Stjórnmálaflokkar og stefnumál | Grænumörk
Í aðdraganda kosninga til Alþingis hafa frambjóðendur stjórnmálaflokka boðað komu sína í Grænumörk 5 til að spjalla við þá sem áhuga hafa á að kynna sér stefnumál flokka sinna.
Þriðjudaginn 14. september á milli kl. 15:00 og 16:00 munu frambjóðendur Sjálfstæðisflokksins koma og kynna sín stefnumál og ræða við áhugasama.
Miðvikudaginn 15. september á milli 13:00 og 14:00 koma frambjóðendur Viðreisnar og kynna sína stefnu og ræða hana.
Miðvikudaginn 15. september á milli kl. 14:00 og 15:00 koma frambjóðendur Framsóknarflokksins og kynna sína stefnu og ræða hana.
Miðvikudaginn 15. september á milli kl. 15:00 og 16:00 koma frambjóðendur Sósíalistaflokksins og kynna sína stefnu og ræða hana.
Við hvetjum eldri borgara til að mæta, þar sem tækifæri gefst til að ræða beint við frambjóðendur flokkanna.
Miðflokki, Samfylkingu og Vinstri grænum hefur verið boðið að koma en þessi framboð hafa ekki ákveðið hvaða daga þau hyggjast vera á ferð en það verður tilkynnt um leið og það liggur fyrir. Ekki hefur enn náðst til hinna fimm flokkanna sem bjóða fram í Suðurkjördæmi.
