninu hefjast fimmtudaginn 17. október og þeim lýkur á Hrekkjavökunni
Meðal viðburða verður bíósýning fyrir börn, Sigurjón ætlar að leiðbeina börnum í teikningu á furðuverum og skrímslum og svo fáum við heimsókn frá Kristínu Rögnu Gunnarsdóttur sem nýlega hefur gefið út tarrot spil norrænna goðsagna og ætlar að kynna þau fyrir okkur.
Bókasafnið fer í sinn myrkradagabúning og þeir sem þora verða með okkur í að bjóða veturinn og vættina velkomna!
Í heiðnum sið voru haldnar hátíðir í vetrarbyrjun til að þakka fyrir uppskeruna og bjóða myrkrið og veturinn velkominn. Þessar hátíðir voru stundum kallaðar nýár og í Evrópu var siður að setja ljós í næpur sem breyttist svo í grasker þegar komið var til ameríku enda allt stærra og betra þar.
Gamla trúin var sú að í upphafi vetrar væri tími umskipta og þá gætu menn skynjað handanheima og spáð í framtíðina, framliðnir fóru á kreik og eitt nafnið á „allra sálna“ messu er einmitt „allra dauðra messa“.
