Sigfús Sigurðsson Ólympíufari | Sýning Minjaverndarnefndar UMFS
Minjaverndarnefnd Umf. Selfoss er með sýningu um Sigfús Sigurðsson, Kúlu-Fúsa, á Bókasafni Árborgar, Selfossi.
Sigfús Sigurðsson keppti í kúluvarpi á Sumarólympíuleikunum í London árið 1948. Þrjátíu og sex keppendur voru í kúluvarpskeppninni og komst Sigfús í úrslitakeppnina sem 11. maður með 14,49m kasti.
Í lokakeppninni voru taugarnar þandar og endaði Sigfús í 12. sæti með 13,66 m kasti.
Eftir Ólympíuleikana í London var farið til Noregs á Bislet leikana þar sem Sigfús sigraði þá keppni í kúluvarpinu. Eftir Noreg var haldið til Svíþjóðar og fór Sigfús þar einnig á verðlaunapall.
Munir tengdir afrekum Sigfúsar ásamt fjölda annarra gripa eru til sýnins á sýningu Minjaverndarnefndar Umf. Selfoss á Bókasafni Árborgar, Selfossi.
- Mánudaginn 7. október kl. 15.00 mun Þorkell Gunnar Sigurbjörnsson kynna nýútgefna bók sína um undirbúning Íslendinga fyrir Sumarólympíuleikana í London árið 1948, "Með harðfisk og hangikjöt að heiman".
- Þriðjudaginn 22. október kl. 15.00 mun Vésteinn Hafsteinsson segja frá upplifun sinni af ÓL-leikum. Vésteinn hefur farið á ellefu Ólympíuleika, sem keppandi fjórum sinnum og sjö sinnum sem fararstjóri og þjálfari, á 40 ára tímabili.
Minjaverndarnefndin er með sjálfstæðan fjárhag og það sem við gerum höfum við fjármagnað með styrkjum frá fyrirtækjum og einstaklingum.
Björn Ingi Gíslason, Kristinn M. Bárðarson
