Gullspor | Greiningardagur
Er allt gull sem glóir? Sunnudaginn 6. október býðst fólki að koma með gull- og silfurgripi úr einkaeigu til Byggðasafns Árnesinga þar sem sérfræðingar rýna í djásnin.
Greiningardagurinn verður haldinn kl. 14 - 16 í fyrirlestrasal Varðveisluhúss byggðasafnsins á Búðarstíg 22 á Eyrarbakka.
Þessi opni viðburður er sniðinn að fyrirmynd greiningardaga á Þjóðminjasafni Íslands sem hafa um árabil notið vinsælda.
Þeir sérfræðingar sem taka á móti fólki þennan dag verða:
- Halla Bogadóttir, gullsmiður
- Lilja Árnadóttir, fyrrum sérfræðingur við Þjóðminjasafn Íslands
- Bogi Karlsson, úrsmiður
- Ásgeir Reynisson, gullsmiður
- Birgir D. Ingibergsson, gullsmíðanemi
Greiningardagurinn er hluti af menningardagskránni Gullspor og sýning undir því nafni er í Sjóminjasafninu á Eyrarbakka á Túngötu 59
Sýningin fjallar um handverk gull- og silfursmiða úr Árnessýslu. Frír aðgangur er á þá sýningu eins og á safnið allt í tilefni Menningarmánaðarins október í Árborg.
Hvatinn að Gullsporum kemur frá félagsmönnum Félags íslenskra gullsmiða sem fagna nú 100 ára afmæli og nýtur safnið góðs af samstarfi við félagið.
Safnasjóður styrkir verkefnið
