Straumar og stefnur | Haust 2022
Nemendur í framhaldsáfanganum Straumar og stefnur sem er myndlistaráfangi í FSu sýna Listagjánni á Bókasafni Árborgar 02.- 28. febrúar 2023.
Myndlistarnemar FSu halda áfram uppteknum hætti að setja upp sýningu í opinberu sýningarrými utan skólans. Nú er það nemendur í framhaldsáfanganum Straumar og stefnur sem fá þjálfun í uppsetningu og kynningu á eigin verkum. Verkin voru unnin á haustönn 2022.
Sýningin fer fram í Listagjánni á Bókasafni Árborgar
Gestum gefst tækifæri á að upplifa fjölbreytt listaverk, bæði að útliti og innihaldi. Í áfanganum Straumar og stefnur er unnið út frá kenningum í fagurfræði, fjölbreyttum myndgerðum og nemendur hlaða verk sín tilgangi sem tengjast ýmist goðsögnum eða Heimsmarkmiðum Sameinuðu þjóðanna.
Það er margt á seiði á listalínu FSu og áhugi nemenda mikill
FSu státar af fjölbreyttum áföngum á sviði sköpunar. Þar má nefna stafræna smiðju, Fablab, ljósvakamiðlun, leiklist, textíl hönnun, grafíska hönnun, grafíska miðlun ásamt myndlistinni. Áfangarnir eru opnir öllum nemendum skólans, óháð námsbrautum. Einnig má nefna að það er alltaf gefandi og gaman að fá eldra fólk með áhuga á skapandi greinum inn í hinn hefðbundna nemendahóp.
Veggjalistin er sýning sem alltaf er opin áhorfendum en um er að ræða vegg er vísar að bílastæði FSu og er tæplega 100 metra langur. Útkoman er frábær útimyndlistarsýning. Gaman er að segja frá því að fyrrum nemandi okkar á listalínunni, Þóranna Ýr Guðgeirsdóttir hefur unnið að veggjalist víðs vegar um Selfoss.
Myndlistarkennarar FSu
Lísa, Ágústa og Anna Kristín
Sýningin er opin alla virka daga frá kl. 09 - 18 og laugardaga kl. 10 - 14
