Samvinna eftir skilnað | Námskeið 2024
Velferðarþjónusta Árborgar býður foreldrum í Árborg upp á þriggja daga námskeið dagana 05., 07. og 12. mars frá kl. 17:00 til 19:00 á 3. hæð í Ráðhúsi Árborgar, Austurvegi 2.
Námskeiðið er fyrir alla foreldra sem vilja bæta samstarf sitt með hagsmuni barnsins að leiðarljósi undir yfirskriftinni Samvinna eftir skilnað - barnanna vegna.
Námskeiðið samanstendur af þremur þemum:
- Foreldrar og áskoranir í tengslum við skilnað
- Áhrif skilnaðar á börn og samskipti á forsendum barna
- Foreldrasamvinna og samstarf í verki
Þjónustan er foreldrum Árborgar að kostnaðarlausu. Það er ekki skilyrði að báðir foreldrar barnsins nýti sér þessa þjónustu.
Umsjónarmenn námskeiðsins eru Bryndís Guðmundsdóttir MA félagsráðgjafi, Hekla Dögg Ásmundsdóttir MA félagsráðgjafi og Heiða Rún Sveinsdóttir fjölskyldufræðingur.
Skráning fer fram með því að senda tölvupóst á netfangið fullordinsteymi@arborg.is fram þarf að koma nafn, kennitala og símanúmer. Í kjölfar skráningar mun SES ráðgjafi hafa samband.